---
title: "ഇത് കള്ളക്കളിയോ; ഒരാൾക്ക് ഇത്രയും ഡൗൺ ടു എർത്ത് ആകാനൊക്കെ ആകുമോ; മഞ്ജുവിനെക്കുറിച്ച് ബാലാജി"
english_title: "Can one be so down to earth; Balaji about Manju"
publisher: "moviemax.in"
canonical_url: "https://moviemax.in/news/7174/can-one-be-so-down-to-earth-balaji-about-manju"
published_at: "2021-10-25T20:25:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/6176c5ce39f24_balaji.jpg"
keywords: []
---

# ഇത് കള്ളക്കളിയോ; ഒരാൾക്ക് ഇത്രയും ഡൗൺ ടു എർത്ത് ആകാനൊക്കെ ആകുമോ; മഞ്ജുവിനെക്കുറിച്ച് ബാലാജി

> **Lead Summary:** ബിഗ് സ്‌ക്രീൻ- മിനിസ്ക്രീൻ പ്രേക്ഷകർക്ക് സുപരിചിതൻ ആണ് ബാലാജി ശർമ്മ. വില്ലൻ വേഷങ്ങളിലൂടെയാണ് പ്രേക്ഷകർക്ക് മുൻപിൽ അധികമായും നടൻ എത്തിയിട്ടുള്ളത്. അലകള്‍, കായംകുളം കൊച്ചുണ്ണി, മൂന്നുമണി എന്നീ ഹിറ്റ് സീരിയലുകളിലൂടെ പ്രേക്ഷക പ്രീതി നേടിയെടുത്ത ബാലാജി ഇപ്പോൾ മൗനരാഗം പരമ്പരയിൽ ആണ് വില്ലൻ വേഷത്തിൽ എത്തുന്നത്.

## Article Content

ബിഗ് സ്‌ക്രീൻ- മിനിസ്ക്രീൻ പ്രേക്ഷകർക്ക് സുപരിചിതൻ ആണ് ബാലാജി ശർമ്മ. വില്ലൻ വേഷങ്ങളിലൂടെയാണ് പ്രേക്ഷകർക്ക് മുൻപിൽ അധികമായും നടൻ എത്തിയിട്ടുള്ളത്. അലകള്‍, കായംകുളം കൊച്ചുണ്ണി, മൂന്നുമണി എന്നീ ഹിറ്റ് സീരിയലുകളിലൂടെ പ്രേക്ഷക പ്രീതി നേടിയെടുത്ത ബാലാജി ഇപ്പോൾ മൗനരാഗം പരമ്പരയിൽ ആണ് വില്ലൻ വേഷത്തിൽ എത്തുന്നത്.

സൂപ്പർ താരങ്ങൾക്ക് ഒപ്പം ബിഗ്‌സ്‌ക്രീനിൽ സ്ഥാനം ഉറപ്പിച്ച ബാലാജിക്ക് അനായാസ അഭിനയവും ഒഴുക്കോടെയുള്ള സംഭാഷണവുമാണ് ഇദ്ദേഹത്തിന്റെ കൈമുതൽ. ഇപ്പോഴിതാ അദ്ദേഹം പ്രിയ താരങ്ങളെ കുറിച്ചു പറഞ്ഞ വാക്കുകൾ ആണ് വൈറലായി മാറുന്നത്.

ചെറുപ്പം മുതലേ അഭിനയത്തോട് അഭിനിവേശമുള്ള ബാലാജി സ്‌കൂളിൽ പഠിക്കുമ്പോഴും കലാരംഗത്ത് സജീവമായിരുന്നു. വീട്ടിൽ ഏകമകനായിരുന്ന അദ്ദേഹം ഏഴാം ക്ലാസ്സിൽ പഠിക്കുമ്പോഴാണ് ദൂരദർശനിൽ സംപ്രേക്ഷണം ചെയ്ത വെള്ളിക്കപ്പ് എന്ന നാടകത്തിലൂടെ അഭിനയത്തിലേക്ക് എത്തിയത്. ഒരു അമ്മാവൻ കഥാപാത്രമായിരുന്നു അദ്ദേഹം അവതരിപ്പിച്ചത്.

പതിനാറാമത്തെ വയസ്സിൽ എയർഫോഴ്സിൽ ജോലി കിട്ടിയ ബാലാജി അതിനൊപ്പം തന്നെ ഡിഗ്രിയും എൽഎൽബിയും എടുത്തു. ജോലിയിൽ നിന്നും അവധിയെടുത്തുവന്ന സമയത്താണ് ‘മീൻ തോണി’ എന്ന അവാർഡ് സിനിമയിൽ അഭിനയിക്കുന്നത്. പിന്നീട് എയർഫോഴ്സിലെ ജോലി രാജിവച്ച ശേഷം അഭിയത്തിൽ സജീവമായി.

