---
title: "തനി കോഴിക്കോട്ടുകാരനായിരുന്നു അച്ഛന്‍; ആന്‍ അഗസ്റ്റിന്‍"
english_title: "Ann says that she still sends messages to her father."
publisher: "moviemax.in"
canonical_url: "https://moviemax.in/news/77130/ann-says-that-she-still-sends-messages-to-her-father"
published_at: "2022-10-28T10:55:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/635b682f1e9db_aan_agastin.jpg"
keywords: []
---

# തനി കോഴിക്കോട്ടുകാരനായിരുന്നു അച്ഛന്‍; ആന്‍ അഗസ്റ്റിന്‍

> **Lead Summary:** ഒരിടവേളയ്ക്ക് ശേഷം വീണ്ടും സിനിമയിലേക്ക് തിരിച്ചെത്തുകയാണ് നടി ആന്‍ അഗസ്റ്റിന്‍. ‘എല്‍സമ്മ എന്ന ആണ്‍കുട്ടി’ എന്ന സിനിമയിലൂടെ മലയാള ചലച്ചിത്ര രംഗത്തേക്ക് എത്തിയ താരം അന്തരിച്ച നടന്‍ അഗസ്റ്റിന്റെ മകളാണ്.

## Article Content

ഒരിടവേളയ്ക്ക് ശേഷം വീണ്ടും സിനിമയിലേക്ക് തിരിച്ചെത്തുകയാണ് നടി ആന്‍ അഗസ്റ്റിന്‍. ‘എല്‍സമ്മ എന്ന ആണ്‍കുട്ടി’ എന്ന സിനിമയിലൂടെ മലയാള ചലച്ചിത്ര രംഗത്തേക്ക് എത്തിയ താരം അന്തരിച്ച നടന്‍ അഗസ്റ്റിന്റെ മകളാണ്.

2013ല്‍ അഗസ്റ്റിന്‍ മരിക്കുന്നത്. എന്നാല്‍ താനിപ്പോഴും അച്ഛന് മെസേജ് അയക്കാറുണ്ടെന്ന് പറയുകയാണ് ആന്‍. ”ഞാന്‍ ഇപ്പോഴും അച്ഛന് മെസേജ് അയക്കുന്നുണ്ട്. ആ നമ്പര്‍ ആരോ ഉപയോഗിക്കുന്നുണ്ട്. എനിക്കറിയില്ല.

എനിക്കൊരിക്കലും അതില്‍ നിന്ന് മെസേജ് ഒന്നും വന്നിട്ടില്ല. പക്ഷെ മെസേജ് അയക്കാറുണ്ട്. സിനിമയുടെ ഷൂട്ടിന്റെ സമയത്ത് മെസേജ് അയച്ചിരുന്നു” എന്നാണ് ആന്‍ അഗസ്റ്റിന്‍ പറയുന്നത്.

അച്ഛന്‍ വളരെ നല്ല സുഹൃത്ത് ആയിരുന്നു. തനി കോഴിക്കോട്ടുകാരനായിരുന്നു അച്ഛന്‍. നമുക്കൊന്നും ഇല്ലെങ്കിലും മറ്റുള്ളവരെ സഹായിക്കണം എന്ന് കരുതുന്ന ആളാണ്. അച്ഛന്‍ ആശുപത്രിയില്‍ കിടക്കുന്ന സമയത്ത് ഒരാള്‍ കാണാന്‍ വന്നു. താനപ്പോള്‍ ആശുപത്രിയില്‍ ഉണ്ട്.

ഒരു മാസത്തോളം അച്ഛന്‍ ആശുപത്രിയില്‍ കിടന്നിട്ടുണ്ടായിരുന്നു. അച്ഛന്‍ മരിച്ച സമയത്ത് ഇതേ ആള്‍ എന്റെയടുത്ത് വന്ന് സംസാരിച്ചു. അച്ഛന്‍ ഒരു ജോലി ശരിയാക്കി തന്നിരുന്നു, അദ്ദേഹം മരിച്ച അന്നാണ് ജോയിന്‍ ചെയ്യേണ്ടിയിരുന്നതെന്ന് പറഞ്ഞു. അത്രയും വയ്യാണ്ടിരിക്കുന്ന സമയത്ത് പോലും അച്ഛന് കഴിയുന്നത് എന്താണോ അത് ചെയ്തിട്ടുണ്ടായിരുന്നു.

താനെപ്പോഴും വിചാരിക്കും അതിന്റെയൊക്കെ ദൈവാനുഗ്രഹം എവിടെയെങ്കിലും തനിക്ക് ജീവിതത്തില്‍ ഉണ്ടെന്ന്. നല്ല സുഹൃത്തായിരുന്നു. എന്നും ആള്‍ക്കാര്‍ക്ക് കൂടെ കൂട്ടാന്‍ പറ്റുന്ന ആളായിരുന്നു എന്നാണ് ആന്‍ അഗസ്റ്റിന്‍ പറയുന്നത്.

### Related Links & Sources
- [Original Story Source](https://moviemax.in/news/77130/ann-says-that-she-still-sends-messages-to-her-father)