മലയാളികൾ ഏറെ പ്രതീക്ഷയോടെ കാത്തിരിക്കുന്ന സിനിമയാണ് ഫഹദ് ഫാസില് നായകനായി എത്തുന്ന 'മലയന്കുഞ്ഞ്'(Malayankunju). നവാഗതനായ സജിമോന് പ്രഭാകര് (Sajimon Prabhakar) സംവിധാനം ചെയ്യുന്ന ചിത്രം ജൂലൈ 22ന് പ്രേക്ഷകർക്ക് മുന്നിലെത്തും.
ചിത്രത്തിന്റേതായി മുൻപ് പുറത്തിറങ്ങിയ ട്രെയിലറുകളും ഗാനങ്ങളും ഏറെ ശ്രദ്ധനേടിയിരുന്നു. ഇപ്പോഴിതാ റിലീസിനൊരുങ്ങുന്ന ചിത്രത്തിന്റെ പിന്നാമ്പുറ കാഴ്ചകൾ പുറത്തുവിട്ടിരിക്കുകയാണ് അണിയറ പ്രവർത്തകർ. 2 മിനിറ്റ് 47 സെക്കന്റ് ദൈര്ഘ്യമുള്ള വീഡിയോയാണ് മ്യൂസിക്ക് 247 ചാനലിലൂടെ പുറത്ത് വിട്ടിരിക്കുന്നത്.
ഉരുള് പൊട്ടല് ചിത്രീകരിക്കാനുള്ള തയ്യാറെടുപ്പുകളും പ്രയാസങ്ങളും വീഡിയോയില് കാണാം. ഫഹദിന്റെ മറ്റൊരു മികച്ച പ്രകടനം തന്നെ ചിത്രത്തിൽ കാണാൻ സാധിക്കുമെന്നാണ് വീഡിയോയിൽ നിന്നും മനസ്സിലാകുന്നത്.
ചിത്രത്തിന്റെ രചനയും ഛായാഗ്രഹണവും മഹേഷ് നാരായണനാണ്. ഫാസില് നിര്മ്മിക്കുന്നു എന്ന പ്രത്യേകതയുമുണ്ട്. രജിഷ വിജയന് നായികയാവുന്ന ചിത്രത്തില് ഇന്ദ്രന്സ്, ജാഫര് ഇടുക്കി, ദീപക് പറമ്പോല് തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു.
എ ആര് റഹ്മാന് സംഗീതം പകരുന്നു എന്നതും പ്രത്യേകതയാണ്. വർഷങ്ങൾക്ക് ശേഷമാണ് എ ആർ റഹ്മാൻ വീണ്ടും ഒരു മലയാളം ചിത്രത്തിനായി സംഗീതം ഒരുക്കുന്നത്. 'യോദ്ധ'യാണ് ഇതിന് മുൻപ് അദ്ദേഹം സംഗീതം നിർവഹിച്ച മലയാളം സിനിമ.
എക്സിക്യൂട്ടീവ് പ്രൊഡ്യൂസര് പി കെ ശ്രീകുമാര്. അര്ജു ബെന് ആണ് എഡിറ്റിംഗ്. പ്രൊഡക്ഷന് ഡിസൈന് ജ്യോതിഷ് ശങ്കര്, പ്രൊഡക്ഷന് കണ്ട്രോളര് ബെന്നി കട്ടപ്പന, സൗണ്ട് ഡിസൈന് വിഷ്ണു ഗോവിന്ദും ശ്രീശങ്കറും ചേര്ന്ന്, സിങ്ക് സൗണ്ട് വൈശാഖ് പി വി, മേക്കപ്പ് രഞ്ജിത്ത് അമ്പാടി, വസ്ത്രാലങ്കാരം ധന്യ ബാലകൃഷ്ണന്, സെഞ്ചുറി റിലീസ് തിയറ്ററുകളില് എത്തിക്കും.
Content Highlight: Great performance by Fahad; 'Malayankunju' Behind the Scenes
