സുരേഷ് ഗോപി നായകനായി ഏറ്റവും ഒടുവില് പ്രദര്ശനത്തിന് എത്തിയ ചിത്രമാണ് 'പാപ്പൻ'. ജോഷി സംവിധാനം ചെയ്ത ചിത്രം വൻ വിജയമാണ് നേടിയത്. ചിത്രം റിലീസ് ചെയ്ത് ഇരുപത്തിയഞ്ച് ദിവസങ്ങള് പിന്നിടുകയാണ്.
സുരേഷ് ഗോപിയുടെ 'പാപ്പൻ' ബോക്സ് ഓഫീസ് കളക്ഷൻ 50 കോടിയിലധികം നേടിയെന്ന വാര്ത്തയും പുറത്തുവരികയാണ്. പാപ്പൻ റിലീസ് ചെയ്ത് 18 ദിവസം കഴിഞ്ഞപ്പോള് തന്നെ മൊത്തം ബിസിനസിന്റെ കാര്യത്തില് 50 കോടിയിലെത്തിയിരുന്നു.
തിയറ്റര് കളക്ഷന് പുറമേ , ഒടിടി, സാറ്റലൈറ്റ് അവകാശങ്ങള് വിറ്റതും ചേര്ത്തായിരുന്നു ഈ കണക്ക്. കേരളത്തില് 250 ഓളം തീയറ്ററുകളിലായിരുന്ന ചിത്രം റിലീസ് ചെയ്തത്. രണ്ടാമത്തെ ആഴ്ച കേരളത്തിന് പുറത്തും റിലീസ് ചെയ്തപ്പോള് 600 സ്ക്രീനുകളായിരുന്നു.
സുരേഷ് ഗോപിയും മകൻ ഗോകുലും ആദ്യമായി ഒന്നിച്ച ചിത്രമാണ് 'പാപ്പൻ'. 'സലാം കാശ്മീരി'ന് ശേഷം ജോഷി- സുരേഷ് ഗോപി കൂട്ടുകെട്ടിൽ ഇറങ്ങിയ ചിത്രം കൂടിയാണിത്. സുരേഷ് ഗോപിയുടെ കരിയറിലെ 252-ാം ചിത്രമാണ് 'പാപ്പൻ'. 'എബ്രഹാം മാത്യു മാത്തന്' എന്നായിരുന്നു സുരേഷ് ഗോപി കഥാപാത്രത്തിന്റെ പേര്.
ഗോകുലം ഗോപാലൻ, ഡേവിഡ് കാച്ചപ്പിള്ളി, റാഫി മതിര എന്നിവർ ചേർന്നാണ് ചിത്രം നിര്മ്മിച്ചിരിക്കുന്നത്. ഗോകുലം മൂവീസും ഡ്രീം ബിഗ് ഫിലിംസും ചേർന്നാണ് ചിത്രം തീയേറ്ററുകളിൽ എത്തിച്ചത്.
ക്രൈം ത്രില്ലര് വിഭാഗത്തില് പെടുന്ന ചിത്രത്തില് നീത പിള്ള, നൈല ഉഷ, ആശ ശരത്ത്, കനിഹ, ചന്ദുനാഥ്, വിജയരാഘവന്, ടിനി ടോം, സണ്ണി വെയ്ന് തുടങ്ങിയവരും മുഖ്യ വേഷങ്ങളിൽ എത്തി. ചിത്രത്തില് സുരേഷ് ഗോപിയുടെ കഥാപാത്രന്റെ മകളായ 'വിന്സി' ആയി നീത പിള്ള അഭിനയിച്ചത് ശ്രദ്ധ പിടിച്ചുപറ്റിയിരുന്നു.
