എന്തിനോടും പ്രതികരിയ്ക്കുന്ന തന്റേടിയായ പെണ്ണ് എന്ന ലേബലിലാണ് രഞ്ജിനി രഞ്ജിനി ഹരിദാസ് പലപ്പോഴും അറിയപ്പെട്ടിട്ടുള്ളത്. എന്നാല് അത് രഞ്ജിനി ഹരിദാസ് എന്ന വ്യക്തിയുടെ ധൈര്യമാണ്. പല അവസരത്തിലും അച്ഛന് ഇല്ലാതെ വളര്ന്ന സാഹചര്യങ്ങളെ കുറിച്ച് രഞ്ജിനി സംസാരിച്ചിട്ടുണ്ട്. ഇപ്പോഴിതാ അച്ഛന്റെ ഓര്മകളില് വികാര ഭരിതയാവുകയാണ് താരം.
അച്ഛന്റെയും അമ്മയുടെയും രഞ്ജിനിയുടെയും ഫോട്ടോ ചേര്ത്ത് വച്ച് ഉണ്ടാക്കിയ ഒരു റീല് വീഡിയോയ്ക്കൊപ്പമാണ് രഞ്ജിനിയുടെ ഇന്സ്റ്റഗ്രാം പോസ്റ്റ്. അച്ഛനും അമ്മയ്ക്കുമൊപ്പം ഒരുപാട് കാലമൊന്നും കിട്ടിയിട്ടില്ല എന്ന് രഞ്ജിനി പറയുന്നു. രഞ്ജിനി ഹരിദാസിന്റെ വാക്കുകളിലൂടെ തുടര്ന്ന് വായിക്കാം. ''അതെ, എന്റെ അച്ഛന്റെയും അമ്മയുടെയും കല്യാണ ദിവസം എടുത്ത ഫോട്ടോയാണ്. എണ്പതോ എണ്പത്തി ഒന്നോ ആയിരിയ്ക്കാം.
ഞാന് വന്നത് 82 ല് ആണ്. ഒരു കുടുംബം എന്ന നിലയില്, ഒരുമിച്ച് ചെലവഴിക്കാന് ഞങ്ങള്ക്ക് അധികം സമയം ലഭിച്ചിരുന്നില്ല. ഞാന് പരാതി പറയുന്നതല്ല. കുറഞ്ഞത് ഏഴ് വര്ഷം എങ്കിലും എനിക്ക് അച്ഛനോടൊപ്പം കിട്ടി. അനുജന് അപ്പോള് വെറും 9 മാസമായിരുന്നു. അതുകൊണ്ട് അവന് അദ്ദേഹത്തെ കാണാന് പോലും സാധിച്ചില്ല...
ജീവിതം പക്ഷെ അങ്ങനെയാണ്.. ചിലത് സംഭവിയ്ക്കുന്നു.. നമ്മള് അതുമായി പൊരുത്തപ്പെട്ട് മുന്നോട്ട് പോകുന്നു.. എനിക്ക് കിട്ടുന്നത്, ചില പ്രത്യേക സാഹചര്യങ്ങളില് അച്ഛന്റെ ഫോട്ടോ പങ്കുവയ്ക്കാന് കഴിയുന്നത് മാത്രമാണ്. അതുകൊണ്ട് ഞാന് കരുതി ഇത്തരം ഒരു വീഡിയോ ഉണ്ടാക്കാം എന്ന്. വിചിത്രമെന്ന് പറയട്ടെ, അദ്ദേഹത്തെ ഓര്ക്കാന് എനിക്ക് ഇതൊരു കാരണമായി. ഇത്തരം ഒരു റീല് ഐഡിയ കൊണ്ടു വന്നത് ആരാണെങ്കിലും അവര്ക്ക് നന്ദി.
പഴയ ഓര്മകളെ ഉണര്ത്തുന്നതാണ് ചിലപ്പോഴൊക്കെ ഏറ്റവും വിചിത്രമായ കാര്യം. ഏറ്റവും പ്രധാനപ്പെട്ട ചിലതിനെ കുറിച്ച് നിങ്ങള് ഒരിക്കലും ചിന്തിച്ചിരുന്നില്ല എന്ന് നിങ്ങള് പോലും സ്വയം മനസ്സിലാക്കുന്ന ഒന്ന്. ജീവിതം എന്ന ഈ യാത്ര എത്ര വിചിത്രമാണ്'' - എന്നാണ് രഞ്ജിനിയുടെ ഇന്സ്റ്റ പോസ്റ്റ്.
ഐഡിയ സ്റ്റാര് സിംഗര് അവതാരികയായി എത്തിയ രഞ്ജിനി ഹരിദാസ് തന്റെ സംസാര ശൈലികൊണ്ട് വളരെ പെട്ടന്ന് പ്രേക്ഷക ശ്രദ്ധ നേടി. അവതരണ കലയ്ക്ക് വേറിട്ടൊരു ശൈലി നല്കുകയും അതിനെ ജനകീയമാക്കുകയും ചെയ്തത് മലയാളത്തെ സംബന്ധിച്ച് രഞ്ജിനി തന്നെയാണെന്ന് ഒരു സംശയവും കൂടാതെ പറയാം
Content Highlight: I have not had much time with my father; Ranjini Haridas says life is so strange
