---
title: "എന്റെ മോന്‍ ശരിയല്ലെന്ന് എനിക്കറിയാം, ശാരീരികമായി പല തരത്തില്‍ ഉപദ്രവിച്ചിട്ടുണ്ട്; മുകേഷിനെതിരെ സരിത"
english_title: "A video in which Saritha spoke about Mukesh is widely circulating on social media."
publisher: "moviemax.in"
canonical_url: "https://moviemax.in/news/86402/a-video-in-which-saritha-spoke-about-mukesh-is-widely-circulating-on-social-media"
published_at: "2022-12-21T10:25:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/63a2929f70c5e_saritha_mukesh.jpg"
keywords: []
---

# എന്റെ മോന്‍ ശരിയല്ലെന്ന് എനിക്കറിയാം, ശാരീരികമായി പല തരത്തില്‍ ഉപദ്രവിച്ചിട്ടുണ്ട്; മുകേഷിനെതിരെ സരിത

> **Lead Summary:** മലയാളികൾക്ക് സുപരിചിതരായവരാണ് നടൻ മുകേഷും നടി സരിതയും . ദാമ്പത്യ ബന്ധത്തിലെ പൊരുത്തക്കേടുകള്‍ക്ക് പിന്നാലെ മുകേഷും സരിതയും വിവാഹമോചനം നേടിയിരുന്നു. അടുത്തിടെ സരിതയെ കുറിച്ച് മുകേഷ് യുട്യൂബ് ചാനലിലൂടെ പറഞ്ഞ കാര്യങ്ങള്‍ വൈറലായിരുന്നു.

## Article Content

മലയാളികൾക്ക് സുപരിചിതരായവരാണ് നടൻ മുകേഷും നടി സരിതയും . ദാമ്പത്യ ബന്ധത്തിലെ പൊരുത്തക്കേടുകള്‍ക്ക് പിന്നാലെ മുകേഷും സരിതയും വിവാഹമോചനം നേടിയിരുന്നു. അടുത്തിടെ സരിതയെ കുറിച്ച് മുകേഷ് യുട്യൂബ് ചാനലിലൂടെ പറഞ്ഞ കാര്യങ്ങള്‍ വൈറലായിരുന്നു.

ഈ പശ്ചാത്തലത്തില്‍ സരിത മുകേഷിനെക്കുറിച്ചു പറയുന്ന ഒരു വീഡിയോ സോഷ്യല്‍ മീഡിയയില്‍ വ്യാപകമായി പ്രചരിക്കുകയാണ്. ഗര്‍ഭിണിയായിരിക്കെ പോലും മുന്‍ ഭര്‍ത്താവായ മുകേഷില്‍ നിന്നും ഉപദ്രവങ്ങള്‍ സഹിക്കേണ്ടി വന്നിട്ടുണ്ടെന്നായിരുന്നു സരിതയുടെ വെളിപ്പെടുത്തല്‍.

ലോകം അറിഞ്ഞ ദിവസമാണ് അദ്ദേഹം വിവാഹിതനായെന്ന് ഞാനും അറിഞ്ഞത്. എനിക്ക് ഡിവോഴ്സ് കിട്ടിയിരുന്നില്ല. 2011ല്‍ ഞാന്‍ വിവാഹമോചന ഹര്‍ജി പിന്‍വലിച്ചിരുന്നു. അതുകഴിഞ്ഞ് മോനെ വിളിച്ച് അദ്ദേഹം ഡിവോഴ്സ് കിട്ടിയെന്ന് പറഞ്ഞിരുന്നു.

എന്റെ അറിവില്ലാതെ അദ്ദേഹത്തിന് എങ്ങനെയാണ് ഡിവോഴ്സ് കിട്ടിയതെന്നറിയില്ല. ഗാര്‍ഹിക പീഡനത്തിനും വിവാഹമോചനത്തിനുമായി ഞാന്‍ രണ്ട് പരാതി കൊടുത്തിരുന്നു. അത് പിന്‍വലിച്ചാല്‍ മ്യൂചല്‍ ഡിവോഴ്സിന് ശ്രമിക്കാമെന്ന് പറഞ്ഞിരുന്നു. ‘സിനിമയിലൊക്കെയെ ഞാന്‍ അങ്ങനെ കണ്ടിട്ടുള്ളൂ. എന്റെ ജീവിതത്തില്‍ ഇങ്ങനെ സംഭവിക്കുമെന്ന് ഞാന്‍ കരുതിയില്ല.

അതേക്കുറിച്ച് മറ്റൊരാളോട് പറയാന്‍ നാണക്കേട് തോന്നി. അദ്ദേഹത്തിന്റെ അച്ഛന് ഞാന്‍ വാക്ക് കൊടുത്തിരുന്നു. അതാണ് പോലീസില്‍ പരാതിപ്പെടാതിരുന്നത്.

‘എന്റെ മോന്‍ ശരിയല്ലെന്ന് എനിക്കറിയാം…. ഇത് മീഡിയയിലൊന്നും വരരുത്. മോള്‍ സഹിക്കണമെന്ന് അദ്ദേഹത്തിന്റെ അച്ഛന്‍ പറഞ്ഞിരുന്നു. ആ വാക്ക് അദ്ദേഹത്തിന്റെ മരണം വരെ ഞാന്‍ പാലിച്ചിരുന്നു.

ശാരീരികമായി പല തരത്തില്‍ ഉപദ്രവിച്ചിട്ടുണ്ട്. കരയുന്ന സമയത്ത് നല്ല അഭിനേത്രിയാണല്ലോ എന്നാണ് ചോദിക്കാറുള്ളത്. – എന്നായിരുന്നു സരിത പറയുന്നത്.

### Related Links & Sources
- [Original Story Source](https://moviemax.in/news/86402/a-video-in-which-saritha-spoke-about-mukesh-is-widely-circulating-on-social-media)