മികച്ച ഉദ്യോഗം രാജി വച്ച് അഭിയത്തിൽ എത്തിയെങ്കിലും സിനിമയിലും സീരിയലിലും ബാലാജി സ്ഥാനം ഉറപ്പിക്കുകയായിരുന്നു. എഴുത്തുകാരൻ മഹേഷ് മിത്ര വഴിയാണ് ബാലാജി ,രാജസേനന്റെ നാടൻ പെണ്ണും നാട്ടുപ്രമാണിയും എന്ന സിനിമയിലും പടയൊരുക്കം എന്ന സീരിയലിലും തുടക്കം കുറിച്ചത്. ദൂരദർശനിൽ ആഴ്ചതോറും വരുന്ന സീരിയൽ ആയിരുന്നു പടയൊരുക്കം.

ഒരു  അഭിമുഖത്തിൽ തന്റെ പ്രിയ താരങ്ങളെയും സഹപ്രവർത്തകരായ മഞ്ജു വാര്യർ , ഉണ്ണിമുകുന്ദൻ , കലാഭവൻ ഷാജോൺ തുടങ്ങിയവരെക്കുറിച്ചുമെല്ലാം ബാലാജി പറയുന്നുണ്ട്. കലാഭവൻ ഷാജോൺ എന്നത് തന്റെ ചങ്ക് ആണെന്നും സിനിമയിൽ സാമ്പത്തികമായും, സാമൂഹികമായും ഒരു സ്ഥാനം ഉറപ്പിച്ച നല്ല ഒരു നടൻ ആണെന്നും ബാലാജി പറയുന്നു. ഉണ്ണിമുകുന്ദൻ തൻറെ ചോട്ടാഭായി ആണെന്നും ബാലാജി വ്യക്തമാക്കി.

ഞാനൊക്കെ മലയാള സിനിമയിൽ വരും മുൻപേ കണ്ടിട്ടുള്ള ഒരാൾ ആണ് മഞ്ജു വാര്യർ. അഭിനയപ്രതിഭയുള്ള, സിനിമയിൽ ഏറ്റവും കൂടുതൽ തിളങ്ങി നിന്ന നമ്മൾ അന്തം വിട്ടുനോക്കി നിന്ന ഒരാൾ ആണ് മഞ്ജു. ഞാൻ ആദ്യമായി അവർക്കൊപ്പം അഭിനയിക്കുന്നത് കരിങ്കുന്നം സിക്സസ് എന്ന സിനിമയിൽ ആണ്. എന്നെ ആദ്യമായി കണ്ട ഉടനെ ചാടി എഴുന്നേറ്റിട്ട് നമസ്കാരം സാർ എന്ന് പറഞ്ഞു. ഞാൻ അതിശയിച്ചു തിരിഞ്ഞുനോക്കി. എന്നാൽ എന്നോട് തന്നെയാണ് ആ നമസ്കാരം എന്ന് മഞ്ജു പറഞ്ഞു. അങ്ങനെ ഡൌൺ റ്റു എർത്ത് ആയിട്ടുള്ള ഒരു വ്യക്തിയാണ് അവർ.

ഇത് കള്ളക്കളിയാണോ എന്ന് ഞാൻ ഒബ്സർവ് ചെയ്തു. ഈ ഒരു ഡൗൺ ടു എർത്ത് ഒക്കെ നമ്മുടെ അടുത്ത് കാണിക്കുന്നത് സിൻസിയർ ആണോ എന്ന്. കുറേദിവസം ഞാൻ അവരെ നിരീക്ഷിച്ചു കൊണ്ടിരുന്നു. അവർ അതെ രീതിയിൽ ആണ് നിലനിൽക്കുന്നത്. എപ്പോൾ ഷൂട്ടിങ് വിളിച്ചാലും നല്ല എനെർജിയോടെ നിൽക്കും.

അഭിനയത്തോടുള്ള പാഷൻ ഒക്കെയും കണ്ടുനിന്നുപോകും. ആ സിനിമക്ക് ശേഷം അഭിനയിക്കുന്നത് മോഹൻലാലിൽ ആണ്. പല ആളുകളിൽ നിന്നും മനസിലാക്കിയതും അവർ വളരെ ഡൌൺ റ്റു എർത്തായ ഒരാൾ ആണെന്നാണ്. വെറുതെ പുകഴ്ത്തി പറയുന്നതല്ല ഞാൻ അവരെ ബഹുമാനിച്ചു പോയി. ബഹുമാനിച്ചു പോകും- ബാലാജി പറയുന്നു.

### Related Links & Sources
- [Original Story Source](https://moviemax.in/news/7174/can-one-be-so-down-to-earth-balaji-about-manju)