---
title: "ഒരിക്കല്‍ക്കൂടി മനം കവരാനൊരുങ്ങി  ഇന്ദ്രന്‍സ്"
english_title: "first look getup of film 'station 5' are out"
publisher: "moviemax.in"
canonical_url: "https://moviemax.in/news/4320/first-look-getup-of-film-station-5-are-out"
published_at: "2021-10-09T18:58:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/6161994277fdb_idrans.jpg"
keywords: []
---

# ഒരിക്കല്‍ക്കൂടി മനം കവരാനൊരുങ്ങി  ഇന്ദ്രന്‍സ്

> **Lead Summary:** മലയാളത്തിന്റെ പ്രിയ നടനാണ്‌ ഇന്ദ്രൻസ് .അടുത്തിടെ പുറത്തിറങ്ങിയ 'ഹോം' എന്ന സിനിമയിലൂടെ മലയാളി മനസ്സുകള്‍ കവര്‍ന്ന താരം .വ്യത്യസ്തമായ വേഷങ്ങളിലൂടെ സിനിമാ പ്രേമികളെ വിസ്മയിപ്പിച്ച ഇന്ദ്രന്‍സ് വീണ്ടും പുതിയ രൂപത്തിലും ഭാവത്തിലും വ്യത്യസ്തമായ വേഷത്തില്‍ എത്തുന്ന 'സ്‌റ്റേഷന്‍ 5' പ്രദര്‍ശനത്തിന്. കഴിഞ്ഞ ദിവസം രഞ്ജി പണിക്കർ, ജോയ് മാത്യു, റഫീക് അഹമ്മദ് എന്നിവർ ചേർന്ന് പുറത്തിറക്കിയ ചിത്രത്തിൻ്റെ ടൈറ്റിൽ പോസ്റ്റർ ഏറെ ശ്രദ്ധയാകർഷിച്ചിരുന്നു.

## Article Content

മലയാളത്തിന്റെ പ്രിയ നടനാണ്‌ ഇന്ദ്രൻസ് .അടുത്തിടെ പുറത്തിറങ്ങിയ 'ഹോം' എന്ന സിനിമയിലൂടെ മലയാളി മനസ്സുകള്‍ കവര്‍ന്ന താരം .വ്യത്യസ്തമായ വേഷങ്ങളിലൂടെ സിനിമാ പ്രേമികളെ വിസ്മയിപ്പിച്ച ഇന്ദ്രന്‍സ് വീണ്ടും പുതിയ രൂപത്തിലും ഭാവത്തിലും വ്യത്യസ്തമായ വേഷത്തില്‍ എത്തുന്ന 'സ്‌റ്റേഷന്‍ 5' പ്രദര്‍ശനത്തിന്. കഴിഞ്ഞ ദിവസം രഞ്ജി പണിക്കർ, ജോയ് മാത്യു, റഫീക് അഹമ്മദ് എന്നിവർ ചേർന്ന് പുറത്തിറക്കിയ ചിത്രത്തിൻ്റെ ടൈറ്റിൽ പോസ്റ്റർ ഏറെ ശ്രദ്ധയാകർഷിച്ചിരുന്നു.

വിവാദപരമായ പ്രമേയമാണ് സിനിമയുടെ ഉള്ളടക്കമെന്ന് സൂചന നൽകുന്നതാണ് ടൈറ്റിൽ പോസ്റ്റർ. ഇപ്പോഴിതാ ഇന്ദ്രൻസിൻ്റെ ഗെറ്റപ്പ് സ്റ്റിൽ പുറത്തു വിട്ടിരിക്കയാണ് അണിയറ പ്രവർത്തകര്‍. ചേവമ്പായി എന്ന ശക്തമായ കഥാപാത്രമാണ് ഇന്ദ്രന്‍സ് സിനിമയിൽ അവതരിപ്പിക്കുന്നത്. മാപ് ഫിലിം ഫാക്ടറിയുടെ ബാനറില്‍ ബി.എ. മായ നിർമ്മിച്ച്, പ്രശാന്ത് കാനത്തൂര്‍ സംവിധാനം ചെയ്യുന്ന സ്‌റ്റേഷന്‍ 5 ൽ പ്രധാന കഥാപാത്രത്തെ അവതരിപ്പിക്കുന്നത് പ്രയാണാണ്.

തൊട്ടപ്പന്‍ ഫെയിം പ്രിയംവദ കൃഷ്ണനാണ് നായിക. ഡയാന ഹമീദും ശക്തമായ കഥാപാത്രമായി എത്തുന്നു.സന്തോഷ് കീഴാറ്റൂര്‍, ശിവജി ഗുരുവായൂർ, രാജേഷ് ശര്‍മ്മ, സുനില്‍ സുഖദ, വിനോദ് കോവൂര്‍, ഐ.എം.വിജയന്‍, ദിനേഷ് പണിക്കര്‍, അനൂപ് ചന്ദ്രന്‍, ശിവന്‍ കൃഷ്ണന്‍കുട്ടി നായര്‍, ജെയിംസ് ഏലിയ, മാസ്റ്റര്‍ ഡാവിന്‍ചി, പളനിസാമി, ഷാരിന്‍, ജ്യോതി ചന്ദ്രന്‍, ദേവി കൃഷ്ണ, പ്രിയ ഹരീഷ്, ഗിരീഷ് കാറമേൽ എന്നിങ്ങനെ അഭിനേതാക്കളുടെ വലിയൊരു നിര തന്നെ ചിത്രത്തിലുണ്ട്.

റഫീഖ് അഹമ്മദ്, ഹരിലാല്‍ രാജഗോപാല്‍, പ്രകാശ് മാരാര്‍ എന്നിവരുടെ വരികള്‍ക്ക് സംഗീതം പകര്‍ന്നിരിക്കുന്നതും സംവിധായകന്‍ പ്രശാന്ത് കാനത്തൂരാണ്. കെ.എസ്.ചിത്ര, നഞ്ചമ്മ, വിനോദ് കോവൂര്‍, കീര്‍ത്തന ശബരീഷ്, ശ്രീഹരി എന്നിവരാണ് പാടിയത്. പ്രതാപ് നായര്‍. ഛായാഗ്രഹണവും , ഷലീഷ് ലാല്‍ ചിത്രസംയോജനവും നിർവഹിക്കുന്നു. വാർത്താ വിതരണം സി.കെ.അജയ് കുമാർ.

### Related Links & Sources
- [Original Story Source](https://moviemax.in/news/4320/first-look-getup-of-film-station-5-are-out)