അയൽക്കാരാണ് അത് കണ്ടത്. ഒരു വീടിന്റെ അകത്തേക്ക് കയറാൻ ശ്രമിക്കുന്ന പതിനെട്ടടി നീളമുള്ള ഒരു കൂറ്റൻ പെരുമ്പാമ്പ്. സമീപത്തെ ഒരു വീട്ടിൽ നിന്ന് രക്ഷപ്പെട്ട ബർമീസ് പെരുമ്പാമ്പ് മറ്റൊരു വീടിന്റെ മേൽക്കൂരയിൽ നിന്ന് മുകളിലെ നിലയിലെ ജനലിലൂടെ അകത്തേക്ക് കടക്കാൻ ശ്രമിക്കുകയായിരുന്നു.
ഹാംഷെയറിലെ ചാൻഡലേഴ്സ് ഫോർഡിലാണ് സംഭവം. ചൊവ്വാഴ്ച പാമ്പിനെ കണ്ടതോടെ ജനങ്ങളെല്ലാം പരിഭ്രാന്തിയിലായി. കുറച്ച് നേരങ്ങൾക്ക് ശേഷം അതിന്റെ അയൽപക്കത്തുള്ള ഒരു സ്ത്രീ ഈ പാമ്പ് ആരുടേതാണ് എന്ന് തിരിച്ചറിയുകയും അതിനെ ഉടമയ്ക്ക് തിരികെ കൊണ്ട് കൊടുക്കുകയും ആയിരുന്നു.
'താൻ ജനാലയിലൂടെ പുറത്തേക്ക് നോക്കിയതാണ്. അപ്പോഴാണ്, തന്റെ അയൽവാസിയുടെ മേൽക്കൂരയിൽ മഞ്ഞ നിറമുള്ള കൂറ്റൻ പാമ്പിനെ കണ്ടത്. ആദ്യം അത് എന്താണ് എന്ന് മനസിലായില്ല. അത് മുകളിലത്തെ നിലയിലെ ജനലിൽ കയറാൻ ശ്രമിക്കുന്നത് കണ്ടപ്പോഴാണ് അതൊരു കൂറ്റൻ പെരുമ്പാമ്പാണ് എന്ന് മനസിലായത്' എന്ന് സമീപത്ത് താമസിക്കുന്ന ജെന്നി വാർവിക്ക് പറഞ്ഞു.
'അവരതിനെ അവിടെ നിന്നും പുറത്താക്കാൻ ശ്രമിക്കുന്നുണ്ടായിരുന്നു. പെട്ടെന്ന് അത് നിർത്തിയിട്ടിരുന്ന കാറിന്റെ മുകളിലേക്ക് വീണു. അതുവഴി ഒരുപാട് ആളുകൾ കടന്നുപോയി, അവരെല്ലാം ഞെട്ടിപ്പോയി, അവർക്ക് അവരുടെ കണ്ണുകളെ വിശ്വസിക്കാൻ കഴിയുന്നുണ്ടായിരുന്നില്ല' എന്നും ജെന്നി പറയുന്നു.
ലിൻഡ എൽമർ എന്ന സ്ത്രീയാണ് ഒടുവിൽ ഈ പാമ്പ് ആരുടേതാണ് എന്ന് തിരിച്ചറിഞ്ഞത്. പരിഭ്രാന്തരായി ആളുകൾ വാതിലിൽ തട്ടിയപ്പോഴാണ് ഏഴ് മണിക്ക് താനുണർന്നത് എന്ന് അവൾ പറയുന്നു. ലിൻഡ പാമ്പിനെ എടുത്തു. എല്ലാവരും പേടിച്ചിരിക്കയായിരുന്നു. അവളെ സഹായിക്കാൻ ആരും മുന്നോട്ട് വന്നില്ല. ഒടുവിൽ ആ കൂറ്റൻ പെരുമ്പാമ്പിനെ പിടിച്ച് തോളിലിട്ട് റോഡിലൂടെ നടന്നു കൊണ്ടാണ് അവളതിനെ ഉടമയെ തിരികെ ഏൽപ്പിച്ചത്.
