വിവാഹിതാരാകുന്നതിന് മുമ്പ് പത്മരാജന്റെ ചിത്രത്തിന് മുന്നില് നിന്ന് രഹസ്യമായി മോതിരം കൈമാറുന്ന ജയറാമിന്റെയും പാര്വതിയുടെയും ചിത്രം വൈറല്. പത്മരാജന്റെ മകന് അനന്ത പത്മനാഭന് ആണ് ഈ ചിത്രം പങ്കുവെച്ചിരിക്കുന്നത്.
‘പൊന്നിയിന് സെല്വന്’ ചിത്രത്തിലെ ജയറാമിന്റെ പ്രകടനത്തെ അഭിനന്ദിച്ചുകൊണ്ട് അനന്ത പത്മനാഭന് പങ്കുവെച്ച പോസ്റ്റ് ആണിത്. സമീപകാലത്തുള്ള കോമിക് ബോഡി ലാംഗ്വേജ് വളരെ ശ്രദ്ധാപൂര്വം മാറ്റി വെച്ച് ഒരുപാട് റിസേര്ച്ച് നടത്തിയ ചെയ്ത കഥാപാത്രമാണിതെന്ന് തോന്നും.
അതിഗംഭീരമായി എന്നാണ് അനന്ത പത്മനാഭന് ജയറാമിനോട് പറയുന്നത്. ബാഹുബലി, ആര്ആര്ആര്, കെജിഎഫ് ഒന്നും അത്ര പോര, അതിനേക്കാള് ഇഷ്ടമായത് പൊന്നിയിന് സെല്വന് ആണെന്നും അനന്തന് പറയുന്നു. തന്റെ അഭിനയത്തെ പ്രശംസിച്ച അനന്തപത്മനാഭന് ജയറാം നല്കിയ മറുപടി സന്ദേശവും ഈ പോസ്റ്റിനൊപ്പമുണ്ട്.
https://www.facebook.com/anantha.padmanabhan.165/posts/10222047298123604
പൊന്നിയിന് സെല്വനില് ആഴ്വാര് കടിയന് നമ്പി എന്ന കഥാപാത്രത്തെയാണ് ജയറാം അവതരിപ്പിച്ചത്. ശരീരഭാരം വര്ദ്ധിപ്പിച്ച് കുടുമയൊക്കെ വെച്ചുള്ള ജയറാമിന്റെ മേക്കോവറും ശ്രദ്ധ നേടിയിരുന്നു. ചിത്രത്തില് ഏറെ പ്രധാനമുള്ള കഥാപാത്രമാണ് ജയറാമിന്റെ നമ്പി.
Content Highlight: The stars secretly exchanged rings in front of Padmarajan's picture; The picture went viral
