വിവാഹമോചന സമയത്ത് ഭാര്യാ ഭർത്താക്കന്മാർ തമ്മിൽ പല വാഗ്വാദങ്ങളും ഉണ്ടാവും. അതുപോലെ പലതും അങ്ങോട്ടും ഇങ്ങോട്ടും വിട്ടുകൊടുക്കേണ്ടിയും വരും. എന്നാൽ, യൂട്ടയിലുള്ള ലിൻഡ്സേ മാർഷിനെ സംബന്ധിച്ചിടത്തോളം ഭർത്താവ് ചോദിച്ചത് കുറച്ച് അധികമായിപ്പോയി.
അവരുടെ സ്വകാര്യദൃശ്യങ്ങളടങ്ങിയ ആൽബമാണ് വിവാഹമോചനം നടക്കുന്ന സമയത്ത് മാർഷിനോട് ഭർത്താവ് ആവശ്യപ്പെട്ടത്. ഏതായാലും തന്റെ മുൻഭർത്താവിന്റെ ഈ ആവശ്യം അവരെ ഞെട്ടിച്ചിരിക്കയാണ്.
ഈ ചിത്രങ്ങളെല്ലാം അവരുടെ വിവാഹത്തിന്റെ ആദ്യ നാളുകളിൽ പകർത്തിയിരിക്കുന്നവയാണ്. അതിൽ അവരുടെ വളരെ സ്വകാര്യമായ പല ചിത്രങ്ങളും ഉണ്ട്. അതിലെല്ലാം ലവിംഗ് യൂ എന്ന് അടക്കമുള്ള കുഞ്ഞ് കുറിപ്പുകളും മാർഷ് കുറിച്ച് വച്ചിട്ടുണ്ട്. 2021 -ലാണ് 25 വർഷത്തെ ദാമ്പത്യത്തിന് ശേഷം മാർഷ് വിവാഹമോചനത്തിന് അപേക്ഷിക്കുന്നത്.
എന്നാൽ, ഭർത്താവ് ക്രിസ് മാർഷ് അവളോട് ആവശ്യപ്പെട്ടത് ആ ആൽബമാണ്. ഓർമ്മയ്ക്കായി സൂക്ഷിച്ച് വയ്ക്കാനാണത്രെ അയാൾ അത് ആവശ്യപ്പെട്ടത്. തന്നെ അത് വളരെ അധികം നിരാശപ്പെടുത്തിയെന്നും ബുദ്ധിമുട്ടിച്ചു എന്നും മാർഷ് പറയുകയുണ്ടായി. ആ ചിത്രങ്ങൾ അത്തരത്തിൽ സ്വകാര്യമായതാണ്.
തന്റെ അതേ അവസ്ഥയിലൂടെ ആരെങ്കിലും കടന്നു പോവുന്നുണ്ടെങ്കിൽ അവർക്ക് വേണ്ടിയാണ് ഈ അനുഭവം പങ്ക് വയ്ക്കുന്നത് എന്നും മാർഷ് പറഞ്ഞു. തന്റെ ആൽബം ആവശ്യപ്പെട്ടപ്പോൾ താൻ ഞെട്ടിപ്പോയി. അത് തരില്ല എന്നും പറഞ്ഞ് പ്രതിഷേധിച്ചു. എന്നാൽ, ജഡ്ജിയും തന്റെ മുൻഭർത്താവിന്റെ പക്ഷത്തായിരുന്നു. ആ ആൽബം ഫോട്ടോഗ്രാഫറുടെ അടുത്ത് കൊണ്ടുപോയി അതിൽ അവളെ വെട്ടിമാറ്റിക്കൊണ്ടുള്ള ഒരു കോപ്പി എടുത്ത് ഭർത്താവിന് നൽകണമെന്നും ജഡ്ജി പറഞ്ഞത്രെ.
എന്നാൽ, ഫോട്ടോഗ്രാഫർ അതിന് വിസമ്മതിച്ചു. എന്നാൽ, ആഗസ്തിൽ ഈ ആൽബം ഒരു മൂന്നാമന് നൽകണമെന്നും അതിൽ നിന്നും ആവശ്യത്തിന് എഡിറ്റ് വരുത്തുമെന്നും ജഡ്ജി വിധിച്ചു. എന്നാൽ, അതിലാകട്ടെ മാർഷ് അടിവസ്ത്രത്തിൽ നിൽക്കുന്നതും അർദ്ധനഗ്നയായതുമടക്കം അനേകം ചിത്രങ്ങൾ ഉണ്ട്.
അതുകൊണ്ട് തന്നെ ആ ആൽബം കൈമാറാൻ പറ്റില്ലെന്ന് ഉറച്ച് നിൽക്കുകയാണ് അവർ. ഡിസംബർ വരെ അവർക്ക് അത് കൈവശം വയ്ക്കാൻ അനുവാദമുണ്ട്. എന്നാൽ, അത് ആവശ്യപ്പെടുകയാണ് എങ്കിൽ കത്തിച്ച് കളയും എന്നാണ് അവരിപ്പോൾ പറയുന്നത്.
During the divorce, the husband asked for an album with private pictures, which the woman did not give