---
title: "അല്ലിയെ സോഷ്യല്‍ മീഡിയയില്‍ നിന്ന്‍ അകറ്റിനിർത്തുന്നതിനുള്ള  കാരണം ഇതാണ്;  പൃഥ്വിരാജ് "
english_title: "Prithviraj reveals the reason for keeping Alli away from social media"
publisher: "moviemax.in"
canonical_url: "https://moviemax.in/news/8826/prithviraj-reveals-the-reason-for-keeping-alli-away-from-social-media"
published_at: "2021-11-04T10:38:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/61836b552d2ef_.jpg"
keywords: []
---

# അല്ലിയെ സോഷ്യല്‍ മീഡിയയില്‍ നിന്ന്‍ അകറ്റിനിർത്തുന്നതിനുള്ള  കാരണം ഇതാണ്;  പൃഥ്വിരാജ് 

> **Lead Summary:** പ്രേക്ഷകര്‍ക്ക് പ്രിയങ്കരനായി മാറിയ അഭിനേതാവാണ് പൃഥ്വിരാജ്. മാതാപിതാക്കള്‍ക്കും ചേട്ടനും പിന്നാലെയായാണ് പൃഥ്വിയും അഭിനയ മേഖലയിലേക്ക് എത്തിയത്. എഞ്ചിനീയിറിംഗ് പഠനം പാതിവഴിയില്‍ ഉപേക്ഷിച്ചായിരുന്നു പൃഥ്വി സിനിമ തിരഞ്ഞെടുത്തത്. മകന് ശക്തമായ പിന്തുണയുമായി അമ്മ കൂടെയുണ്ടായിരുന്നു. പൃഥ്വി മാത്രമല്ല ഭാര്യ സുപ്രിയയും മകള്‍ അലംകൃതയുമെല്ലാം പ്രേക്ഷകര്‍ക്ക് പ്രിയപ്പെട്ടവരാണ്.

## Article Content

പ്രേക്ഷകര്‍ക്ക് പ്രിയങ്കരനായി മാറിയ അഭിനേതാവാണ് പൃഥ്വിരാജ്. മാതാപിതാക്കള്‍ക്കും ചേട്ടനും പിന്നാലെയായാണ് പൃഥ്വിയും അഭിനയ മേഖലയിലേക്ക് എത്തിയത്. എഞ്ചിനീയിറിംഗ് പഠനം പാതിവഴിയില്‍ ഉപേക്ഷിച്ചായിരുന്നു പൃഥ്വി സിനിമ തിരഞ്ഞെടുത്തത്. മകന് ശക്തമായ പിന്തുണയുമായി അമ്മ കൂടെയുണ്ടായിരുന്നു. പൃഥ്വി മാത്രമല്ല ഭാര്യ സുപ്രിയയും മകള്‍ അലംകൃതയുമെല്ലാം പ്രേക്ഷകര്‍ക്ക് പ്രിയപ്പെട്ടവരാണ്.

മകളെക്കുറിച്ച് വാചാലനായുള്ള പൃഥ്വിയുടെ അഭിമുഖം വൈറലായിക്കൊണ്ടിരിക്കുകയാണ്. ഒരു  അഭിമുഖത്തിനിടയിലായിരുന്നു അദ്ദേഹം വിശേഷങ്ങള്‍ പങ്കിട്ടത്.

അലംകൃത മേനോന്‍ പൃഥ്വിരാജ് എന്ന ആലി പ്രേക്ഷകര്‍ക്ക് ഏറെ പ്രിയപ്പെട്ട താരപുത്രിയാണ്. ആലിയെന്നാണ് പൃഥ്വിയും സുപ്രിയയും വിളിക്കാറുള്ളതെങ്കിലും ആരാധകര്‍ക്ക് അല്ലിയാണ്. പിറന്നാള്‍ ദിനത്തില്‍ മാത്രമേ മകളുടെ മുഖം വ്യക്തമാവുന്ന ചിത്രങ്ങള്‍ പോസ്റ്റ് ചെയ്യാറുള്ളൂ. ആലിയെ സോഷ്യല്‍ മീഡിയയില്‍ നിന്നും അകറ്റി നിര്‍ത്തുന്നതിന് പിന്നിലെ കാരണവും പൃഥ്വി വിവരിച്ചിരുന്നു.

തിരിച്ചറിയപ്പെടുന്ന തരത്തിലുള്ളൊരു പബ്ലിക് പ്രൊഫൈല്‍ അവള്‍ക്ക് ഇപ്പോള്‍ വേണ്ടെന്ന് വെച്ചതാണ്. അതൊന്നും ഉള്‍ക്കൊള്ളാനുള്ള പ്രായം അവള്‍ക്കായിട്ടില്ല. അവളുടെ സ്വാതന്ത്ര്യം നഷ്ടപ്പെടുന്നവിധം തല്‍ക്കാലം തിരിച്ചറിയേണ്ടതില്ല എന്നാണ് ഞങ്ങളുടെ തീരുമാനം. കുട്ടിയായിരിക്കുന്ന സമയത്ത് പബ്ലിക് ഫെയിമില്‍ നിന്നും അവളെ മാറ്റി നിര്‍ത്തിയാല്‍ കൊള്ളാമെന്ന് തോന്നി. ഇതേക്കുറിച്ച് അവള്‍ക്ക് തന്നെ തിരിച്ചറിവ് വന്ന് തുടങ്ങിയിട്ടുണ്ട്.

അച്ഛന്റേയും അമ്മയുടേയും ജോലി ഇതാണെന്നും പ്ലബിക് ലൈഫിലെ കാര്യങ്ങള്‍ ഇങ്ങനെയാണെന്നും കുറച്ച് കഴിഞ്ഞാല്‍ അവള്‍ക്ക് മനസ്സിലാവും. ആലിക്ക് വായന ഏറെ ഇഷ്ടമുള്ള കാര്യമാണ്. അക്ഷരങ്ങള്‍ കൂട്ടി വായിച്ചതിന് ശേഷം പുസ്തക വായന കൂടിയിട്ടുണ്ട്. ഈ ഹോബി എപ്പോഴും കൂടെയുണ്ടാവുമോയെന്ന് അറിയില്ല. ഏത് തരം പുസ്തകങ്ങളാണ് അവള്‍ വായിക്കേണ്ടത് എന്ന് തീരുമാനിക്കുന്നത് ഞങ്ങളാണെന്നും പൃഥ്വി പറയുന്നു.

അമ്മയാണ് തന്നേയും ചേട്ടനേയും വളര്‍ത്തിയതെന്ന് പൃഥ്വി പറയുന്നു. അച്ഛനുണ്ടായിരുന്ന സമയത്തും അങ്ങനെയായിരുന്നു. പൃഥ്വിക്കും ഇന്ദ്രനും എന്തെങ്കിലും ഗുണങ്ങള്‍ ഉണ്ടെന്ന് കരുതുന്നുണ്ടെങ്കില്‍ അത് അമ്മയുടേയും അച്ഛന്റേയും ഗുണങ്ങളാണ്. എന്റെ നേട്ടങ്ങളൊക്കെ കാണാന്‍ അച്ഛന്‍ കൂടെയുണ്ടായിരുന്നുവെങ്കില്‍ എന്ന് പലപ്പോഴും തോന്നിയിട്ടുണ്ടെന്നും അദ്ദേഹം അഭിമുഖത്തില്‍ പറഞ്ഞിരുന്നു.

### Related Links & Sources
- [Original Story Source](https://moviemax.in/news/8826/prithviraj-reveals-the-reason-for-keeping-alli-away-from-social-media)