തെന്നിന്ത്യൻ സിനിമയിലെ ജനപ്രിയ ദമ്പതികളായിരുന്നു ധനുഷും ഐശ്വര്യയും 2004 ൽ വിവാഹിതരായ ഇരുവരും അടുത്തിടെയാണ് വേർപിരിഞ്ഞത്. എന്നാൽ ഇപ്പോൾ വീണ്ടും ഇവർ ഒന്നിച്ചെന്നും റിപ്പോർട്ടുകൾ പുറത്തു വരുന്നുണ്ട്.
തമിഴകത്തെ ഏറ്റവും പ്രമുഖ കുടുംബങ്ങളിൽ നിന്നുള്ളവരെന്ന നിലയിലും ധനുഷ് ഐശ്വര്യ വിവാഹം ആഘോഷിക്കപ്പെട്ടിരുന്നു. കാതൽ കൊണ്ടെയ്ൻ എന്ന സിനിമയുടെ സ്ക്രീനിംഗിനിടെ ആണ് ഐശ്വര്യ ധനുഷിനെ പരിചയപ്പെടുന്നത്.
പിന്നീട് സുഹൃത്തുക്കളായ ഇരുവരും ഡേറ്റിംഗിലാണെന്ന് ഗോസിപ്പും പരന്നു. എന്നാൽ തങ്ങൾ പ്രണയത്തിലല്ലെന്ന് ധനുഷ് അന്ന് പറഞ്ഞിരുന്നു. തന്റെ സഹോദരിയുടെ സുഹൃത്താണ് ഐശ്വര്യ എന്നായിരുന്നു ധനുഷ് നൽകിയ വിശദീകരണം. എന്നാൽ ധനുഷിനെയും ഐശ്വര്യയെയും വിവാഹം കഴിപ്പിക്കാൻ ഇരുവരുടെയും വീട്ടുകാർ തീരുമാനിച്ചു. ഇരുവർക്കും കൂടിക്കാഴ്ചയുള്ള അവസരവും കുടുംബം ഒരുക്കി. ഒടുവിൽ ഒരുമിച്ച് ജീവിക്കാമെന്ന് രണ്ട് പേരും തീരുമാനിക്കുകയും ചെയ്തു.
ആറ് മാസത്തെ ഡേറ്റിംഗിന് ശേഷം ധനുഷും ഐശ്വര്യയും 2004 നവംബർ 18 ന് വിവാഹിതരായി. വിവാഹം കഴിക്കുന്ന സമയത്ത് 21 വയസ്സായിരുന്നു ധനുഷിന്റെ പ്രായം. ഐശ്വര്യയുടെ പ്രായമാവട്ടെ 23 ഉം. പ്രായ വ്യത്യാസത്തെ പറ്റി ചോദ്യം വന്നപ്പോൾ പ്രായം തങ്ങൾക്കൊരു പ്രശ്നമല്ലെന്നാണ് ധനുഷ് അന്ന് നൽകിയ മറുപടി.
മുമ്പൊരിക്കൽ തങ്ങളുടെ ബന്ധത്തെ പറ്റി ഐശ്വര്യ സംസാരിച്ചിരുന്നു. പരസ്പരം ഒരുപാട് സ്പേസ് നൽകുന്നതാണ് ഞങ്ങളുടെ ബന്ധത്തിലെ ഏറ്റവും മികച്ച കാര്യം. ഒരുമിച്ച് ജീവിക്കാൻ വേണ്ടി മാത്രം ഒരാൾ സ്വയം മാറണമെന്ന് ഞങ്ങൾ രണ്ട് പേരും വിശ്വസിക്കുന്നില്ല, ഐശ്വര്യ പറഞ്ഞതിങ്ങനെ.
ഈ വർഷം ജനുവരിയിലാണ് ഐശ്വര്യയും ധനുഷും വേർപിരിയാൻ തീരുമാനിച്ചത്. 'സുഹൃത്തുക്കൾ, പങ്കാളികൾ, മാതാപിതാക്കൾ എന്നീ നിലകളിലുള്ള 18 വർഷത്തെ ഒരുമിച്ചുള്ള, ജീവിതം. വളർച്ചയും, മനസ്സിലാക്കലും പൊരുത്തപെടലും ഉൾപ്പെട്ടതായിരുന്നു ഈ യാത്ര. ഇന്ന് ഞങ്ങൾ ഞങ്ങളുടെ വഴികൾ വേർപിരിയുന്ന ഒരു സ്ഥലത്താണ് നിൽക്കുന്നത്' .
Content Highlight: The wife's age does not matter; Dhanush said
