സാന്ത്വനം എന്ന പരമ്പരയിലൂടെ കുടുംബപ്രേക്ഷകരുടെ പ്രിയങ്കരിയായി മാറിയ താരമാണ് അപ്സര രത്നാകരന്. സോഷ്യൽ മീഡിയയിലും യൂട്യുബിലും ഒക്കെ സജീവമാണ് അപ്സര. അപ്സരയെ പോലെ തന്നെ ഭർത്താവ് ആൽബിയും പ്രേക്ഷകർക്ക് ഇന്ന് സുപരിചിതനാണ്.
ഇപ്പോഴിതാ, ഇവർ യൂട്യൂബ് ചാനലിൽ പങ്കുവെച്ച ഏറ്റവും പുതിയ വീഡിയോ വൈറലാവുകയാണ്. ആരാധകരുടെ ചോദ്യങ്ങൾക്ക് മറുപടി നൽകുകയാണ് താരങ്ങൾ. കഴിഞ്ഞ ആഴ്ച ഇവർ പങ്കുവെച്ച ഇതിന്റെ ആദ്യ ഭാഗം വൈറലായി മാറിയിരുന്നു. ഒരു കുഞ്ഞൊക്കെ വേണ്ടേ എന്ന് ഒരുപാട് ആളുകൾ ചോദിക്കുന്നുണ്ട്. അതിനുള്ള ഉത്തരം വീഡിയോയുടെ അവസാനം പറയാം എന്ന് പറഞ്ഞുകൊണ്ട് തുടങ്ങിയ വീഡിയോ ആണ് വൈറലായത്.
എന്നാൽ അതേ കുറിച്ചൊന്നും ഇരുവരും സംസാരിച്ചിരുന്നില്ല. ഇത്രയും കാത്തിരുന്നിട്ടും അത് പറയാതെ പോയത് ശരി ആയില്ല എന്ന പരാതിയുമായി ആരാധകർ എത്തിയിരുന്നു. പുതിയ വീഡിയോയിൽ അതിനുള്ള മറുപടി ഉൾപ്പെടെ ഇരുവരും നൽകുന്നുണ്ട്.
ജീവിതത്തിലെ മറക്കാനാവാത്ത സംഭവം എന്താണെന്ന ചോദ്യത്തിന് അത് അച്ഛന്റെ വേർപാട് ആണെന്നാണ് അപ്സര പറഞ്ഞത്. ആൽബിയിലെ ഇഷ്ടമുള്ള സ്വഭാവം ചോദിച്ചപ്പോൾ എവിടെ പോകാമെന്ന് പറഞ്ഞാലും മടി കാണിക്കാതെ കൂടെ വരുമെന്ന ക്വാളിറ്റിയാണ് അപ്സര പറഞ്ഞത്. എന്ത് കാര്യത്തിന് വിളിച്ചാലും ആൾ റെഡിയാണ് എന്നതാണ്.
അപ്സരയിൽ ഇഷ്ടപ്പെട്ട സ്വഭാവമായി ആൽബി പറയുന്നത് എല്ലാ കാര്യങ്ങൾക്കും നൽകുന്ന പ്രോത്സാഹനമാണ്. ഒരു കാലാകാരന് ഏറ്റവും അത്യാവശ്യം അതാണെന്നും അക്കാര്യത്തിൽ അപ്സര നൽകുന്ന പിന്തുണ വലുതാണെന്നും ആൽബി പറഞ്ഞു. പര്സപരം അടുത്ത് അറിഞ്ഞ് വിവാഹം കഴിച്ചവരാണ് ഞങ്ങൾ.
അതുകൊണ്ടാണ് ഇപ്പോഴും നല്ല സ്നേഹത്തോടെ മുന്നോട്ട് പോകുന്നത്. ഞങ്ങൾ തമ്മിൽ നല്ല രീതിയിൽ വഴക്കുണ്ടാക്കാറുണ്ട്. ഞങ്ങളുടെ സഹൃദവലയത്തിൽ പോലും ഞങ്ങളെ പോലെ വഴക്കുണ്ടാക്കുന്നവർ ഇല്ല പക്ഷെ ഒരിക്കൽ പോലും ഞങ്ങൾ മാറിനിന്നിട്ടില്ലെന്നും ഇരുവരും പറയുന്നുണ്ട്.
'അച്ഛൻ ഉണ്ടായിരുന്നെങ്കിൽ ഞാൻ അഭിനയത്തിലേക്ക് വരില്ലായിരുന്നു. ആൽബി ചേട്ടനെ കാണില്ലായിരുന്നു. ഇത് വിധിയാണ് പക്ഷെ അച്ഛൻ ഉണ്ടായിരുന്നെങ്കിൽ ഇത് സംഭവിക്കുമെന്ന് തോന്നുന്നില്ല. കാരണം അച്ഛന് ഇഷ്ടമല്ല. അമ്മ കെപിഎസിയിൽ നാടക ആർട്ടിസ്റ്റായിരുന്നു വിവാഹശേഷം ആണ് അത് നിർത്തിയത്. അച്ഛൻ ഭയങ്കര സ്ട്രിക്റ്റ് ആയിരുന്നു. കളിക്കാൻ പോലും വിടില്ലായിരുന്നു,' എന്ന് അപ്സര പറഞ്ഞു.
അവസാനം കുഞ്ഞിനെ കുറിച്ചും അപ്സരയും ആൽബിയും സംസാരിക്കുന്നുണ്ട്. ഞങ്ങൾക്ക് ഒരു വർഷം കഴിഞ്ഞു കുഞ്ഞു മതി എന്നായിരുന്നു. ഇതൊക്കെ സംഭവിക്കുമ്പോൾ അങ്ങ് സംഭവിക്കുന്നതല്ലേ. ഇപ്പോൾ വിശേഷം ഒന്നും ആയിട്ടില്ല. ഉണ്ടാകുമ്പോൾ ഉറപ്പായും നിങ്ങളുമായി ഷെയർ ചെയ്യും എന്നാണ് ഇവർ പറഞ്ഞത്.
ഞങ്ങൾക്ക് പെൺകുഞ്ഞു വേണം എന്നാണ്. ഒരുക്കി ഒക്കെ നടക്കാൻ എനിക്ക് വലിയ ഇഷ്ടമാണ് എന്ന് അപ്സര പറയുമ്പോൾ ഞങ്ങളുടെ വീട്ടിൽ എല്ലാം ആൺപിള്ളേർ ആണ് അതുകൊണ്ടു ഒരു മോൾ വേണം എന്നാണ് ആഗ്രഹം എന്നാണ് ആൽബി പറയുന്നത്. അതേസമയം, രണ്ടുപേർക്കും ആൺ കുട്ടി ആയാലും പെൺകുട്ടി ആയാലും ഇഷ്ടമാണെന്നും പറയുന്നുണ്ട്.
Content Highlight: Now the new video shared by Apsara is going viral
