ഷെയ്ന് നിഗം, വിനയ് ഫോർട്ട് എന്നിവരെ പ്രധാന കഥാപാത്രങ്ങളാക്കി ടി കെ രാജീവ്കുമാര് സംവിധാനം ചെയ്യുന്ന ചിത്രം ബര്മുഡയുടെ പുതിയ റിലീസ് തീയതി പ്രഖ്യാപിച്ചു.
ജൂലൈ 29ന് ചിത്രം തിയറ്ററുകളിലെത്തും. ഒരു ടീസറിലൂടെയാണ് പ്രഖ്യാപനം. പെൻ ആൻഡ് പേപ്പർ ക്രിയേഷൻസിൻ്റെ ബാനറിൽ എൻ എം ബാദുഷ, ഷിനോയ് മാത്യു എന്നിവർ ചേർന്നാണ് ചിത്രം തീയേറ്ററുകളിൽ എത്തിക്കുന്നത്.
ബാദുഷ സിനിമാസ്, 24 ഫ്രെയിംസ് എന്നീ ബാനറുകളില് സൂരജ് സി കെ, ബിജു സി ജെ, ബാദുഷ എന് എം, ഷിനോയ് മാത്യു എന്നിവര് ചേര്ന്നാണ് ചിത്രം നിര്മ്മിച്ചിരിക്കുന്നത്. 'കാണാതായതിന്റെ ദുരൂഹത’ എന്ന ടാഗ് ലൈനോടെയെത്തുന്ന ചിത്രം ഹാസ്യത്തിന് പ്രാധാന്യമുള്ള ഒന്നാണ്.
കശ്മീരി നടി ശെയ്ലീ കൃഷ്ണയാണ് ചിത്രത്തിലെ നായിക. നവാഗതനായ കൃഷ്ണദാസ് പങ്കിയാണ് രചന നിര്വ്വഹിച്ചിരിക്കുന്നത്. ബർമുഡയുടെ പുതിയ പോസ്റ്റര് സോഷ്യല് മീഡിയയില് പ്രേക്ഷകശ്രദ്ധ നേടിയിട്ടുണ്ട്.
ഹരീഷ് കണാരന്, സൈജു കുറുപ്പ്, സുധീര് കരമന, മണിയന്പിള്ള രാജു, ഇന്ദ്രന്സ്, സാജൽ സുധര്ശന്, ദിനേഷ് പണിക്കര്, കോട്ടയം നസീര്, ശ്രീകാന്ത് മുരളി, നന്ദു, നിരഞ്ജന അനൂപ്, ഗൗരി നന്ദ, നൂറിന് ഷെറീഫ്, ഷൈനി സാറ തുടങ്ങിയവരാണ് മറ്റു കഥാപാത്രങ്ങളെ അവതരിപ്പിക്കുന്നത്.
അഴകപ്പൻ ആണ് ഛായാഗ്രഹണം. ശ്രീകര് പ്രസാദ് എഡിറ്റിംഗ് നിര്വഹിച്ചിരിക്കുന്ന ചിത്രത്തിൻ്റെ കലാസംവിധാനം ദിലീപ് നാഥ് ആണ്. വിനായക് ശശികുമാർ, ബീയാർ പ്രസാദ് എന്നിവരുടെ വരികൾക്ക് സംഗീതം പകര്ന്നിരിക്കുന്നത് രമേഷ് നാരായണനാണ്.
വസ്ത്രാലങ്കാരം സമീറ സനീഷ്, മേക്കപ്പ് അമല് ചന്ദ്രന്, ചീഫ് അസോസിയേറ്റ് ഡയറക്ടര് രാജേഷ് കെ പാർത്ഥൻ, ഷൈനി ബെഞ്ചമിന്, അസോസിയേറ്റ് ഡയറക്ടര് അഭി കൃഷ്ണ, പ്രൊഡക്ഷന് കണ്ട്രോളര് പ്രതാപന് കല്ലിയൂര്, കൊറിയോഗ്രഫി പ്രസന്ന സുജിത്ത്, പ്രൊഡക്ഷന് എക്സിക്യൂട്ടീവ് ഹര്ഷന് പട്ടാഴി, പ്രൊഡക്ഷന് മാനേജര് നിധിന് ഫ്രെഡി, പിആര്ഒ പി ശിവപ്രസാദ്, സ്റ്റില്സ് പ്രേംലാൽ പട്ടാഴി.
'Bermuda' release date announced