---
title: "നിങ്ങളെ പോലൊരു ശുദ്ധാത്മാവിനെ കിട്ടിയ ഞാന്‍ ഭാഗ്യവതിയാണ്; റോബിനോടുള്ള പ്രണയത്തെ കുറിച്ച്  ആരതി "
english_title: "For the first time, Aarti tells about her love affair with Robin"
publisher: "moviemax.in"
canonical_url: "https://moviemax.in/news/64125/for-the-first-time-aarti-tells-about-her-love-affair-with-robin"
published_at: "2022-08-25T20:16:00+05:30"
category: "TV"
language: "ml"
image: "https://cf.zdn.im/img/truevisionnews.com/0/image-uploads/63078b7972301_arathi_podi.jpg"
keywords: []
---

# നിങ്ങളെ പോലൊരു ശുദ്ധാത്മാവിനെ കിട്ടിയ ഞാന്‍ ഭാഗ്യവതിയാണ്; റോബിനോടുള്ള പ്രണയത്തെ കുറിച്ച്  ആരതി 

> **Lead Summary:** ബിഗ് ബോസ് താരം റോബിന്‍ രാധാകൃഷ്ണന്‍ വിവാഹിതനാവാന്‍ പോവുകയാണ്. അടുത്തിടെയാണ് താരം വിവാഹത്തെ കുറിച്ചും ഭാവി വധുവിനെ കുറിച്ചും വെളിപ്പെടുത്തല്‍ നടത്തിയത്. ബിഗ് ബോസിന് ശേഷം റോബിനെ ഇന്റര്‍വ്യൂ ചെയ്യാനെത്തിയെ ആരതി പൊടി എന്ന പെണ്‍കുട്ടിയാണ് റോബിന്റെ പ്രതിശ്രുത വധു. 

## Article Content

ബിഗ് ബോസ് താരം റോബിന്‍ രാധാകൃഷ്ണന്‍ വിവാഹിതനാവാന്‍ പോവുകയാണ്. അടുത്തിടെയാണ് താരം വിവാഹത്തെ കുറിച്ചും ഭാവി വധുവിനെ കുറിച്ചും വെളിപ്പെടുത്തല്‍ നടത്തിയത്. ബിഗ് ബോസിന് ശേഷം റോബിനെ ഇന്റര്‍വ്യൂ ചെയ്യാനെത്തിയെ ആരതി പൊടി എന്ന പെണ്‍കുട്ടിയാണ് റോബിന്റെ പ്രതിശ്രുത വധു. 

ഇരുവരും ഒരുമിച്ചുള്ള വീഡിയോസും ചിത്രങ്ങളുമൊക്കെ ഇതിനകം സോഷ്യല്‍ മീഡിയയില്‍ വൈറലാണ്. ആരതിയുമായിട്ടുള്ള പ്രണയത്തെ കുറിച്ച് റോബിന്‍ വെളിപ്പെടുത്തിയെങ്കിലും ആരതി മൗനം പാലിച്ചു. ഒടുവിലാത തന്റെ പ്രണയത്തെ പറ്റി ആദ്യമായി മനസ് തുറക്കുകയാണ് ആരതി പൊടി.

*സോഷ്യല്‍ മീഡിയയിലൂടെ പങ്കുവെച്ച കുറിപ്പിന്റെ പൂര്‍ണരൂപമിങ്ങനെ... *

റോബിനൊപ്പമുള്ള പ്രിയപ്പെട്ട നിമിഷങ്ങളെല്ലാം കോര്‍ത്തിണക്കിയൊരു വീഡിയോയാണ് ആരതി ഇന്‍സ്റ്റാഗ്രാം പേജിലൂടെ പങ്കുവെച്ചിരിക്കുന്നത്. ഒപ്പം ഈ വിഷയത്തിലുള്ള തന്റെ ആദ്യത്തെ പ്രതികരണമാണെന്ന് ക്യാപ്ഷനില്‍ സൂചിപ്പിച്ചു. ആദ്യമായി റോബിനുമായിട്ടുള്ള പ്രണയം വെളിപ്പെടുത്തുന്നതിനൊപ്പം ഇതുവരെ ഒന്നിനോടും പ്രതികരിക്കാതെ ഇരുന്നതിന്റെ കാരണം എന്താണെന്ന് കൂടി വ്യക്തമാക്കിയിരിക്കുകയാണ്. 

'ഞങ്ങള്‍ രണ്ടാളെയും സംബന്ധിച്ച്, എന്റെ ഭാഗത്ത് നിന്ന് പങ്കുവെക്കുന്ന ആദ്യത്തെ വീഡിയോ ആണിത്. അതുകൊണ്ട് ഇത് എനിക്ക് എന്നും സ്പെഷ്യല്‍ ആണ്. ഡോ. റോബിന്‍ രാധാകൃഷ്ണന്‍, നിങ്ങളെ പോലൊരു ശുദ്ധാത്മാവിനെ കിട്ടിയ ഞാന്‍ ഭാഗ്യവതിയാണ്' എന്നുമാണ് റോബിനോടായി ആരതി പറയുന്നത്.

മറ്റൊരു പ്രധാന കാര്യം കൂടി ആരതി വ്യക്തമാക്കി. 'എന്റെ നിശബ്ദതയുടെ അര്‍ത്ഥം ഞാന്‍ ഊമയാണെന്നോ മിണ്ടാന്‍ അറിയാത്ത ആളാണെന്നോ അല്ല. എല്ലാം തുറന്ന് പറയാനുള്ള ഒരു നല്ല സമയത്തിന് വേണ്ടി കാത്തിരിക്കുകയാണ്. ശരിയായ സമയത്തിനായി ഇപ്പോഴും കാത്തിരിക്കുന്നു' എന്നും ആരതി പൊടി പങ്കുവെച്ച കുറിപ്പില്‍ പറയുന്നു. 

അതേ സമയം 'നീയാണ് എന്റെ ശക്തിയെന്ന്' ആരതിയുടെ പോസ്റ്റിന് താഴെ കമന്റുമായി റോബിനുമെത്തി. ഒപ്പം ആശംസകള്‍ അറിയിച്ച് നൂറ് കണക്കിന് ആരാധകരാണെത്തുന്നത്. 

### Related Links & Sources
- [Original Story Source](https://moviemax.in/news/64125/for-the-first-time-aarti-tells-about-her-love-affair-with-robin)