മലയാളികളുടെ പ്രിയ താരമാണ് സുരേഷ് ഗോപി. അഭിനേതാവിന് പുറമെ താനൊരു മികച്ച രാഷ്ട്രീയക്കാരനും പാട്ടുകാരനുമാണെന്ന് സുരേഷ് ഗോപി ഇതിനോടകം തെളിയിച്ചു കഴിഞ്ഞു.
നിസ്സഹായരുടെ മുന്നിൽ സഹായ ഹസ്തവുമായി സുരേഷ് ഗോപി എത്തിയ വാർത്തകൾ പലപ്പോഴും പുറത്തുവന്നിട്ടുണ്ട്. നിലവിൽ തന്റെ രണ്ടാമത്തെ മകനൊപ്പമുള്ള ചിത്രത്തിന്റെ ഷൂട്ടിംഗ് തിരക്കുകളിലാണ് സുരേഷ് ഗോപി.
ഈ അവസരത്തിൽ ഫോട്ടോ എടുക്കാനായി സുരേഷ് ഗോപിയുടെ അടുത്തെത്തിയ കുട്ടി ആരാധകന്റെ വീഡിയോയാണ് സമൂഹമാധ്യമങ്ങളിൽ വൈറലാകുന്നത്. ലൊക്കേഷനിൽ സുരേഷ് ഗോപിക്കൊപ്പം ഫോട്ടോ എടുക്കാനുള്ള തിരക്കിലായിരുന്നു ആരാധകർ. ഇതിനിടയിലാണ് കയ്യിൽ കെട്ടുമായി ആശുപത്രിയിൽ നിന്നും താരത്തെ കാണാനെത്തിയ കുട്ടി എത്തിയത്.
https://www.facebook.com/JangoSpace/videos/925333018440852/?t=184
ഈ കുട്ടിയുടെ സഹോദരി 'അങ്കിളേ ഒരു ഫോട്ടോ എടുക്കണം' എന്ന് പറഞ്ഞ് സുരേഷ് ഗോപിയെ വിളിക്കുക ആയിരുന്നു. നടനെ കാണാനായി ആശുപത്രിയിൽ നിന്നും ഓടി വന്നതാണ് കുഞ്ഞെന്ന് ഒപ്പമുള്ളവർ സുരേഷ് ഗോപിയോട് പറയുകയും ചെയ്യുന്നുണ്ട്. ശേഷം കുട്ടി ആരാധകനെ ചേർത്തു നിർത്തി ഫോട്ടോ എടുത്ത ശേഷമാണ് നടൻ മടങ്ങിയത്.
Content Highlight: 'Uncle A Photo'; Suresh Gopi holding the child fan who came from the hospital
