ലോകേഷ് കനകരാജിന്റെ സംവിധാനത്തിൽ കമൽഹാസൻ നായകനായി എത്തിയ ചിത്രമാണ് വിക്രം. ജൂൺ മൂന്നിന് തിയറ്ററുകളിൽ എത്തിയ ചിത്രം റെക്കോർഡുകൾ ഭേദിച്ച് പ്രദർശനം തുടരുകയാണ്.
ഇപ്പോഴിതാ ലോകേഷ് പങ്കുവെച്ച വീഡിയോയാണ് സമൂഹമാധ്യമങ്ങളിൽ ശ്രദ്ധനേടുന്നത്. വിക്രത്തിന്റെ ലോക്കേഷൻ വീഡിയോയാണ് പുറത്തുവിട്ടിരിക്കുന്നത്.
ക്ലൈമാക്സ് സീക്വൻസ് ചിത്രീകരിക്കുന്നതിനിടെ സെറ്റിൽ പുലർച്ചെ കമൽഹാസൻ പുഷ് അപ്പുകൾ എടുക്കുന്നതാണ് വീഡിയോയിൽ ഉള്ളത്.
തന്റെ ഔദ്യോഗിക ട്വിറ്റർ പേജ് വഴിയാണ് കമൽഹാസന്റെ മാസ്സ് പുഷ് അപ്പ് വീഡിയോ ലോകേഷ് പുറത്ത് വിട്ടിരിക്കുന്നത്. 'വാഗ്ദാനം ചെയ്തപോലെ കമൽഹാസൻ സാറിന്റെ വീഡിയോ ഇതാ.
https://twitter.com/i/status/1541770534454960129
ഇരുപത്തി ആറ് പുഷ് അപ്പുകൾ ചെയ്തു. ആദ്യത്തെ രണ്ടെണ്ണം എനിക്ക് മിസ്സായി. ഗരുഡൻ പറന്നിറങ്ങിക്കഴിഞ്ഞു,' എന്ന കുറിപ്പോടെയാണ് വീഡിയോ ഷെയർ ചെയ്തിരിക്കുന്നത്. വീഡിയോ ഇപ്പോൾ വൈറലാകുകയാണ്.
Content Highlight: Kamal Haasan's mass push ups; Lokesh Kanakaraj with video
