---
title: "ആദ്യം എന്റെ മരുമകളായി, ഇപ്പോള്‍ അവള്‍ അമ്മയായി; ആശംസകള്‍ അറിയിച്ച് ഉമ നായര്‍ "
english_title: "Uma Nair congratulates Mridula and Yuva"
publisher: "moviemax.in"
canonical_url: "https://moviemax.in/news/52220/uma-nair-congratulates-mridula-and-yuva"
published_at: "2022-07-01T09:59:00+05:30"
category: "TV"
language: "ml"
image: "https://cf.zdn.im/img/truevisionnews.com/0/image-uploads/62be78402bef5_mrudula.jpg"
keywords: []
---

# ആദ്യം എന്റെ മരുമകളായി, ഇപ്പോള്‍ അവള്‍ അമ്മയായി; ആശംസകള്‍ അറിയിച്ച് ഉമ നായര്‍ 

> **Lead Summary:** സീരിയല്‍ നടി മൃദുല വിജയിയും നടന്‍ യുവകൃഷ്ണയും അവരുടെ ആദ്യ കണ്മണിയെ വരവേല്‍ക്കാന്‍ ഒരുങ്ങുകയാണ്. കഴിഞ്ഞ വര്‍ഷം വിവാഹിതരായ താരങ്ങള്‍ ജീവിതത്തിലെ സന്തോഷങ്ങളെ പറ്റി എന്നും ആരാധകരുമായി പങ്കുവെക്കാറുണ്ട്.

## Article Content

സീരിയല്‍ നടി മൃദുല വിജയിയും നടന്‍ യുവകൃഷ്ണയും അവരുടെ ആദ്യ കണ്മണിയെ വരവേല്‍ക്കാന്‍ ഒരുങ്ങുകയാണ്. കഴിഞ്ഞ വര്‍ഷം വിവാഹിതരായ താരങ്ങള്‍ ജീവിതത്തിലെ സന്തോഷങ്ങളെ പറ്റി എന്നും ആരാധകരുമായി പങ്കുവെക്കാറുണ്ട്.

ഇപ്പോഴിതാ മൃദുലയ്ക്കും കുടുംബത്തിനും ആശംസകള്‍ അറിയിച്ച് കൊണ്ട് എത്തിയിരിക്കുകയാണ് നടി ഉമ നായര്‍. മൃദുലയുടെയും യുവയുടെയും കൂടെ നില്‍ക്കുന്ന ഫോട്ടോയാണ് ഉമ പങ്കുവെച്ചത്. 

മൃദുല ആദ്യമായി അഭിനയിക്കാന്‍ എത്തിയത് തന്റെ കൂടെയാണെന്ന് പറഞ്ഞ ഉമ താരദമ്പതിമാര്‍ക്ക് എല്ലാവിധ ആശംസകളും അറിയിച്ചിരിക്കുകയാണ്. ഇതോടെ മൃദുല അമ്മയായോ എന്ന സംശയം ഉയര്‍ത്തി ആരാധകരും എത്തി. എന്നാല്‍ താരങ്ങളെ കണ്ടതിലുള്ള സന്തോഷം നടി പങ്കുവെച്ചതാണെന്നാണ് അറിയുന്നത്. 

'ആദ്യം എന്റെ മരുമകളായിട്ടാണ് സീരിയലില്‍ തുടങ്ങിയത്. അന്ന് മുതല്‍ കാണുന്നതാണ്. ഇപ്പോള്‍ വലിയ കുട്ടി ആയി. കല്യാണം ആയി, അമ്മയായി. സന്തോഷം, അമ്മക്കും കുഞ്ഞിനും അച്ഛനും എല്ലാ അനുഗ്രഹങ്ങളും ഉണ്ടാകട്ടെ.. ദൈവം അനുഗ്രഹിക്കട്ടെ, ലവ് യൂ..' എന്നാണ് ഉമ നായര്‍ പങ്കുവെച്ച കുറിപ്പില്‍ പറയുന്നത്. പിന്നാലെ നടിയ്ക്ക് നന്ദി പറഞ്ഞ് കൊണ്ട് കമൻ്റുമായി മൃദുലയും എത്തിയിരുന്നു. 

പോസ്റ്റില്‍ അമ്മയായി എന്ന് ഉമ സൂചിപ്പിച്ചതോടെ താരങ്ങള്‍ക്ക് കുഞ്ഞ് പിറന്നോ എന്ന ചോദ്യവും ഉയര്‍ന്ന് വന്നിരുന്നു. എന്നാല്‍ വൈകാതെ കുഞ്ഞതിഥി താരകുടുംബത്തിലേക്ക് എത്തുമെന്നാണ് അറിയുന്നത്. തന്റെ ഗര്‍ഭകാല വിശേഷങ്ങള്‍ മൃദുല തന്നെ ആരാധകരുമായി പങ്കുവെക്കാറുണ്ട്. 

### Related Links & Sources
- [Original Story Source](https://moviemax.in/news/52220/uma-nair-congratulates-mridula-and-yuva)