---
title: "അച്ഛന്‍ ആ സംഭവത്തിന് ശേഷം വളരെ ഇമോഷണലായിട്ടാണ് തിരിച്ച് വന്നത്; വിനീത് ശ്രീനിവാസന്‍"
english_title: "Dad came back very emotional after the incident; Vineeth Srinivasan"
publisher: "moviemax.in"
canonical_url: "https://moviemax.in/news/78946/dad-came-back-very-emotional-after-the-incident-vineeth-srinivasan"
published_at: "2022-11-07T11:50:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/6368a4232dec4_vineeth_sreenivasan.jpg"
keywords: []
---

# അച്ഛന്‍ ആ സംഭവത്തിന് ശേഷം വളരെ ഇമോഷണലായിട്ടാണ് തിരിച്ച് വന്നത്; വിനീത് ശ്രീനിവാസന്‍

> **Lead Summary:** അച്ഛന്‍ ശ്രീനിവാസനും മോഹന്‍ലാലും വര്‍ഷങ്ങള്‍ക്ക് ശേഷം ഒരേ വേദിയില്‍ പ്രത്യക്ഷപ്പെട്ടപ്പോള്‍ തനിക്കും കുടുംബത്തിനും ഒരുപാട് സന്തോഷം തോന്നിയെന്ന് വിനീത് ശ്രീനിവാസന്‍. ആ സംഭവത്തിന് ശേഷം വളരെ ഇമോഷണലായിട്ടാണ് അച്ഛന്‍ തിരിച്ചു വന്നത്, സന്തോഷമായിരുന്നു അച്ഛന് എന്നാണ് വിനീത് ശ്രീനിവാസന്‍ പറയുന്നത്.

## Article Content

അച്ഛന്‍ ശ്രീനിവാസനും മോഹന്‍ലാലും വര്‍ഷങ്ങള്‍ക്ക് ശേഷം ഒരേ വേദിയില്‍ പ്രത്യക്ഷപ്പെട്ടപ്പോള്‍ തനിക്കും കുടുംബത്തിനും ഒരുപാട് സന്തോഷം തോന്നിയെന്ന് വിനീത് ശ്രീനിവാസന്‍. ആ സംഭവത്തിന് ശേഷം വളരെ ഇമോഷണലായിട്ടാണ് അച്ഛന്‍ തിരിച്ചു വന്നത്, സന്തോഷമായിരുന്നു അച്ഛന് എന്നാണ് വിനീത് ശ്രീനിവാസന്‍ പറയുന്നത്.

മഴവില്‍ മനോരയുടെ ഒരു ഷോയിലാണ് മോഹന്‍ലാലും ശ്രീനിവാസനും ഒന്നിച്ചെത്തിയത്. ശ്രീനിവാസന് മോഹന്‍ലാല്‍ ഉമ്മ കൊടുക്കുന്ന ചിത്രം സോഷ്യല്‍ മീഡിയയില്‍ വൈറലായിരുന്നു. മോഹന്‍ലാല്‍ ആ സംഭവത്തിന് ശേഷം പറഞ്ഞ കാര്യങ്ങള്‍ സുചിയാന്റി തന്നോട് പറഞ്ഞിരുന്നു എന്നും വിനീത് ശ്രീനിവാസന്‍ പറയുന്നുണ്ട്.

സുഹൃത്തുക്കളോട് ചോദിക്കുന്നത് പോലെ പല കാര്യങ്ങളും അച്ഛനോട് നമുക്ക് ചോദിക്കാം. അതിന് കൃത്യമായി ശാസ്ത്രീയമായി മറുപടി അച്ഛന്‍ നല്‍കുകയും ചെയ്യും. ആ വീഡിയോയും ഫോട്ടോയും കാണുന്നതിന് മുമ്പ് തന്നെ തന്റെ അമ്മയും സുചിത്ര ആന്റിയും തന്നോട് പറഞ്ഞിരുന്നു അച്ഛനെ ലാല്‍ അങ്കിള്‍ കിസ് ചെയ്തതിനെ കുറിച്ച്.

അച്ഛന്‍ ആ സംഭവത്തിന് ശേഷം വളരെ ഇമോഷണലായിട്ടാണ് തിരിച്ച് വന്നത്. വളരെ നാളുകള്‍ക്ക് ശേഷം തിരികെ സഹപ്രവര്‍ത്തകര്‍ക്കൊപ്പം ഒന്നിച്ച് ചേര്‍ന്നതിന്റെയും വീട്ടില്‍ നിന്നും പുറത്തിറങ്ങിയതിന്റെയും സന്തോഷമായിരുന്നു അച്ഛന്. ലാലങ്കിള്‍ ആ സംഭവത്തിന് ശേഷം പറഞ്ഞ കാര്യങ്ങള്‍ സുചിയാന്റിയും തന്നോട് പറഞ്ഞിരുന്നു എന്നാണ് വിനീത് പറയുന്നത്.

അതേസമയം, അസുഖങ്ങള്‍ മാറിയതോടെ വീണ്ടും സിനിമാരംഗത്തേക്ക് തിരിച്ചെത്തുകയാണ് ശ്രീനിവാസന്‍. ‘കുറുക്കന്‍’ എന്ന സിനിമയിലൂടെയാണ് ശ്രീനിവാസന്റെ തിരിച്ചു വരവ്. കഴിഞ്ഞ ദിവസം നടന്ന ചിത്രത്തിന്റെ പൂജാ ചടങ്ങുകളിലും ശ്രീനിവാസന്‍ പങ്കെടുത്തിരുന്നു.

അച്ഛന്റെ ആരോഗ്യത്തില്‍ ഇപ്പോള്‍ നല്ല മാറ്റമുണ്ട്, സിനിമ തന്നെയാണ് അച്ഛന് വേണ്ട ഏറ്റവും നല്ല മെഡിസിന്‍ എന്നാണ് വിനീത് മാധ്യമങ്ങളോട് പറഞ്ഞത്. ജയലാല്‍ ദിവാകരന്‍ സംവിധാനം ചെയ്യുന്ന ചിത്രത്തിന്റെ സ്വിച്ച് ഓണ്‍ കര്‍മ്മം കഴിഞ്ഞ ദിവസം കൊച്ചി സെന്റ് ആല്‍ബര്‍ട്‌സ് സ്‌കൂളിലാണ് നടന്നത്.

### Related Links & Sources
- [Original Story Source](https://moviemax.in/news/78946/dad-came-back-very-emotional-after-the-incident-vineeth-srinivasan)