---
title: "ധ്യാനിന് ഇഷ്ടമുണ്ടായിരുന്നുവെന്ന് അറിഞ്ഞതില്‍ സന്തോഷമുണ്ട്; വൈറലായി നവ്യ നായരുടെ വാക്കുകൾ"
english_title: "Navya Nair's words go viral"
publisher: "moviemax.in"
canonical_url: "https://moviemax.in/news/8054/navya-nairs-words-go-viral"
published_at: "2021-10-30T16:53:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/617d2de324d5c_navya.jpg"
keywords: []
---

# ധ്യാനിന് ഇഷ്ടമുണ്ടായിരുന്നുവെന്ന് അറിഞ്ഞതില്‍ സന്തോഷമുണ്ട്; വൈറലായി നവ്യ നായരുടെ വാക്കുകൾ

> **Lead Summary:** നവ്യ നായരോടുള്ള ഇഷ്ടത്തെക്കുറിച്ച് തുറന്നുപറഞ്ഞുള്ള ധ്യാന്‍ ശ്രീനിവാസന്റെ അഭിമുഖം സോഷ്യല്‍ മീഡിയയിലൂടെ വൈറലായി മാറിയിരുന്നു. വിനീതും ധ്യാനും കുട്ടികളായിരുന്ന സമയത്ത് കുടുംബസമേതമായി ശ്രീനിവാസന്‍ വിശേഷങ്ങള്‍ പങ്കിട്ടിരുന്നു. കൈരളി ചാനലിന് നല്‍കിയ അഭിമുഖം വീണ്ടും വൈറലായതോടെ ട്രോളര്‍മാരും സജീവമായിരുന്നു.

## Article Content

നവ്യ നായരോടുള്ള ഇഷ്ടത്തെക്കുറിച്ച് തുറന്നുപറഞ്ഞുള്ള ധ്യാന്‍ ശ്രീനിവാസന്റെ അഭിമുഖം സോഷ്യല്‍ മീഡിയയിലൂടെ വൈറലായി മാറിയിരുന്നു. വിനീതും ധ്യാനും കുട്ടികളായിരുന്ന സമയത്ത് കുടുംബസമേതമായി ശ്രീനിവാസന്‍ വിശേഷങ്ങള്‍ പങ്കിട്ടിരുന്നു. കൈരളി ചാനലിന് നല്‍കിയ അഭിമുഖം വീണ്ടും വൈറലായതോടെ ട്രോളര്‍മാരും സജീവമായിരുന്നു.

തനിക്ക് നവ്യ നായരെ ഒരുപാട് ഇഷ്ടമാണെന്നും കല്യാണം ആഗ്രഹിച്ചിരുന്നുവെന്നുമായിരുന്നു ധ്യാന്‍ പറഞ്ഞത്. വെള്ളിത്തിരയുടെ പോസ്റ്റര്‍ കണ്ടപ്പോഴാണ് ആ ഇഷ്ടം പോയത്. പൃഥ്വിരാജിനോട് അസൂയ തോന്നിയെന്നും ധ്യാന്‍ പറഞ്ഞിരുന്നു.

ധ്യാന്റെ വീഡിയോ വൈറലായി മാറിയതോടെയാണ് ഇതേക്കുറിച്ച് നവ്യയോടും ചോദിച്ചത്. നാളുകള്‍ക്ക് ശേഷം തിയേറ്ററില്‍ നിന്നും സിനിമ കണ്ട സന്തോഷം പങ്കിട്ടപ്പോഴായിരുന്നു ഇതേക്കുറിച്ചും നവ്യ പ്രതികരിച്ചത്. ആ വീഡിയോ കണ്ടപ്പോള്‍ സന്തോഷമാണ് തോന്നിയത്. ധ്യാനിന് ഇഷ്ടമുണ്ടായിരുന്നുവെന്ന് അറിഞ്ഞതില്‍ സന്തോഷമുണ്ട്. ഞങ്ങള്‍ തമ്മില്‍ പരിചയമില്ല, എന്താണ് പറയേണ്ടതെന്നറിയില്ല. ഒരുപാട് ട്രോളുകള്‍ വന്നിരുന്നു. ധ്യാന്‍ അന്ന് ചെറുപ്പമല്ലേ, പിന്നെ നെഗറ്റീവ് കമന്റുകളൊന്നുമല്ലല്ലോ വന്നത് എന്നുമായിരുന്നു നവ്യ പറഞ്ഞത്.

ഇടവേള അവസാനിപ്പിച്ച് സിനിമയില്‍ സജീവമാവുകയാണ് നവ്യ നായര്‍. ഒരുത്തിയാണ് താരത്തിന്റേതായി ഒരുങ്ങുന്ന പുതിയ സിനിമ. ഈ സിനിമ തിയേറ്ററുകളിലാണോ ഒടിടിയിലാണോ റിലീസ് എന്നത് അറിയില്ല, അതേക്കുറിച്ചൊന്നും താന്‍ ചര്‍ച്ച ചെയ്തിട്ടില്ലെന്നായിരുന്നു നവ്യ പറഞ്ഞത്. ദൃശ്യം 2 ന്റെ കന്നഡ പതിപ്പിലും നവ്യ വേഷമിട്ടിരുന്നു. സിനിമയ്ക്ക് പുറമെ ചാനല്‍ പരിപാടികളിലും സജീവമാണ് താരം.

സ്റ്റാര്‍ മാജികിലും താരം അതിഥിയായി എത്തിയിരുന്നു. സന്തോഷ് പണ്ഡിറ്റ് പങ്കെടുത്ത എപ്പിസോഡുമായി ബന്ധപ്പെട്ട് നവ്യയ്‌ക്കെതിരെയും ഒരുവിഭാഗം വിമര്‍ശനം ഉന്നയിച്ചിരുന്നു. താന്‍ നവ്യ നായരുട ആരാധകനാണ് എന്ന് വ്യക്തമാക്കിയ ധ്യാന്‍ ചേട്ടന് മീര ജാസമിനോടുണ്ടായിരുന്ന ഇഷ്ടത്തെക്കുറിച്ചും പറഞ്ഞിരുന്നു.

മീര ജ്‌സാമിന്‍ ഏട്ടത്തിയായി വരുന്നതില്‍ നിനക്കെന്തെങ്കിലും കുഴപ്പമുണ്ടോയെന്നായിരുന്നു വിനീത് അന്ന് ധ്യാനിനോട് ചോദിച്ചത്. ഭാവിയില്‍ സിനിമയിലേക്കെത്തുമോയെന്ന് ചോദിച്ചപ്പോള്‍ അതേയെന്ന മറുപടിയായിരുന്നു ഇരുവരും നല്‍കിയത്. പാട്ടിലൂടെ തുടക്കം കുറിച്ച് പിന്നീട് അഭിനയത്തിലും സംവിധാനത്തിലുമായി തിളങ്ങുകയായിരുന്നു വിനീത്. ചേട്ടന്റെ സിനിമയായ തിരയിലൂടെയായിരുന്നു ധ്യാന്‍ അരങ്ങേറിയത്. അഭിനേതാവായി തിളങ്ങിയതിന് ശേഷമായിരുന്നു സംവിധാനത്തിലും തുടക്കമിട്ടത്.

### Related Links & Sources
- [Original Story Source](https://moviemax.in/news/8054/navya-nairs-words-go-viral)