ഒരു അഡാറ് ലൗ' എന്ന ചിത്രത്തിലൂടെ എത്തി നിരവധി ആരാധകരെ സ്വന്തമാക്കിയ താരമാണ് പ്രിയ പ്രകാശ് വാര്യർ(Priya Varrier). മലയാള സിനിമയിലൂടെ ആണ് അഭിനയ രംഗത്ത് എത്തിയതെങ്കിലും തെലുങ്ക്, ഹിന്ദി ഉൾപ്പടെയുള്ള ഭാഷാ ചിത്രങ്ങളിൽ പ്രിയ അഭിനയിച്ചു കഴിഞ്ഞു.
ഇപ്പോഴിതാ നടനും നര്ത്തകനുമായ റംസാനൊപ്പം ഡാൻസ് ചെയ്യുന്ന പ്രിയയുടെ വീഡിയോയാണ് ശ്രദ്ധനേടുന്നത്. 96 എന്ന തമിഴ്ചിത്രത്തിലെ കാതലേ കാതലേ എന്ന പ്രണയ ഗാനത്തിനൊപ്പമാണ് റംസാനും പ്രിയയും ചുടവടുവയ്ക്കുന്നത്. ഒരു മുറിക്കുള്ളിലാണ് ഗാന ചിത്രീകരണം. പ്രണയാർദ്രരായ താരങ്ങളെ വീഡിയോയിൽ കാണാൻ സാധിക്കും. പോസ്റ്റ് പങ്കുവെച്ച് നിമിഷങ്ങൾക്കുള്ളിൽ തന്നെ വൈറലായി കഴിഞ്ഞു.
റിയാലിറ്റി ഷോകളിലൂടെ ശ്രദ്ധനേടിയ താരമാണ് റംസാന്. മുൻ ബിഗ് ബോസ് താരം കൂടിയായ റംസാൻ, അമല് നീരദ് സംവിധാനം ചെയ്ത ഭീഷ്മ പർവത്തിൽ അഭിനയിച്ചിരുന്നു. മമ്മൂട്ടിയായിരുന്നു നായകൻ. ചിത്രത്തിൽ റംസാൻ അവതരിപ്പിച്ച രതിപുഷ്പം എന്ന ഗാനം ഏറെ ശ്രദ്ധനേടി. നിരവധി പേരാണ് ആ ഗാനത്തിന് ചുവടുവച്ച് കൊണ്ട് രംഗത്തെത്തിയത്.
Content Highlight: Now the video of Priya dancing with actor and dancer Ramsan is getting attention.
