---
title: "ആ കഷ്ടപ്പാടാണ് ഞങ്ങളുടെ ഈ ചിരിക്ക് പിന്നിൽ; വൈറലയി കുറിപ്പ് "
english_title: "That suffering is behind our laughter; Viral note"
publisher: "moviemax.in"
canonical_url: "https://moviemax.in/news/6610/that-suffering-is-behind-our-laughter-viral-note"
published_at: "2021-10-22T16:03:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/617293f5d5f2b_dileep.jpg"
keywords: []
---

# ആ കഷ്ടപ്പാടാണ് ഞങ്ങളുടെ ഈ ചിരിക്ക് പിന്നിൽ; വൈറലയി കുറിപ്പ് 

> **Lead Summary:** ഈ ചിരിക്കു പിന്നിൽ ഒരു കഥയുണ്ടെന്ന് പറഞ്ഞായിരുന്നു ആർ‍ജെ സൂരജ് ദിലീപിനേയും നാദിർഷയേയും കണ്ടതിനെക്കുറിച്ചും അവരുമായി ഇടപഴകിയതിനെക്കുറിച്ചും പറഞ്ഞത്. കാവലിനും അജഗജാന്തിരത്തിനും ശേഷം ഞങ്ങളുടെ ട്രൂത്ത്‌ ഗ്ലോബൽ ഫിലിംസിനു വേണ്ടി ഓവർസീസ്‌ ഡിസ്റ്റ്രിബ്യൂഷന്‌ പുതിയ സിനിമകൾ സംസാരിക്കാൻ കൊച്ചിയിലെത്തിയതാണ്‌ ഞാൻ. കേശുവും ഈശോയും സംസാരിക്കാൻ നാദിഷാക്കയെ വിളിച്ചു.

## Article Content

ഈ ചിരിക്കു പിന്നിൽ ഒരു കഥയുണ്ടെന്ന് പറഞ്ഞായിരുന്നു ആർ‍ജെ സൂരജ് ദിലീപിനേയും നാദിർഷയേയും കണ്ടതിനെക്കുറിച്ചും അവരുമായി ഇടപഴകിയതിനെക്കുറിച്ചും പറഞ്ഞത്. കാവലിനും അജഗജാന്തിരത്തിനും ശേഷം ഞങ്ങളുടെ ട്രൂത്ത്‌ ഗ്ലോബൽ ഫിലിംസിനു വേണ്ടി ഓവർസീസ്‌ ഡിസ്റ്റ്രിബ്യൂഷന്‌ പുതിയ സിനിമകൾ സംസാരിക്കാൻ കൊച്ചിയിലെത്തിയതാണ്‌ ഞാൻ. കേശുവും ഈശോയും സംസാരിക്കാൻ നാദിഷാക്കയെ വിളിച്ചു.

നേരെ ലാൽ മീഡിയയിലേക്ക്‌ വരാൻ പറഞ്ഞു.. ദിലീപേട്ടനും ഉണ്ടത്രേ. അവിടെ ചെന്നപ്പൊ ദേ ഒരു സർപ്രൈസ്‌. 'കേശു ഈ വീടിന്റെ നാഥൻ' സിനിമയുടെ ട്രെയിലർ സെറ്റാക്കുകയാണ്‌. ആദ്യമയാണ്‌ വിശാലമയ ഒരു എഡിറ്റിംഗ്‌ & മിക്സിംഗ്‌ സ്റ്റുഡിയോ കാണുന്നത്‌. സംഭവം ഒരു കലക്കൻ മൾട്ടിപ്ലെക്സ്‌ തീയറ്റർ തന്നെ. സിനിമ ബിഗ്‌ സ്ക്രീനിൽ കണ്ടുകൊണ്ട്‌ തന്നെ മിക്സിംഗ്‌‌ നടക്കുന്നു.

