മുൻകാല ഇന്ത്യൻ നടിയും മോഡലും നർത്തകിയും ആണ് സനാഖാൻ. കഴിഞ്ഞ വർഷമാണ് താരം അഭിനയ മേഖലയോട് വിടപറയുകയും ഇനി അഭിനയിക്കാനോ അത്തരത്തിലുള്ള പ്രവർത്തനങ്ങളിലേക്ക് ഇല്ല എന്ന പ്രഖ്യാപനം നടത്തുകയും ചെയ്തത്.
മോഡലിംഗിൽ തന്റെ കരിയർ ആരംഭിച്ച താരം പരസ്യങ്ങളിലും ഫീച്ചർ ഫിലിമുകളിലും ടെലിവിഷൻ ഷോകളിലും പ്രത്യക്ഷപ്പെട്ടു . 5 ഭാഷകളിലായി 14 സിനിമകളിൽ അഭിനയിച്ച താരം 50-ലധികം പരസ്യ ചിത്രങ്ങളിൽ അഭിനയിച്ചിട്ടുണ്ട്.
2005-ലെ ലോ-ബജറ്റ് അഡൾട്ട് ഹിന്ദി ചിത്രമായ യേഹി ഹേ ഹൈ സൊസൈറ്റിയിലൂടെയാണ് താരം ആദ്യമായി അഭിനയിച്ചത്. താരം പിന്നീട് ടെലിവിഷൻ പരസ്യങ്ങളിലും മറ്റ് പരസ്യങ്ങളിലും പ്രത്യക്ഷപ്പെടാൻ തുടങ്ങി. 2010 നവംബറിൽ പുറത്തിറങ്ങിയ നന്ദമുരി കല്യാണ് റാമിന്റെ കല്യാണ്റാം കത്തി എന്ന ചിത്രത്തിലൂടെ താരം തെലുങ്ക് ചലച്ചിത്ര രംഗത്തേക്ക് കടന്നു. 2011 മെയ് മാസത്തിൽ ഗോൾഡൻ മൂവീസിന്റെ കൂൾ…സക്കത്ത് ഹോട്ട് മഗാ എന്ന ചിത്രത്തിലൂടെ കന്നഡ സിനിമകളിലേക്ക് ചുവടുവച്ചു.
2014 ജനുവരി 24-ന് പുറത്തിറങ്ങിയ ബോളിവുഡ് ചിത്രമായ ജയ് ഹോ എന്ന ചിത്രത്തിൽ പ്രധാന എതിരാളിയായ ഡാനി ഡെൻസോങ്പയുടെ മകളായി ഖാൻ അഭിനയിച്ചു. 2007 ൽ ശിരീഷ് കുന്ദർ സംവിധാനം ചെയ്ത ഒരു കോസ്മെറ്റിക് പരസ്യം ഉൾപ്പെടെ 50-ലധികം പരസ്യ ചിത്രങ്ങളിലും താരം അഭിനയിച്ചിട്ടുണ്ട്.
2020 ഒക്ടോബർ 8 ന് താൻ വിനോദ വ്യവസായം ഉപേക്ഷിക്കുകയാണെന്നും “മനുഷ്യരാശിയെ സേവിക്കുമെന്നും അവളുടെ സ്രഷ്ടാവിന്റെ ഉത്തരവ് പിന്തുടരുമെന്നും” താരം ഇൻസ്റ്റാഗ്രാമിൽ ഒരു സന്ദേശം പോസ്റ്റ് ചെയ്തു. 2020 നവംബർ 21 ന് സൂറത്തിൽ വെച്ച് താരം ഇസ്ലാമിക പണ്ഡിതൻ മുഫ്തി അനസ് സയിദിനെ വിവാഹം കഴിച്ചു.
സോഷ്യൽ മീഡിയയിൽ തരാം ഹജ്ജ് നിർവ്വഹിച്ച സന്തോഷമാണ് പങ്കുവെച്ചത്.തന്റെ സന്തോഷം പങ്കുവെയ്ക്കാന് വാക്കുകളില്ലെന്നും അല്ലാഹു ഹജ്ജ് സ്വീകരിക്കട്ടെയെന്നും താരം ഇന്സ്റ്റഗ്രാമില് കുറിച്ചു. ഭര്ത്താവ് അനസ് സെയ്ദിനൊപ്പമാണ് താരം ഹജ്ജിനെത്തിയത്.
” അല്ലാഹുവിന്റെ വീട്ടിലേക്കുള്ള വരവ് സ്വപ്ന സാക്ഷാത്കാരമാണ്. ഓരോരുത്തര്ക്കും അവരവരുടെ ഹജ്ജും ഉംറയും എളുപ്പമാകട്ടെ. അല്ലാഹുവിനോട് ഞാനൊരു പൂവാണു ചോദിച്ചത്. ദൈവം പൂന്തോട്ടം തന്നെ തിരിച്ചുനല്കി. ക്ഷമയും ദൈവ സമര്പ്പണവുമാണ് വേണ്ടത്. ദൈവത്തിന് നന്ദി” എന്നാണ് താരം ഫോട്ടോകൾക്കൊപ്പം കുറിച്ചത്.
Content Highlight: Actress Sana Khan Performs First Hajj, Pictures Go Viral
