ഡിസംബർ പതിനേഴിനാണ് തെന്നിന്ത്യൽ പ്രേക്ഷകർ ഏറെ ആകാംക്ഷയോടെ കാത്തിരുന്ന അല്ലു അർജുൻ(Allu Arjun) ചിത്രം പുഷ്പയുടെ(Pushpa) ആദ്യഭാഗം തിയറ്ററുകളിൽ എത്തിയത്. മികച്ച പ്രതികരണമായിരുന്നു ചിത്രത്തിന് ലഭിച്ചിരുന്നത്. മലയാളി താരം ഫഹദ് ഫാസിലിന്റെ വില്ലൻ കഥാപാത്രം ഏറെ ശ്രദ്ധനേടിയിരുന്നു.
നിലവിൽ പുഷ്പയുടെ രണ്ടാം ഭാഗത്തിനായുള്ള കാത്തിരിപ്പിലാണ് സിനിമാസ്വാദകർ. ഇപ്പോഴിതാ ഇതുമായി ബന്ധപ്പെട്ട വിവരമാണ് പുറത്തുവരുന്നത്. രണ്ടാം ഭാഗം ''പുഷ്പ: ദി റൂളി'ന്റെ ചിത്രീകരണം ഓഗസ്റ്റില് ആരംഭിക്കുമെന്ന് ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു.
ചിത്രത്തിന്റെ തിരക്കഥ ജോലികള് പുരോഗമിക്കുകയാണ്. സിനിമയുടെ ചിത്രീകരണം ആരംഭിച്ചാല് രണ്ട് മാസത്തിനുള്ളില് തന്നെ തിയേറ്ററുകളില് എത്തിക്കാനാണ് നിര്മ്മാതാക്കള് ലക്ഷ്യമിടുന്നത്. പ്രേക്ഷകര് പ്രതീക്ഷയോടെ കാത്തിരിക്കുന്ന രണ്ടാം ഭാഗത്തിന്റെ നിര്മ്മാണം വൈകുന്നത് ചര്ച്ചകള്ക്ക് വഴിവെച്ചിരുന്നു.
ഇതിന് പിന്നാലെയാണ് ഇപ്പോൾ ഷൂട്ടിംഗ് ആരംഭിക്കാൻ പോകുന്നുവെന്ന വിവരം പുറത്തുവരുന്നത്. നേരത്തെ കെജിഎഫ് 2വിന്റെ വന് വിജയം പുഷ്പയുടെ തിരക്കഥയില് മാറ്റം വരുത്തുന്നുവെന്ന അഭ്യൂഹങ്ങള് ഉണ്ടായിരുന്നു.
Content Highlight: 'Pushpa 2' launches in August, new report
