---
title: "ഈ സിനിമയ്ക്ക് എതിരെ കേസ് കൊടുക്കണം; ബെന്യാമിന്‍"
english_title: "This movie should be sued; Benjamin"
publisher: "moviemax.in"
canonical_url: "https://moviemax.in/news/77319/this-movie-should-be-sued-benjamin"
published_at: "2022-10-29T10:12:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/635caf8b42b6f_benjamin.jpg"
keywords: []
---

# ഈ സിനിമയ്ക്ക് എതിരെ കേസ് കൊടുക്കണം; ബെന്യാമിന്‍

> **Lead Summary:** ബേസില്‍ ജോസഫും ദര്‍ശന രാജേന്ദ്രനും ഒന്നിച്ച ‘ജയ ജയ ജയ ജയഹേ’ സിനിമയുടെ അണിയറപ്രവര്‍ത്തകര്‍ക്ക് എതിരെ കേസ് കൊടുക്കണമെന്ന് സാഹിത്യകാരന്‍ ബെന്യാമിന്‍. ചിത്രത്തെ അഭിനന്ദിച്ചു കൊണ്ടുള്ള കുറിപ്പാണ് ബെന്യാമിന്‍ പങ്കുവെച്ചിരിക്കുന്നത്.

## Article Content

ബേസില്‍ ജോസഫും ദര്‍ശന രാജേന്ദ്രനും ഒന്നിച്ച ‘ജയ ജയ ജയ ജയഹേ’ സിനിമയുടെ അണിയറപ്രവര്‍ത്തകര്‍ക്ക് എതിരെ കേസ് കൊടുക്കണമെന്ന് സാഹിത്യകാരന്‍ ബെന്യാമിന്‍. ചിത്രത്തെ അഭിനന്ദിച്ചു കൊണ്ടുള്ള കുറിപ്പാണ് ബെന്യാമിന്‍ പങ്കുവെച്ചിരിക്കുന്നത്.

ചിരിച്ച് വയറുളക്കിയതിന് ആര് നഷ്ടപരിഹാരം തരും എന്നാണ് ബെന്യാമിന്‍ ചോദിക്കുന്നത്. ”ഈ സിനിമയുടെ അണിയറ പ്രവര്‍ത്തകര്‍ക്ക് എതിരെ കേസ് കൊടുക്കണം. ചിരിച്ചു ചിരിച്ച് വയറുളുക്കിയതിന് ആര് നഷ്ട പരിഹാരം തരും.

എന്തായാലും തിയേറ്റര്‍ ഒന്നാകെ ഇങ്ങനെ ചിരിച്ചു മറിയുന്നത് അടുത്ത കാലത്തെങ്ങും കണ്ടിട്ടില്ല. ബേസിലിന്റെ രാജേഷ് സൂപ്പര്‍. ദര്‍ശനയുടെ ജയ ഡൂപ്പര്‍. പക്ഷെ രാജേഷിന്റെ അമ്മയാണ് സൂപ്പര്‍ ഡൂപ്പര്‍. സംവിധായകന്‍ വിപിന്‍ ദാസിനും സംഘത്തിനും അഭിനന്ദനങ്ങള്‍” എന്നാണ് ബെന്യാമിന്‍ കുറിച്ചിരിക്കുന്നത്.

വിപിന്‍ ദാസ് സംവിധാനം ചെയ്ത ചിത്രം കഴിഞ്ഞ ദിവസമാണ് തിയേറ്ററുകളില്‍ എത്തിയത്. ഫാമിലി എന്റര്‍ടെയ്‌നര്‍ ആയി ഒരുക്കിയ ചിത്രത്തില്‍ ആനന്ദ് മന്‍മഥന്‍, അസീസ്, സുധീര്‍ പറവൂര്‍, നോബി മാര്‍ക്കോസ്, മഞ്ജു പിള്ള എന്നിവരാണ് മറ്റുള്ള പ്രധാന വേഷങ്ങളില്‍ എത്തിയത്. ഐക്കണ്‍ സിനിമാസാണ് ചിത്രത്തിന്റെ വിതരണം.

ബബ്ലു അജുവാണ് ഡയറക്ടര്‍ ഓഫ് ഫോട്ടോഗ്രാഫി,ജോണ്‍ കുട്ടിയാണ് എഡിറ്റിങ് വിഭാഗം കൈകാര്യം ചെയ്യുന്നത്. അങ്കിത് മേനോന്‍ സംഗീത സംവിധാനം നിര്‍വഹിക്കുന്നു. ഗാന രചന വിനായക് ശശികുമാര്‍, ശബരീഷ് വര്‍മ്മ, ജമൈമ. ഫെലിക്‌സ് ഫുകുയോഷി റുവേ ആണ് സംഘട്ടന രംഗങ്ങള്‍ ഒരുക്കുന്നത്.

[**https://www.facebook.com/benyamin.malayalam/posts/5347499982015608**](https://www.facebook.com/benyamin.malayalam/posts/5347499982015608)

കല ബാബു പിള്ള, ചമയം സുധി സുരേന്ദ്രന്‍, വസ്ത്രലങ്കാരം അശ്വതി ജയകുമാര്‍, നിര്‍മ്മാണ നിര്‍വഹണം പ്രശാന്ത് നാരായണന്‍, മുഖ്യ സഹ സംവിധാനം അനീവ് സുരേന്ദ്രന്‍, ധനകാര്യം അഗ്‌നിവേഷ്, പ്രൊഡക്ഷന്‍ കോര്‍ഡിനേറ്റര്‍ ഐബിന്‍ തോമസ്, നിശ്ചല ചായാഗ്രഹണം -എസ് ആര്‍ കെ, വാര്‍ത്താ പ്രചരണം വൈശാഖ് സി വടക്കേവീട്, ജിനു അനില്‍കുമാര്‍. യെല്ലോ ടൂത്ത് ആണ് പബ്ലിസിറ്റി ഡിസൈന്‍സ്.

### Related Links & Sources
- [Original Story Source](https://moviemax.in/news/77319/this-movie-should-be-sued-benjamin)