ലിൻഡയും ഒരു ബർമീസ് പെരുമ്പാമ്പിനെ വളർത്തുന്നുണ്ട്. അവ ആക്രമണകാരിയല്ല എന്നും തനിക്ക് പരിചയമുണ്ടായിരുന്നത് കൊണ്ട് കൈകാര്യം ചെയ്യുന്നത് അത്ര ബുദ്ധിമുട്ടായില്ല എന്നും അവർ പറയുന്നു. ചൂട് കൂടി വരുന്ന സാഹചര്യത്തിൽ പാമ്പുകൾ വീട് വിട്ട് പുറത്തിറങ്ങി പോവാനുള്ള സാഹചര്യമുണ്ട് എന്നും അതിനാൽ പാമ്പിനെ വളർത്തുന്നവർ ശ്രദ്ധിക്കണമെന്നും RSPCA (Royal Society for the Prevention of Cruelty to Animals) മുന്നറിയിപ്പ് നൽകി.
മകളുടെ വിവാഹത്തിന് ശേഷമാണ് ഞാന് രണ്ടാമതും വിവാഹിതയായത്; നടി മങ്ക മഹേഷ്
മലയാളികൾക്ക് സുപരിചിതയായ നടിയാണ് മങ്ക മഹേഷ്. നിരവധി സിനിമകളിലും സീരിയലുകളിലും താരം തിളങ്ങിയിട്ടുണ്ട് . ഇടക്കാലത്ത് നടി രണ്ടാമതും വിവാഹിതയായത് ചില വിവാദങ്ങള്ക്ക് കാരണമായി. പലരും വിമര്ശനങ്ങളുമായി വരികയും ചെയ്തു.
എന്നാല് അത് തന്റെ ആവശ്യമായിരുന്നുവെന്ന് മനസിലാക്കിയത് പിന്നീടുള്ള ജീവിതത്തിലാണെന്നാണ് മങ്ക പറയുന്നത്. സീരിയല് ടുഡേ യൂട്യൂബ് ചാനലിന് നല്കിയ അഭിമുഖത്തിലൂടെയാണ് രണ്ടാം വിവാഹത്തെ കുറിച്ച് നടി മനസ് തുറന്നത്.
'എന്റേത് രണ്ടാം വിവാഹമാണ്. മോളുടെ അച്ഛന് 2003 ല് മരിച്ച് പോയി. മോളുടെ കല്യാണം നടത്തിയതിന് ശേഷം ഒറ്റപ്പെട്ട് പോയെന്ന് തോന്നിയപ്പോഴാണ് രണ്ടാമതും വിവാഹിതയായത്. 2010 ലാണ് ആ വിവാഹം. ഭര്ത്താവ് ആലപ്പുഴക്കാരനാണ്. ബിസിനസ് ചെയ്യുന്നു. ഞാന് അഭിനയിക്കാന് പോവുന്നതിലൊന്നും കുഴപ്പമില്ല. ഒരു മകനുണ്ട്. ഞങ്ങള് മൂന്ന് പേരുമാണ് ഇപ്പോള് വീട്ടിലുള്ളതെന്ന്' മങ്ക പറയുന്നു.
ഇത്രയും പ്രായമായിട്ടും കല്യാണം കഴിക്കാന് നാണമില്ലേ എന്ന് ചോദിക്കുന്നവര്ക്കുള്ള മറുപടിയും മങ്ക മഹേഷ് പറഞ്ഞു. 'ചിലപ്പോള് മക്കളുണ്ടെങ്കിലും അവര് മാതാപിതാക്കളെ നോക്കണമെന്നില്ല. പൈസ ഉള്ള ആള്ക്കാര് മാതാപിതാക്കളെ അനാഥാലയത്തില് കൊണ്ടാക്കുകയാണ് ചെയ്യുക'.
