ഇച്ചാപ്പിയും ലോകവും സോഷ്യൽ മീഡിയ ഉപയോഗിക്കുന്ന ഏതൊരാളുടെയും ഫേവറിറ്റ് ഇടം തന്നെയാണ്. കൃത്രിമത്വം ഇല്ലാത്ത അവതരണ ശൈലികൊണ്ട് ഒരു കുഞ്ഞുപെൺകുട്ടിയും അവളുടെ ഇടവും നേടിയെടുത്തത് ലക്ഷ കണക്കിന് ആരാധകരെയാണ്. ആദ്യ കാലങ്ങളിൽ പരിഹാസമായിരുന്നു ഇച്ചാപ്പിയുടെ വീഡിയോകൾക്ക് ലഭിച്ചിരുന്നത് എങ്കിൽ ഇന്ന് പരിഹാസത്തെക്കാളും കൈയ്യടിയാണ് ശ്രീലക്ഷ്മിക്ക് ലഭിച്ചുകൊണ്ടിരിക്കുന്നത്.
പത്തൊൻപത് വയസ്സുകാരി ചുരുങ്ങിയ സമയം കൊണ്ടാണ് സോഷ്യൽ മീഡിയയെ ഫുൾ കൈയ്യിൽ എടുത്തത്. ഇപ്പോഴിതാ ചിലരുടെ സംശയങ്ങൾക്ക് മറുപടി നൽകുകയാണ് ശ്രീലക്ഷ്മി.
ഇച്ചാപ്പിയുടെ അധ്വാനത്തിന്റെ ഫലം കൊണ്ടല്ല എന്റെ അമ്മയുടെ അധ്വാനത്തിന്റെ ഫലമാണ് ആ വീട്. പതിനാറുവര്ഷത്തെ അധ്വാനത്തിന്റെ ഫലമാണ് ആ വീട്. അമ്മ ഭാഗവത പാരായണത്തിന് ഒക്കെ പോകാറുണ്ട്. അങ്ങനെയുള്ള അധ്വാനത്തിന്റെ ഫലമാണ് ആ വീട്. ഒരിക്കലും എന്റെ അധ്വാനത്തിന്റെ ഫലം കൊണ്ടുന്നോൻ ആല്ല ഒരു വീട് ഇത്രയും ആയത്.
കുറച്ചു കുറച്ചു വർഷങ്ങൾ കൊണ്ടാണ് ആ വീട് ഇത്രയും ആയത്. പണി പൂർത്തിയാക്കി എന്ന് വിശ്വസിക്കുമ്പോഴേക്കും എന്തേലും കാരണം കൊണ്ട് അത് നിന്ന് പോകും. ഒന്നുകിൽ മഴ വില്ലൻ ആകും അല്ലെങ്കിൽ മറ്റെന്തിങ്കിലും സീൻ കൊണ്ട് ആ വീട് പണിയും നിന്നുപോകും. അപ്പൊ അങ്ങനെ അങ്ങനെ പതിനാറു വര്ഷം വേണ്ടി വന്നു ആ വീട് അത്രയും ആകാൻ വേണ്ടി- ശ്രീലക്ഷ്മി പറയുന്നു.
അധ്വാനം കൊണ്ട് അത്രയും ഒക്കെ ആക്കി അത്രേ ഉള്ളൂ. ഒരു വീട് പണിയുമ്പോൾ ഒരുപാട് കാര്യങ്ങൾ വേണ്ടി വരുമല്ലോ. അതിനു ഇത്രയും വർഷങ്ങൾ വേണ്ടി വന്നു എന്നേ ഉള്ളൂ. നമ്മൾ ഇപ്പോൾ താമസിക്കുന്ന വീടിനും വിഷയങ്ങൾ ഒന്നും ഇല്ല. നമ്മൾ ഹാപ്പിയാണ്. പിന്നെ ഇപ്പോൾ ആ വീട്ടിലേക്ക് മാറണം എന്നുണ്ട്. കാരണം അമ്മയുടെയും അച്ഛന്റെയും, എന്റെയും ഒക്കെ വലിയ ഒരു സ്വപ്നം ആണ് ആ വീട്.
ഉടനെ അങ്ങോട്ടേക്ക് മാറാൻ കഴിയുമോ എന്ന് അറിയില്ല. മഴയൊക്കെ പെയ്തു വെള്ളം കയറികിടക്കുകയാണ് അവിടെ. നമ്മുടെ വീട് പണിയുന്നതിന് മുൻപേ നിലം ആയിരുന്ന സ്ഥലം ആണ് അത്. അത് എല്ലാം സെറ്റാക്കി എടുത്തതാണ്. കുറച്ചുപണികൾ കൂടെയുണ്ട്. അത് പൂർത്തിയാക്കിയാൽ ഉടനെ തന്നെ മാറും. പിന്നെ ഇപ്പോൾ താമസിക്കുന്ന വീട് കണ്ടാൽ ചില ആളുകൾക്ക് അത് വളരെ കഷ്ടപ്പാടായിട്ടൊക്കെ തോന്നും..
ആളുകൾ കരുതുന്ന പോലെ നമ്മൾക്ക് കഷ്ടപ്പാട് ഒന്നുമില്ല പഴയ വീട്ടിൽ താമസിക്കാൻ. നമ്മൾ ഹാപ്പിയാണ്. പിന്നെ കയറിക്കിടക്കാൻ ഒരു വീട് ഉണ്ടല്ലോ. മഴയും വെയിലും കൊള്ളാതെ ഉറങ്ങാനും, ആഹാരം കഴിക്കാനും കഴിയുന്നുണ്ട്. പുതിയ വീട്ടിലേക്ക് മാറാനായി കട്ട വെയിറ്റിങ് ആണ്. ഇപ്പോൾ താമസിക്കുന്ന സ്ഥലത്തു വീട് വയ്ക്കാതിരുന്നത്, ഇത് ഒരു ബന്ധുവിന്റെ സ്ഥലം ആയതുകൊണ്ടാണ്.
പുതിയ വീട്ടിലേക്ക് പോകുമ്പോൾ പ്രിയപ്പെട്ട ഇച്ചാപ്പിയെയും കുഞ്ഞാപ്പുവിനെയും കൊണ്ട് പോകുമോ എന്ന് ചോദിച്ചുള്ള കമന്റുകൾ കണ്ടിരുന്നു. അവരെ കൊണ്ട് പോകണം എന്നും വേണ്ടെന്നും ഉണ്ട്. പക്ഷേ അവിടെ മരങ്ങൾ കുറവായതുകൊണ്ട് അവരെ കൊണ്ട് പോകാൻ ആകുമോ എന്ന് അറിയില്ലെന്നും പുതിയ വീഡിയോയിലൂടെ ശ്രീലക്ഷ്മി പറയുന്നു.
Content Highlight: Came for 16 years to complete that house; That house is the result of my mother's years of hard work and not my work
