ദില്ലി: അരുമയായ വളർത്തുമൃഗങ്ങളെ കുടുംബത്തിലെ ഒരംഗത്തെപ്പോലെ പരിഗണിക്കുന്നവരാണ് നമ്മളിൽ മിക്കവരും. അത്തരത്തിൽ ബീഗിൾ ഇനത്തിൽ പെട്ട വളർത്തുനായക്ക് 'ബേബി ഷവർ' നടത്തുന്ന വളർത്തുമൃഗത്തോടുള്ള സ്നേഹം പ്രകടിപ്പിക്കുന്ന ഒരു വീഡിയോ ആണ് ഇപ്പോൾ സമൂഹമാധ്യമങ്ങളിൽ വൈറലാക്കുന്നത്. പരമ്പരാഗത ആചാരങ്ങളോടെയാണ് ബേബി ഷവർ നടത്തുന്നത്. 'ബേബി ഷവർ ഫോർ മൈ ക്യൂട്ടീ' എന്ന തലക്കെട്ടോടുകൂടി സുജാത ഭാരതി എന്ന സ്ത്രീയാണ് വീഡിയോ തന്റെ ഇൻസ്റ്റഗ്രാം പേജിൽ പങ്കുവച്ചിരിക്കുന്നത് . സ്കാർഫ് കെട്ടി, മാലയിട്ട് നെറ്റിയിൽ പൊട്ട് തൊടീക്കുന്നതും വളർത്തുനായ് ഇരിക്കുന്നത് വീഡിയോ ദൃശ്യങ്ങളിൽ കാണാം. കൂടാതെ വീട്ടിലെ ഈ വിശേഷ ദിനത്തിൽ മറ്റ് നായ്ക്കൾക്കും ഭക്ഷണം തയ്യാറാക്കി വിളമ്പുന്നുണ്ട്. നവംബർ 20 ന് ഇൻസ്റ്റാഗ്രാമിൽ പങ്കുവച്ച വീഡിയോക്ക് 3.4 ലക്ഷത്തിലധികം ലൈക്കുകളും 2000-ലധികം കമന്റുകളും ലഭിച്ചിട്ടുണ്ട്.
Content Highlight: Baby shower for pet dog; The video went viral
