---
title: "മനുഷ്യരെല്ലാം കൂട്ടിനകത്ത്, തോന്നുംപടി കറങ്ങി നടക്കുന്ന മൃ​ഗങ്ങൾ, വീഡിയോ വൈറൽ "
english_title: "Humans are all in cages, animals walking around as if they seem, the video goes viral"
publisher: "moviemax.in"
canonical_url: "https://moviemax.in/news/63785/humans-are-all-in-cages-animals-walking-around-as-if-they-seem-the-video-goes-viral"
published_at: "2022-08-24T13:25:00+05:30"
category: "Viral"
language: "ml"
image: "https://cf.zdn.im/img/truevisionnews.com/0/image-uploads/6305d9aa0337a_viral.jpg"
keywords: []
---

# മനുഷ്യരെല്ലാം കൂട്ടിനകത്ത്, തോന്നുംപടി കറങ്ങി നടക്കുന്ന മൃ​ഗങ്ങൾ, വീഡിയോ വൈറൽ 

> **Lead Summary:** സാധാരണ നമ്മളെല്ലാം മൃ​ഗശാല സന്ദർശിക്കാറുണ്ട്. അവിടുത്തെ കാഴ്ച എങ്ങനെ ആയിരിക്കും? നമ്മൾ നമ്മുടെ ഇഷ്ടം പോലെ ഇറങ്ങി നടക്കുകയും പക്ഷികളും മൃ​ഗങ്ങളും എല്ലാം കൂട്ടിലും ആയിരിക്കും അല്ലേ? എന്നാൽ, അങ്ങനെ അല്ലാത്ത മൃ​ഗശാലയും ലോകത്തുണ്ട്.

## Article Content

സാധാരണ നമ്മളെല്ലാം മൃ​ഗശാല സന്ദർശിക്കാറുണ്ട്. അവിടുത്തെ കാഴ്ച എങ്ങനെ ആയിരിക്കും? നമ്മൾ നമ്മുടെ ഇഷ്ടം പോലെ ഇറങ്ങി നടക്കുകയും പക്ഷികളും മൃ​ഗങ്ങളും എല്ലാം കൂട്ടിലും ആയിരിക്കും അല്ലേ? എന്നാൽ, അങ്ങനെ അല്ലാത്ത മൃ​ഗശാലയും ലോകത്തുണ്ട്.

അത്തരത്തിൽ വളരെ വ്യത്യസ്തമായ ഒരു മൃ​ഗശാലയാണ് അങ്ങ് ചൈനയിലുള്ളത്. അവിടെ ശരിക്കും സന്ദർശകരാണ് കൂടിനകത്താവുക. പകരം മൃ​ഗങ്ങളെല്ലാം തോന്നുംപടി ഇറങ്ങി നടക്കുന്നുണ്ടാവും. അതിൽ സിം​ഹവും കടുവയും ഒക്കെ കാണും. കാണുമ്പോൾ അൽപം പേടി ഒക്കെ തോന്നുമെങ്കിലും സം​ഗതി ​ഗംഭീരൻ അനുഭവം ആകുമെന്നതിൽ സംശയം വേണ്ട.

കൂട്ടിലടച്ച മനുഷ്യരും തോന്നുംപടി നടക്കുന്ന ഈ മൃ​ഗങ്ങളും ഉള്ള മൃ​ഗശാല ചൈനയിലെ ചോങ്ക്വിങ്ങിലുള്ള ലെഹെ ലെഡു മൃശാലയാണ്. അവിടെ ചെല്ലുന്ന സന്ദർശകരെ ആദ്യം തന്നെ കൂട്ടിലടയ്ക്കുന്നു. അപ്പോൾ ചുറ്റിലും കടുവയും സിംഹവും കരടിയും ഒക്കെ അടങ്ങുന്ന മൃ​ഗങ്ങൾ കറങ്ങി നടക്കുന്നു.

[**https://twitter.com/i/status/1561608087416471552**](https://twitter.com/i/status/1561608087416471552)

ശരിക്കും ഈ കാഴ്ച കണ്ടാൽ നമ്മൾ മൃ​ഗശാലയിൽ പോകുന്നത് പോലെ മൃ​ഗങ്ങൾ നമ്മെ കാണാൻ വന്നിരിക്കയാണ് എന്ന് തോന്നും. കൂടുതൽ നന്നായി മൃ​ഗങ്ങളെ അവയുടെ ആവാസവ്യവസ്ഥയിൽ കാണുന്നതിന് വേണ്ടിയാണ് മൃ​ഗശാല ഇങ്ങനെ ഒരു സംവിധാനം ഒരുക്കിയിരിക്കുന്നത്.

കൂട്ടിലിരുന്നു കൊണ്ട് സ്വൈരവിഹാരം നടത്തുന്ന മൃ​ഗങ്ങളെ സന്ദർശകർക്ക് കൺനിറയെ കാണാം. വന്യജീവികളെ കൂടിനടുത്തേക്ക് ആകർഷിക്കാനായി മറ്റൊന്ന് ചെയ്യുന്നത് മാംസം കൂടിനടുത്തായി കെട്ടിത്തൂക്കിയിടുകയാണ്.

ഈ മാംസത്തിലേക്ക് ആകർഷിക്കപ്പെട്ട് അത് കഴിക്കാനായി മൃ​ഗങ്ങൾ വരുമ്പോൾ മനുഷ്യർക്ക് അവയെ തൊട്ടടുത്ത് നിന്ന് കാണാനുള്ള അവസരവും ലഭിക്കുന്നു. ചില സമയത്താവട്ടെ മൃ​ഗങ്ങൾ മനുഷ്യർ നിൽക്കുന്ന ഈ കൂട്ടിലേക്ക് വലിഞ്ഞു കയറാൻ വരെ ശ്രമിക്കാറുണ്ട്.

> കൂടിന് മുകളിൽ കയറിയിരിക്കുന്ന മൃ​ഗങ്ങളെയും കാണാം. ഈ മൃ​ഗശാലയിൽ നിന്നുമുള്ള ഒരു വീഡിയോ ട്വിറ്ററിൽ പങ്കിട്ടിട്ടുണ്ട്. തൻസു യെഇൻ എന്നയാളാണ് വീഡിയോ ട്വിറ്ററിൽ പങ്കുവെച്ചത്, "ഇത് ഒരു മനുഷ്യ മൃഗശാലയാണ്, അവിടെ മൃഗങ്ങൾക്ക്, കൂടുകളിൽ കഴിയുന്ന അപകടകാരികളായ മനുഷ്യരെ കാണാൻ കഴിയും" എന്നാണ് വീഡിയോയ്ക്ക് അടിക്കുറിപ്പ് നൽകിയിരിക്കുന്നത്.

### Related Links & Sources
- [Original Story Source](https://moviemax.in/news/63785/humans-are-all-in-cages-animals-walking-around-as-if-they-seem-the-video-goes-viral)