---
title: "‘അഭിനന്ദങ്ങള്‍ പ്രിയ ബേസില്‍, ഈ നേട്ടം നമ്മുടെ നാടിന് അഭിമാനമാണ്’; മോഹന്‍ലാല്‍ "
english_title: "'Congratulations dear Basil, this achievement is the pride of our country'; Mohanlal"
publisher: "moviemax.in"
canonical_url: "https://moviemax.in/news/84423/congratulations-dear-basil-this-achievement-is-the-pride-of-our-country-mohanlal"
published_at: "2022-12-10T15:18:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/639456b3210c6_besil_joseph_and_mohanlal.jpg"
keywords: []
---

# ‘അഭിനന്ദങ്ങള്‍ പ്രിയ ബേസില്‍, ഈ നേട്ടം നമ്മുടെ നാടിന് അഭിമാനമാണ്’; മോഹന്‍ലാല്‍ 

> **Lead Summary:** ഏഷ്യന്‍ അക്കാദമി അവാര്‍ഡ് 2022ല്‍ മികച്ച സംവിധായകനുള്ള പുരസ്‌കാരം സ്വന്തമാക്കിയ ബേസിലിനെ അഭിനന്ദിച്ച് മലയാളത്തിന്റെ പ്രിയ താരം മോഹന്‍ലാല്‍. ‘അഭിനന്ദങ്ങള്‍ പ്രിയ ബേസില്‍, ഈ നേട്ടം നമ്മുടെ നാടിന് അഭിമാനമാണ്’- മോഹന്‍ലാല്‍ ട്വിറ്ററില്‍ കുറിച്ചു. ബേസില്‍ ജോസഫ് പുരസ്‌കാരം സ്വീകരിക്കുന്ന വീഡിയോ പങ്കുവെച്ചാണ് മോഹന്‍ലാലിന്റെ ട്വീറ്റ്.

## Article Content

ഏഷ്യന്‍ അക്കാദമി അവാര്‍ഡ് 2022ല്‍ മികച്ച സംവിധായകനുള്ള പുരസ്‌കാരം സ്വന്തമാക്കിയ ബേസിലിനെ അഭിനന്ദിച്ച് മലയാളത്തിന്റെ പ്രിയ താരം മോഹന്‍ലാല്‍. ‘അഭിനന്ദങ്ങള്‍ പ്രിയ ബേസില്‍, ഈ നേട്ടം നമ്മുടെ നാടിന് അഭിമാനമാണ്’- മോഹന്‍ലാല്‍ ട്വിറ്ററില്‍ കുറിച്ചു. ബേസില്‍ ജോസഫ് പുരസ്‌കാരം സ്വീകരിക്കുന്ന വീഡിയോ പങ്കുവെച്ചാണ് മോഹന്‍ലാലിന്റെ ട്വീറ്റ്.

രാഷ്ട്രീയ രംഗത്തെ പ്രമുഖരും ബേസിലിന് അഭിനന്ദനവുമായെത്തിയിരുന്നു. മലയാള സിനിമയില്‍ പുതിയ കാലത്തെ വലിയ സ്വപ്നങ്ങള്‍ക്ക് പ്രചോദനമായ ബേസിലിന് ഹൃദയാഭിവാദ്യങ്ങള്‍ എന്നായിരുന്നു ഷാഫി പറമ്പില്‍ എം.എല്‍.എയുടെ ഫേസ്ബുക്ക് പോസ്റ്റ്.

യൂത്ത് കോണ്‍ഗ്രസ് നേതാവ് രാഹുല്‍ മാങ്കൂട്ടത്തിലും ബേസിലിന് ആശംസകള്‍ നേര്‍ന്നു. മിന്നല്‍ മുരളിക്കാണ് ബേസിലിന് പുരസ്‌കാരം ലഭിച്ചത്. പതിനാറ് രാജ്യങ്ങളാണ് പുരസ്‌കാരത്തിന് വേണ്ടി മത്സരിച്ചത്.

ബേസില്‍ തന്നെയാണ് ഇക്കാര്യം ഇന്‍സ്റ്റഗ്രാമിലൂടെ അറിയിച്ചത്. ”സിംഗപ്പൂരില്‍ നടന്ന ഏഷ്യന്‍ അക്കാദമി അവാര്‍ഡ് 2022ല്‍, പതിനാറ് രാജ്യങ്ങളില്‍ നിന്ന് മികച്ച സംവിധായകനായി എന്നെ തെരഞ്ഞെടുത്തതില്‍ എനിക്ക് അതിയായ സന്തോഷവും അഭിമാനവും തോന്നുന്നു.

മലയാള സിനിമ ഇന്‍ഡസ്ട്രിയുടെ ഭാഗമായി ഇന്ത്യയെ പ്രതിനിധീകരിച്ച് ഈ വേദിയില്‍ നില്‍ക്കാന്‍ കഴിഞ്ഞതിലും എനിക്ക് വളരെ അഭിമാനമുണ്ട്.ഈ അംഗീകാരം ആഗോളതലത്തിലേക്ക് നമ്മെ ഒരു പടി കൂടി അടുപ്പിച്ചുവെന്ന് എനിക്ക് ബോധ്യമുണ്ട്.

ഞങ്ങളുടെ നിര്‍മ്മാതാക്കള്‍, നെറ്റ്ഫ്ലിക്സ്, അഭിനേതാക്കള്‍, എഴുത്തുകാര്‍, ഛായാഗ്രാഹകര്‍, കൂടാതെ മുഴുവന്‍ അഭിനേതാക്കള്‍ക്കും അണിയറ പ്രവര്‍ത്തകര്‍ക്കും ഹൃദ്യമായ ആലിംഗനം. ഇതാ- എന്നില്‍ വിശ്വസിച്ചതിന് നന്ദി. നിങ്ങളില്ലാതെ ഈ സൂപ്പര്‍ഹീറോ ഉയര്‍ന്നുവരുമായിരുന്നില്ല!,’ ബേസില്‍ കുറിച്ചു.

വീക്കെന്‍ഡ് ബ്ലോക്ക്ബസ്റ്റേഴ്സിന്റെ ബാനറില്‍ സോഫിയ പോളാണ് മിന്നല്‍ മുരളി നിര്‍മിച്ചത്. സമീര്‍ താഹിര്‍ ഛായാഗ്രഹണം നിര്‍വ്വഹിച്ച ചിത്രത്തിന് സംഗീതം ഒരുക്കിയത് ഷാന്‍ റഹ്‌മാന്‍ ആണ്. ടൊവിനോ ആണ് നായക കഥാപാത്രത്തെ അവതരിപ്പിച്ചത്.

### Related Links & Sources
- [Original Story Source](https://moviemax.in/news/84423/congratulations-dear-basil-this-achievement-is-the-pride-of-our-country-mohanlal)