---
title: "പ്രണവിന്റെ സ്ലാക് ലൈൻ വാക്ക്; വീഡിയോ വൈറൽ  "
english_title: "Now Pranav's new video is getting attention."
publisher: "moviemax.in"
canonical_url: "https://moviemax.in/news/43107/now-pranavs-new-video-is-getting-attention"
published_at: "2022-05-16T16:15:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/62822b4f05b38_pranav.jpg"
keywords: []
---

# പ്രണവിന്റെ സ്ലാക് ലൈൻ വാക്ക്; വീഡിയോ വൈറൽ  

> **Lead Summary:** യാത്രകളെ ഏറെ ഇഷ്ടപ്പെടുന്ന യുവതാരങ്ങളിൽ ഒരാളാണ് മോഹൻലാലിന്റെ മകൻ പ്രണവ്. പലപ്പോഴും പ്രണവിന്റെ യാത്രാ വീഡിയോകളും ചിത്രങ്ങളും സമൂഹമാധ്യമങ്ങളിൽ വൈറലാകാറുണ്ട്. ഇപ്പോഴിതാ താരത്തിന്റെ പുതിയൊരു വീഡിയോയാണ് ശ്രദ്ധനേടുന്നത്.

## Article Content

യാത്രകളെ ഏറെ ഇഷ്ടപ്പെടുന്ന യുവതാരങ്ങളിൽ ഒരാളാണ് മോഹൻലാലിന്റെ മകൻ പ്രണവ്. പലപ്പോഴും പ്രണവിന്റെ യാത്രാ വീഡിയോകളും ചിത്രങ്ങളും സമൂഹമാധ്യമങ്ങളിൽ വൈറലാകാറുണ്ട്. ഇപ്പോഴിതാ താരത്തിന്റെ പുതിയൊരു വീഡിയോയാണ് ശ്രദ്ധനേടുന്നത്.

പ്രണവ് തന്നെയാണ് പുതിയ വീഡിയോ ഇൻസ്റ്റാഗ്രാമിൽ ഷെയർ ചെയ്തിരിക്കുന്നത്. സ്ലാക് ലൈൻ വാക്ക് നടത്തുന്ന പ്രണവിനെയാണ് വീഡിയോയിൽ കാണാനാകുക. വളരെ കൃത്യതയോടെ ബാലൻസ് ചെയ്ത് കയറിലൂടെ നടന്നുനീങ്ങുന്ന പ്രണവിനെ വീഡിയോയിൽ ദൃശ്യമാണ്.

**

പോസ്റ്റ് പുറത്തുവന്നതിന് പിന്നാലെ നിരവധി പേരാണ് താരത്തെ അഭിനന്ദിച്ചുകൊണ്ടും കമന്റുകൾ ചെയ്തും രം​ഗത്തെത്തിയത്. ഷെയ്ൻനി​ഗവും പോസ്റ്റിന് കമന്റ് ചെയ്തിട്ടുണ്ട്. 'ഇങ്ങള് പൊളിയാണ് മച്ചാനെ' എന്നാണ് ഒരാളുടെ കമന്റ്. എന്തായാലും വീഡിയോ ഇതിനോടകം സമൂ​ഹമാധ്യമങ്ങളിൽ തരം​ഗമായി കഴിഞ്ഞു.

ടോൺസായിയിലെ മലയിടുക്കിലൂടെ കയറുന്ന പ്രണവിന്റെ വീഡിയോ നേരത്തെ പുറത്തുവന്നിരുന്നു. നേരത്തെയും സാഹസിക യാത്രകൾ നടത്തുന്ന പ്രണവിന്റെ വീഡിയോകളും ചിത്രങ്ങളും പുറത്തുവന്നിട്ടുണ്ട്.

[https://www.instagram.com/pranavmohanlal/?utm_source=ig_embed&ig_rid=527f2d77-b834-420d-a118-3e2e405d1bb3**](https://www.instagram.com/pranavmohanlal/?utm_source=ig_embed&ig_rid=527f2d77-b834-420d-a118-3e2e405d1bb3)

ഹിമാലയൻ വഴികളിലൂടെ ഒരു ബാ​ഗും തോളിൽ തൂക്കി യാത്രകൾ നടത്തുന്ന പ്രണവിനെ ഇരുകയ്യും നീട്ടിയാണ് പ്രേക്ഷകർ സ്വീകരിച്ചത്.

### Related Links & Sources
- [Original Story Source](https://moviemax.in/news/43107/now-pranavs-new-video-is-getting-attention)