ഞാനും എന്റെ ചങ്ക്‌ സമദ്‌ ബ്രോയുടെ കസിൻ‌ അരീബും ദിലീപേട്ടനും നാദിർഷക്കയും മാത്രമായി രണ്ടു മൂന്ന് തവണ കേശുവിന്റെ റിലീസ്‌ ചെയ്യാനിരിക്കുന്ന ട്രെയിലർ കണ്ടു. അഭിപ്രായങ്ങൾ പറഞ്ഞു. ഒരു മുഴുനീള കോമഡി പാക്ക്ഡ്‌ സിനിമ ഇവിടെ റിലീസിന്‌ തയാറെടുത്ത്‌ നിൽക്കുന്നു. ത്രില്ലറുകൾക്കും ഡാർക്ക്‌ മോഡ്‌ സിനിമകൾക്കും കോവിഡിനും ഇടയിൽ കുടുംബങ്ങൾക്കും കുട്ടികൾക്കും രസിക്കാൻ പറ്റിയ ഒരു സിനിമയാവും ഈ കേശു. ദിലീപേട്ടന്റെ ഇതുവരെ കാണാത്ത മറ്റൊരു മേക്കോവർ ഈ സിനിമയിൽ കാണാമെന്നത്‌ ഉറപ്പ്‌. ആ സിനിമക്കായി ഷോൾഡർ ചുരുക്കിയതും വയർ കൂട്ടിയതുമൊക്കെ തിരിച്ച്‌ പിടിച്ചുകൊണ്ടിരിക്കുകയാണെന്ന് ദിലീപേട്ടൻ പറഞ്ഞു.

കഴിഞ്ഞ വർഷം ദിലീപേട്ടനെ അദ്ദേഹത്തിന്റെ വീട്ടിൽ ചെന്ന് ഞാനും സമദ്‌ ബ്രോയും ഇതുപോലെ കേശുവിന്റെ കാര്യത്തിനായി കണ്ടിരുന്നു. അന്നായിരുന്നു ആദ്യമായി പരിചയപ്പെടുന്നത്‌. അന്നത്തേതിൽ നിന്നും ശാരീരികമായും മാനസികമായും ദിലീപേട്ടൻ ഉഷാറായിട്ടുണ്ടെന്ന് തോന്നിയത്‌ പറഞ്ഞു. ദിലീപേട്ടൻ ചിരിച്ചു. ഇനി 'കേശു' എപ്പൊ എങ്ങനെ ജനങ്ങൾക്ക്‌ സമ്മാനിക്കും എന്നത്‌ മാത്രമാണ്‌ ചോദ്യങ്ങൾ.

ഏതായാലും സംഗതി 'ആദ്യമായി' കാണുന്നത്‌ ഞങ്ങളാണെന്നത്‌ കളറായി. അതുപോലെ വിവാദമായ ഈശോയുടെ വരാനിരിക്കുന്ന ട്രെയിലറും നാദിർഷക്ക കാണിച്ചു. വിവാദം ഉണ്ടാക്കിയവർ സിനിമവന്നാൽ ചിലപ്പോ  മാളത്തിലൊളിക്കേണ്ടിവരും. കാരണം മതവും ദൈവവും ഈ സിനിമയും തമ്മിൽ എന്ത്‌ ബന്ധമാണെന്ന ചോദ്യം ആ ട്രെയിലർ കണ്ടപ്പോ  എനിക്കും തോന്നി.

സിനിമ വരുമ്പോള്‍  പറഞ്ഞ തെറികളും കുറ്റപ്പെടുത്തലുകളും മതമുതലാളിമാർ തിരിച്ചെടുത്ത്‌ മീശമാധവനിൽ കാവ്യ പറയും പോലെ 'സോറി ഡാ' ന്ന് പറയുമായിരിക്കും ല്ലേ. കഴിഞ്ഞ തവണ ആദ്യമായി കാണുന്നത്‌ കൊണ്ടും അത്ര പരിചയമാകാത്തത്‌ കൊണ്ടും പടമൊന്നും എടുത്തിരുന്നില്ല. ഇത്തവണ ആ കുറവങ്ങ്‌ നികത്താനായി എടുത്ത ഈ ചിത്രത്തിൽ എന്റെ നീളത്തിനടുത്തെത്താൻ കാൽവിരലിൽ പൊങ്ങി നിൽക്കുകയാണ്‌ രണ്ടു പേരും. അവരുടെ ആ കഷ്ടപ്പാടാണ്‌ ഞങ്ങളുടെ ഈ ചിരിക്കുപിന്നിൽ.

### Related Links & Sources
- [Original Story Source](https://moviemax.in/news/6610/that-suffering-is-behind-our-laughter-viral-note)