---
title: "  'കടുവ', മികച്ച പ്രതികരണങ്ങൾക്ക് നന്ദി  പറഞ്ഞ് പൃഥ്വിരാജ് "
english_title: "'Thanks for the great responses'; Prithviraj on the success of 'kaduva'"
publisher: "moviemax.in"
canonical_url: "https://moviemax.in/news/53746/thanks-for-the-great-responses-prithviraj-on-the-success-of-kaduva"
published_at: "2022-07-08T17:02:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/62c81602067b2_kaduva.jpg"
keywords: []
---

#   'കടുവ', മികച്ച പ്രതികരണങ്ങൾക്ക് നന്ദി  പറഞ്ഞ് പൃഥ്വിരാജ് 

> **Lead Summary:** ഏറെ നാളത്തെ കാത്തിരിപ്പുകൾക്കൊടുവിലാണ് കഴിഞ്ഞ ദിവസം പൃഥ്വിരാജ് ചിത്രം 'കടുവ' തിയറ്ററുകളിൽ എത്തിയത്. നിയമ തടസ്സങ്ങള്‍ മാറി തിയറ്ററിൽ എത്തിയ ഷാജി കൈലാസ് ചിത്രത്തെ പ്രേക്ഷകർ ഇരുകയ്യും നീട്ടി സ്വീകരിച്ചു കഴിഞ്ഞു.

## Article Content

ഏറെ നാളത്തെ കാത്തിരിപ്പുകൾക്കൊടുവിലാണ് കഴിഞ്ഞ ദിവസം പൃഥ്വിരാജ് ചിത്രം 'കടുവ' തിയറ്ററുകളിൽ എത്തിയത്. നിയമ തടസ്സങ്ങള്‍ മാറി തിയറ്ററിൽ എത്തിയ ഷാജി കൈലാസ് ചിത്രത്തെ പ്രേക്ഷകർ ഇരുകയ്യും നീട്ടി സ്വീകരിച്ചു കഴിഞ്ഞു.

'പൃഥ്വിരാജിന്റെ വിളയാട്ടം, ഷാജി കൈലാസ് എന്ന മാസ് സംവിധായകന്റെ മെ​ഗാ മാസ് തിരിച്ചുവരവ്' എന്നൊക്കെയാണ് പ്രതികരണങ്ങൾ. ഈ അവസരത്തിൽ ചിത്രം ഏറ്റെടുത്ത പ്രേക്ഷകരോട് നന്ദി പറയുകയാണ് പൃഥ്വിരാജ്. 'അയാൾ ഓട്ടം നിർത്തി തിരിയുന്ന നിമിഷം വരെ മാത്രമാണ് നീ വേട്ടക്കാരൻ ആകുന്നത്.

ആ നിമിഷം മുതൽ നീ ഇരയാകും. ലഭിക്കുന്ന മികച്ച പ്രതികരണങ്ങൾക്ക് നന്ദി' പൃഥ്വിരാജ് സോഷ്യൽ മീഡിയയിൽ കുറിച്ചു. പിന്നാലെ നിരവധി പേരാണ് താരത്തിന് ആശംസകളുമായി രം​ഗത്തെത്തിയത്. കഴിഞ്ഞ ദിവസം ഷാജി കൈലാസും പ്രേക്ഷകരോട് നന്ദി അറിയിച്ചിരുന്നു.

'നന്ദി....ഒത്തിരി സ്നേഹത്തോടെ.. ആവേശത്തോടെ ഞങ്ങളുടെ കടുവയെ സ്വീകരിച്ച പ്രേക്ഷകർക്ക് നന്ദി.. ഈ സ്നേഹം മുന്നോട്ടുള്ള യാത്രക്കുള്ള ഊർജമായി മാറുന്നു..!', എന്നാണ് ഷാജി കൈലാസ് കുറിച്ചിരുന്നത്.

നീണ്ട ഇടവേളക്ക് ശേഷം ഷാജി കൈലാസ് സംവിധാനം ചെയ്യുന്ന ചിത്രം കൂടിയാണ് കടുവ. പൃഥ്വിരാജ് പ്രൊഡക്ഷന്‍സും ലിസ്റ്റിന്‍ സ്റ്റീഫന്‍റെ മാജിക് ഫ്രെയിംസും ചേര്‍ന്നാണ് നിര്‍മ്മാണം. ആദം ജോണിന്റെ സംവിധായകനും 'ലണ്ടൻ ബ്രിഡ്‍ജ്', 'മാസ്റ്റേഴ്‍സ്' എന്നീ ചിത്രങ്ങളുടെ തിരക്കഥാകൃത്തുമായ ജിനു എബ്രഹാമാണ് 'കടുവ'യുടെയും രചന നിര്‍വ്വഹിച്ചിരിക്കുന്നത്.

### Related Links & Sources
- [Original Story Source](https://moviemax.in/news/53746/thanks-for-the-great-responses-prithviraj-on-the-success-of-kaduva)