---
title: "അവരുടെ പിന്തുണപോലും ലഭിച്ചില്ല; നൂറിനെതിരെ ആരോപണവുമായി  സംവിധായകനും നിര്‍മ്മാതാവും"
english_title: "Now the director and producer have come forward with allegations against Noorin."
publisher: "moviemax.in"
canonical_url: "https://moviemax.in/news/53669/now-the-director-and-producer-have-come-forward-with-allegations-against-noorin"
published_at: "2022-07-08T12:23:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/62c7d58a19e47_noorin_sherif.jpg"
keywords: []
---

# അവരുടെ പിന്തുണപോലും ലഭിച്ചില്ല; നൂറിനെതിരെ ആരോപണവുമായി  സംവിധായകനും നിര്‍മ്മാതാവും

> **Lead Summary:** കേരളത്തിലെ ഒരു ഡാന്‍സ് ട്രൂപ്പിന്റെ കഥ പ്രമേയമാക്കി ജോണ്‍സന്‍ ജോണ്‍ ഫെര്‍ണാണ്ടസ് സംവിധാനത്തില്‍ കഴിഞ്ഞ ദിവസം തീയേറ്ററുകളിലെത്തിയ ചിത്രമാണ് ‘സാന്റാക്രൂസ്’. രാജു ഗോപി ചിറ്റെത്ത് ആണ് ചിത്രം നിര്‍മ്മിച്ചിരിക്കുന്നത്. ഇപ്പോഴിതാ നൂറിനെതിരെ ആരോപണവുമായി രംഗത്തെത്തിയിരിക്കുകയാണ് സംവിധായകനും നിര്‍മ്മാതാവും.

## Article Content

കേരളത്തിലെ ഒരു ഡാന്‍സ് ട്രൂപ്പിന്റെ കഥ പ്രമേയമാക്കി ജോണ്‍സന്‍ ജോണ്‍ ഫെര്‍ണാണ്ടസ് സംവിധാനത്തില്‍ കഴിഞ്ഞ ദിവസം തീയേറ്ററുകളിലെത്തിയ ചിത്രമാണ് ‘സാന്റാക്രൂസ്’. രാജു ഗോപി ചിറ്റെത്ത് ആണ് ചിത്രം നിര്‍മ്മിച്ചിരിക്കുന്നത്. ഇപ്പോഴിതാ നൂറിനെതിരെ ആരോപണവുമായി രംഗത്തെത്തിയിരിക്കുകയാണ് സംവിധായകനും നിര്‍മ്മാതാവും.

നായിക നൂറിന്‍ ഷെരീഫ് പ്രൊമോഷന്‍ ആവശ്യത്തിന് വിളിച്ചപ്പോള്‍ ബുദ്ധിമുട്ടാണെന്ന് പറഞ്ഞു. അവരുടെ പിന്തുണപോലും ലഭിച്ചില്ല. സിനിമയിലെ നടന്മാര്‍ പുതുമുഖങ്ങളായതിനാലാണ് കോളേജുകളിലും മറ്റും പ്രൊമോഷനുവേണ്ടി പോകാനായി അവരെ വിളിച്ചത്. അവര്‍ക്ക് ആത്മാര്‍ത്ഥതയില്ല.

അത് സിനിമയെ ബാധിച്ചു. സിനിമയിലിറങ്ങിയ ഒരു പാട്ട് പങ്കുവെയ്ക്കാന്‍ പോലും പാടിയ ആള്‍ക്കാര്‍ തയ്യാറായില്ല. ഹരിശങ്കര്‍ ഉള്‍പ്പെടെയുള്ളവര്‍ പാട്ട് ഔട്ട്‌റേറ്റഡ് ആണെന്നും ഹിറ്റായ ശേഷം ഷെയര്‍ ചെയ്യാമെന്നുമെന്നൊക്കെ പറഞ്ഞു. സ്വന്തമായി പാടിയ പാട്ട് പങ്കുവെയ്ക്കാന്‍ പോലും അവര്‍ക്ക് പറ്റുന്നില്ല.

നൂറിന്‍ ഷെരീഫൊക്കെ പണം വാങ്ങിയതാണ്. പണം നല്‍കിയതിന് രേഖയുണ്ട്. കേസ് കൊടുക്കാമെന്ന് പലരും പറഞ്ഞു. പക്ഷേ കൊടുത്തിട്ടില്ല. ഒരാളെ ഇങ്ങനെ പറ്റിക്കരുത്. മൂന്ന് കോടി രൂപയോളം മുടക്കിയിട്ടുണ്ട് സിനിമയ്ക്ക്.

എന്നോട് ചോദിച്ചിട്ടാണോ പൈസ മുടക്കിയതെന്നാണ് നടിയോട് ഇപ്പോള്‍ ചോദിച്ചപ്പോള്‍ പറയുന്നത്. സിനിമയുടെ പിആര്‍ഒ വഴിയൊക്കെ നടിയോട് പറഞ്ഞുനോക്കിയിട്ടും പ്രൊമോഷന് വരാന്‍ അവര്‍ തയ്യാറായില്ല,

അജു വര്‍ഗീസ്, മേജര്‍ രവി, ഇന്ദ്രന്‍സ് സോഹന്‍ സീനുലാല്‍ തുടങ്ങി പ്രമുഖ താരങ്ങളോടൊപ്പം തന്നെ പുതുമുഖങ്ങളായ കിരണ്‍ കുമാര്‍, അരുണ്‍ കലാഭവന്‍, അഫ്‌സല്‍ അച്ചല്‍ എന്നിവരും ചിത്രത്തില്‍ മറ്റു കഥാപാത്രങ്ങളെ അവതരിപ്പിക്കുന്നുണ്ട്.

### Related Links & Sources
- [Original Story Source](https://moviemax.in/news/53669/now-the-director-and-producer-have-come-forward-with-allegations-against-noorin)