ഫുട്ബോള് ഇതിഹാസം പെലെയുടെ വിയോഗത്തില് അനുശോചനമറിയിച്ച് മമ്മൂട്ടി. ഫുട്ബോളിനെ ഇത്രയുമധികം ഇഷ്ടപ്പെടുത്തിയതിന് നന്ദിയെന്നും ലോകമെമ്പാടുമുള്ള അഭ്യുദയകാംക്ഷികള്ക്കും കുടുംബത്തിനും അനുശോചനം അറിയിക്കുന്നതായും മമ്മൂട്ടി സോഷ്യല് മീഡിയയില് കുറിച്ചു.
”ഫുട്ബോള് എന്ന മനോഹരമായ കളി ഞങ്ങളെ എല്ലാവരെയും ഇഷ്ടപ്പെടാന് ഇടയാക്കിയതിന് നന്ദി. റെസ്റ്റ് ഇന് പീസ് ലെജന്ഡ്. അദ്ദേഹത്തിന്റെ കുടുംബത്തിനും ലോകമെമ്പാടുമുള്ള അഭ്യുദയകാംക്ഷികള്ക്കും അനുശോചനം അറിയിക്കുന്നു” നടന് കുറിച്ചു.
ലോകമെമ്പാടുമുള്ള നിരവധി ആരാധകരാണ് പെലെക്ക് അനുശോചനമര്പ്പിച്ചെത്തുന്നത്. 2021 സെപ്റ്റംബറിലാണ് പെലെയ്ക്ക് അര്ബുദം സ്ഥിരീകരിച്ചത്. വന്കുടലിലെ മുഴ നീക്കം ചെയ്തതിനെ തുടര്ന്ന് പെലെ ദീര്ഘകാലം ആശുപത്രിയില് തുടര്ന്നിരുന്നു. അതിന് ശേഷം കീമോ തെറാപ്പിയ്ക്കും വിധേയനായി.
ഡിസംബര് 21 ന് പുറത്തുവിട്ട മെഡിക്കല് റിപ്പോര്ട്ടുകള് പ്രകാരം പെലെ ക്യാന്സറുമായി ബന്ധപ്പെട്ട പ്രശ്നങ്ങളെ തുടര്ന്ന് ഗുരുതരാവസ്ഥയിലായിരുന്നു. അര്ബുദത്തിന് പുറമേ ഹൃദയ, വൃക്ക സംബന്ധമായ പ്രശ്നങ്ങളും താരം നേരിട്ടിരുന്നു.
https://www.facebook.com/Mammootty/posts/730864838403520
വിലാ ബെല്മിറോയിലെ സാന്റോസ് ക്ലബിന്റെ സ്റ്റേഡിയത്തില് പൊതുദര്ശനത്തിന് ശേഷമായിരിക്കും സംസ്കാരം. രാജ്യത്തിന്റെ പ്രിയപുത്രന്റെ മരണത്തെത്തുടര്ന്ന് ബ്രസീലില് മൂന്നുദിവസത്തെ ദുഃഖാചരണം പ്രഖ്യാപിച്ചു. ബ്രസീലിനായി മൂന്ന് ലോകകപ്പുകള് സ്വന്തമാക്കിയ പെലെ, നൂറ്റാണ്ടിന്റെ ഇതാഹാസതാരം എന്നതടക്കം വിവിധ ബഹുമതികളും നേടിയിട്ടുണ്ട്.
Content Highlight: Mammootty condoles the death of football legend Pele.
