ബിഗ് ബോസ് സീസൺ (Bigg Boss ) നാലിന്റെ ഗ്രാന്റ് ഫിനാലേക്ക് ഇനി മണിക്കൂറുകൾ മാത്രമാണ് ബാക്കി. ധന്യ, സൂരജ്, ബ്ലെസ്ലി, റിയാസ്, ലക്ഷ്മി പ്രിയ, ദിൽഷ എന്നിവരാണ് ഫൈനൽ സിക്സിൽ എത്തിയിരിക്കുന്നത്. ഇവരിൽ ആരാകും ടൈറ്റിൽ വിന്നറാകുക എന്ന കാത്തിരിപ്പിലും ആകാംക്ഷയിലുമാണ് പ്രേക്ഷക ലക്ഷങ്ങൾ.
തങ്ങളുടെ പ്രിയമത്സരാർത്ഥികൾക്കായി സോഷ്യൽ മീഡിയയിലൂടെ വോട്ട് അഭ്യർത്ഥിക്കുകയാണ് സെലിബ്രിറ്റികളും. ഈ അവസരത്തിന്റെ തന്റെ ഇഷ്ട മത്സരാർത്ഥിക്കായി വോട്ട് അഭ്യർത്ഥിക്കുകയാണ് മുൻ ബിഗ് ബോസ് താരം കൂടിയായ റംസാൻ.
"റി എൻട്രികളുടെയും ഗെയിമുകളുടെയും കണ്ടന്റുകളുടെയും ഇടയിൽ നമ്മുടെ ഇന്റലിജന്റ് പ്ലെയറായ ബ്ലെസ്ലിയെ വോട്ട് ചെയ്ത് വിജയിപ്പിക്കാൻ ആരും മറക്കരുത്", എന്നാണ് റംസാൻ ഇൻസ്റ്റാഗ്രാം സ്റ്റോറിയിൽ പറയുന്നത്.
ബിഗ് ബോസ് സീസൺ നാലിൽ വിജയി ആകാൻ ഏറെ സാധ്യത കൽപ്പിക്കുന്ന മത്സരാർത്ഥിയാണ് ബ്ലെസ്ലി. ഷോ ആരംഭിച്ചത് മുതൽ മറ്റ് മത്സരാർത്ഥികൾക്ക് ശക്തമായ എതിരാളിയായി ബ്ലെസ്ലി മാറിയിരുന്നു. അതുകൊണ്ട് തന്നെ ഫൈനൽ സിക്സിൽ എത്തിയ മത്സരാർത്ഥികളിൽ ഏറ്റവും കൂടുതൽ വോട്ടുള്ളതും ബ്ലെസ്ലിക്കാണെന്നാണ് വിവരം.
നാളെ രാത്രി ഏഴ് മണി മുതലാണ് ബിഗ് ബോസ് സീസൺ നാലിന്റെ ഫിനാലെ. ഇതോടനുബന്ധിച്ച് ഈ സീസണിൽ മുമ്പുണ്ടായിരുന്ന എല്ലാ മത്സരാർത്ഥികളെയും ബിഗ് ബോസ് കഴിഞ്ഞ ദിവസം ഹൗസിൽ എത്തിച്ചിരുന്നു.
പുറത്തെ തങ്ങളുടെ പ്രതിച്ഛായയും ജനപിന്തുണയും എന്താണെന്ന് പുറത്തുനിന്ന് എത്തിയവരില് നിന്ന് അറിയാനാവുമോ എന്ന ആകാംക്ഷയും ഫൈനലിസ്റ്റുകള്ക്ക് ഉണ്ടായിരുന്നു. എന്തായാലും ആരാകും ടൈറ്റിൽ വിന്നറാകുകയെന്ന് കാത്തിരുന്നു കാണേണ്ടിയിരിക്കുന്നു.
Ramzan, who is also a former Bigg Boss star, is requesting votes for his favorite contestant.