അവരെ കാണാനോ കൂടെ ഇരിക്കാനോ നിങ്ങള്ക്ക് തോന്നുന്നില്ലേ, താരത്തിന്റെ ഫോട്ടോയ്ക്ക് വന്ന കമന്റ് ശ്രദ്ധനേടുന്നു
ഗോപി സുന്ദറിനെ കുറിച്ചുള്ള വാർത്തകളാണ് ഇപ്പോള് സോഷ്യല് മീഡിയയിലെ ചര്ച്ച. ഗോപി സുന്ദര് ആദ്യം വിവാഹം കഴിച്ചത്. പ്രിയയെയാണ്. ഈ ബന്ധത്തില് രണ്ടു മക്കളുടെ. പ്രിയയുമായി നിയമപരമായി വേര്പിരിയാതെയാണ് അഭയ ഹിരണ്മയിയുമായി ലിവിങ് റ്റുഗദര് ജീവിതം തുടങ്ങിയത്. പിന്നീടാണ് ഗായിക അമൃതയെ വിവാഹം കഴിച്ചത്.
അമൃതയുമായി ഒന്നിച്ച ശേഷം നിരവധി ഫോട്ടോകള് ഗോപി സുന്ദര് പങ്കുവെച്ചു. ഇതില് അധികവും ക്ഷേത്രങ്ങളില് നിന്നും പകര്ത്തിയ ഫോട്ടോ ആണ്. പൊതുവെ ക്ഷേത്രങ്ങളില് പോവാനിഷ്ടമുള്ളയാളാണ് താനെന്ന് അദ്ദേഹം പറഞ്ഞിരുന്നു.
കഴിഞ്ഞ ദിവസം ഇരുവരും ഗുരുവായൂര് ക്ഷേത്രസന്ദര്ശനം നടത്തിയിരുന്നു. ഇവിടെ നിന്നുള്ള ചിത്രം ഗോപി സുന്ദര് ഇന്സ്റ്റഗ്രാമില് പോസ്റ്റ് ചെയ്തിരുന്നു. ഇതിന് താഴെ വന്ന കമന്റും അതിന് തിരിച്ച് ഗോപി സുന്ദര് കൊടുത്ത മറുപടിയുമാണ് വൈറല് ആവുന്നത്.
അമ്പലത്തില് നില്ക്കുമ്പോള് ദൈവം നല്കിയ നിങ്ങളുടെ മക്കളുടെ കാര്യം കൂടി ചിന്തിക്കൂയെന്നായിരുന്നു ഒരാള് കമന്റിട്ടത്. എന്റെ മകന് നിങ്ങളെ വിളിച്ച് സഹായം ചോദിച്ചിട്ടുണ്ടെങ്കില് എന്നോട് പറയൂ. നിലവില് എന്റെ സംരക്ഷണത്തില് അവന് സുഖമായി ഇരിക്കുന്നു. നിങ്ങള് നിങ്ങളുടെ കാര്യം നോക്കൂയെന്നായിരുന്നു ഗോപി സുന്ദര് മറുപടിയേകിയത്.
കപ്പിത്താന് നഷ്ടപ്പെട്ട കപ്പലിനെക്കുറിച്ച് നിങ്ങള് അഭിമുഖത്തില് പറയുന്നത് കേട്ടു. നിങ്ങള് നിങ്ങളുടെ മക്കളെ അവരുടെ ജീവിതത്തിന്റെ പാതിവഴിയില് ഉപേക്ഷിച്ചു. അവരെ കാണാനോ അവരുടെ കൂടെ ഇരിക്കാനോ നിങ്ങള്ക്ക് തോന്നുന്നില്ലേ, അവര്ക്ക് നിങ്ങളെ ഒരുപാട് മിസ് ചെയ്യുന്നുണ്ടാവും.
അവര് നിങ്ങളെ ആഗ്രഹിക്കുന്നുണ്ട്. നിങ്ങള് ഇങ്ങനെ ആഘോഷിക്കുമ്പോള് അവരുടെ വേദന മനസിലാക്കുന്നുണ്ടോയെന്നായിരുന്നു പിന്നീട് വന്ന ചോദ്യം. അവരിപ്പോള് കുട്ടികളല്ല മുതിര്ന്നവരാണ്. നിങ്ങള് നിങ്ങളുടെ കാര്യം നോക്കൂയെന്നായിരുന്നു ഈ ചോദ്യത്തിന് ഗോപി സുന്ദര് മറുപടി കൊടുത്തത്.
Content Highlight: Suresh Gopi film 'Pappan' in 50 crore club
