---
title: "പൃഥ്വിരാജിന്റെ 'കാപ്പ' യിൽ നിന്ന് മഞ്ജു വാര്യർ പിന്മാറി; കാരണമിതാണ്...!"
english_title: "Manju Warrier withdraws from Prithviraj's 'Kappa'; The reason is...!"
publisher: "moviemax.in"
canonical_url: "https://moviemax.in/news/56863/manju-warrier-withdraws-from-prithvirajs-kappa-the-reason-is"
published_at: "2022-07-23T19:53:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/62dc04e93eadf_prithvi.jpg"
keywords: []
---

# പൃഥ്വിരാജിന്റെ 'കാപ്പ' യിൽ നിന്ന് മഞ്ജു വാര്യർ പിന്മാറി; കാരണമിതാണ്...!

> **Lead Summary:** **'ക**ടുവ' എന്ന ഹിറ്റ് ചിത്രത്തിന് ശേഷം പൃഥ്വിരാജും ഷാജി കൈലാസും വീണ്ടും ഒന്നിക്കുന്ന 'കാപ്പ'യിൽ നിന്നും പിന്മാറി മഞ്ജു വാര്യർ. അജിത് ചിത്രം 'എകെ 61'ന്റെയും കാപ്പയുടെയും ഷൂട്ട് ഒരുമിച്ച് വന്നതിനാലാണ് താരം പിന്മാറിയതെന്നാണ് വിവരം.

## Article Content

**'ക**ടുവ' എന്ന ഹിറ്റ് ചിത്രത്തിന് ശേഷം പൃഥ്വിരാജും ഷാജി കൈലാസും വീണ്ടും ഒന്നിക്കുന്ന 'കാപ്പ'യിൽ നിന്നും പിന്മാറി മഞ്ജു വാര്യർ. അജിത് ചിത്രം 'എകെ 61'ന്റെയും കാപ്പയുടെയും ഷൂട്ട് ഒരുമിച്ച് വന്നതിനാലാണ് താരം പിന്മാറിയതെന്നാണ് വിവരം.

അജിത് ചിത്രത്തിനായി ചെന്നൈയിലാണ് മഞ്ജു ഇപ്പോഴുള്ളത്. മഞ്ജു വാര്യർ പിന്മാറിയതോടെ ആ കഥാപാത്രത്തെ ആരാകും അവതരിപ്പിക്കുക എന്ന ആകാംക്ഷയിലാണ് പ്രേക്ഷകരിപ്പോൾ. ജൂലൈ 15നാണ് കാപ്പയുടെ ചിത്രീകരണം ആരംഭിച്ചത്.

'കൊട്ട മധു' എന്ന കഥാപാത്രത്തെയാണ് പൃഥ്വിരാജ് ചിത്രത്തിൽ അവതരിപ്പിക്കുന്നത്. ആസിഫ് അലിയും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. അന്ന ബെന്നും ചിത്രത്തിലുണ്ട്. ജി ആര്‍ ഇന്ദുഗോപൻ എഴുതിയ 'ശംഖുമുഖി' എന്ന നോവലിനെ ആസ്‍പദമാക്കിയുള്ളതാണ് ചിത്രം.ഇന്ദു ഗോപൻ തന്നെയാണ് ചിത്രത്തിന്റെ തിരക്കഥ എഴുതുന്നത്.

ജിനു എബ്രഹാം, ഡോള്‍വിൻ കുര്യാക്കോസ്, ദിലീഷ് നായര്‍ എന്നിവരുടെ പങ്കാളിത്തത്തില്‍ ആരംഭിച്ച തിയറ്റര്‍ ഓഫ് ഡ്രീംസ്, ഫെഫ്‍കെ റൈറ്റേഴ്‍സ് യൂണിയന്റെ സഹകരണത്തിലാണ് ചിത്രം നിര്‍മിക്കുന്നത്. വേണു സംവിധാനം ചെയ്യുമെന്ന് പ്രഖ്യാപിച്ചിരുന്ന ചിത്രമാണ് 'കാപ്പ'.തിരുവനന്തപുരത്താണ് ചിത്രത്തിന്റെ ഷൂട്ട് പുരോഗമിക്കുന്നത്.

### Related Links & Sources
- [Original Story Source](https://moviemax.in/news/56863/manju-warrier-withdraws-from-prithvirajs-kappa-the-reason-is)