എന്റെ മകളുടെ വിവാഹം കഴിഞ്ഞ് നില്ക്കുമ്പോള് ഒരു പ്രൊപ്പോസല് വന്നു. ഞാന് കല്യാണം കഴിച്ചു. അതിന്റെ പേരില് ഒരുപാട് വിവാദങ്ങള് വന്നെങ്കിലും ഞാനത് കാര്യമാക്കിയില്ല. അതൊക്കെ എന്റെ ഇഷ്ടമാണ്. പിന്നെ മകളുടെ ഇഷ്ടം കൂടി നോക്കിയാല് മതിയല്ലോ. അവള്ക്കും മരുമകനും കുഴപ്പമില്ലായിരുന്നു. അങ്ങനെയാണ് രണ്ടാമതും വിവാഹിതയായത്.
കൊവിഡ് കാലത്ത് അസുഖം വന്ന് മൂന്ന് തവണ ആശുപത്രിയിലായി. അന്നും എന്റെ കൂടെ ഭര്ത്താവ് ഉള്ളത് കൊണ്ടാണ് മകള്ക്ക് ടെന്ഷനടിക്കാതെ നില്ക്കാന് സാധിച്ചത്. അതൊക്കെ ഞാന് വിവാഹം കഴിച്ചത് കൊണ്ട് ഉണ്ടായ കാര്യമല്ലോ എന്നും നടി ചോദിക്കുന്നു. ഒരു പങ്കാളി ഉണ്ടായിരിക്കുന്നത് ആവശ്യമാണ്. കഴിവതും ഒറ്റപ്പെട്ട് ജീവിക്കുന്നവര് വിവാഹം കഴിച്ച് ജീവിക്കണമെന്നാണ് ഞാന് ആഗ്രഹിക്കുന്നതെന്ന് കൂടി നടി വ്യക്തമാക്കി.
ചേച്ചി സുന്ദരിയാണല്ലോന്ന് ഒരുപാട് പേര് പറഞ്ഞിട്ടുണ്ട്. അതുകൊണ്ടാണല്ലോ ഇത്രയും പ്രായമായിട്ടും ഇന്നും സിനിമയിലും സീരിയലിലുമൊക്കെ നില്ക്കുന്നത്. പക്ഷേ ഇപ്പോള് സിനിമയ്ക്ക് നല്ല ഫേസ് വേണമെന്നോ, ഗ്ലാമറോ, വെളുപ്പോ ഒന്നും വേണമെന്നില്ല. നല്ല നല്ല വേഷം ചെയ്യുന്ന ഇഷ്ടം പോലെ താരങ്ങളുണ്ട്. മാത്രമല്ല അതുപോലൊരു വേഷം എനിക്കും കിട്ടണമെന്ന് ആഗ്രഹമുണ്ട്. ഒരു അവാര്ഡൊക്കെ കിട്ടുന്ന വേഷം ചെയ്യനാണ് ഇനിയുള്ള ആഗ്രഹം.
ചേച്ചിയ്ക്ക് കുറച്ച് കളര് കൂടി പോയി. അങ്ങനെയുള്ള വേഷമല്ല ഇതിലെന്ന് പലരും പറഞ്ഞിട്ടുണ്ട്. ഗ്ലാമര് കൂടി പോയന്ന് അവര് പറയുമ്പോള് അതിന് പറ്റിയ സിനിമ വരുമ്പോള് ചെയ്യാമല്ലോന്ന് ഞാനും കരുതി. എത്ര പ്രായമുള്ള വേഷമോ വെല്ലുവിളി നിറഞ്ഞതോ ചെയ്യാന് മടിയില്ലെന്നും ലങ്ക മഹേഷ് പറയുന്നു. മുപ്പത് വയസുള്ളപ്പോള് എഴുപത്തിയഞ്ചുകാരിയുടെ വേഷത്തില് അഭിനയിച്ചതിനെ പറ്റിയും നടി സൂചിപ്പിച്ചു.
Content Highlight: A huge Burmese python that is being raised by the neighbors is about to enter the house
