ലോകകപ്പ് ടി20 മത്സരത്തില് ഇന്ത്യയുടെ വിജയത്തില് സന്തോഷം പങ്കുവെച്ച് നടന് ദുല്ഖര് സല്മാന്. വളരെ ആവേശകരമായ മത്സരമായിരുന്നു ഇതെന്നും വിരാട് കൊഹ്ലിയും ഇന്ത്യന് ടീമും മികച്ച പ്രകടനം കാഴ്ചവെച്ചു.
നടന് സമൂഹ മാധ്യമങ്ങളിലൂടെ പങ്കുവെച്ചു. ‘എന്തൊരു ആവേശകരമായ മത്സരം എനിക്ക് കടിക്കാന് ഇനി നഖമൊന്നും ഉണ്ടെന്ന് തോന്നുന്നില്ല. കൊഹ്ലിയും ഇന്ത്യയും നന്നായി. പരമ്പരയിലുടനീളം മികച്ച ഫോം തുടരുമെന്ന് ഞാന് പ്രതീക്ഷിക്കുന്നു’ ദുല്ഖര് കുറിച്ചു.
അവസാന പന്ത് വരെ നീണ്ടു നിന്ന പോരാട്ടത്തിനൊടുവിലാണ് സൂപ്പര് 12-ല് പാകിസ്താനെതിരെ ഇന്ത്യ വിജയിച്ചത്. 53 പന്തില് 82 റണ്സെടുത്ത മുന് നായകന് വിരാട് കൊഹ്ലിയുടെ മിന്നും പ്രകടനമാണ് ഇന്ത്യയ്ക്ക് ആവേശ വിജയം സമ്മാനിച്ചത്. പാകിസ്താന് ഉയര്ത്തിയ 160 റണ്സ് വിജയലക്ഷ്യം ഇന്ത്യ ആറുവിക്കറ്റ് നഷ്ടത്തില് മറികടന്നു.
നേരത്തെ ടോസ് നേടിയ ഇന്ത്യ ബൗളിംഗ് തെരഞ്ഞെടുക്കുകയായിരുന്നു. എട്ട് വിക്കറ്റ് നഷ്ടത്തില് 159 റണ്സ് നേടിയാണ് പാകിസ്ഥാന്റെ ഇന്നിങ്സ് അവസാനിച്ചത്.
ഇന്ത്യയ്ക്കായി അര്ഷ്ദീപ് സിങ്ങും ഹാര്ദിക് പാണ്ഡ്യയും മൂന്ന് വിക്കറ്റ് വീതം വീഴ്ത്തി. ഭുവനേശ്വര് കുമാര്, മുഹമ്മദ് ഷമി എന്നിവര് ഓരോ വിക്കറ്റ് വീതം സ്വന്തമാക്കി. മറുപടി ബാറ്റിംഗിന് ഇറങ്ങിയ ഇന്ത്യ ആറ് വിക്കറ്റ് നഷ്ടത്തിലാണ് വിജയം നേടിയത്.
Content Highlight: Actor Dulquer Salmaan shared his happiness over India's victory in the World Cup T20 match.
