മലയാളത്തില് സജീവമല്ലെങ്കിലും അന്യഭാഷ ചിത്രങ്ങളിലുടെ പ്രേക്ഷകരിലേക്ക് എത്തുകയാണ് നടി ഭാവന . ഭജ്രംഗി 2 എന്ന ചിത്രമാണ് ഭാവനയുടേതായി ഉടൻ റിലീസ് ചെയ്യാനുള്ളത്. ഭജ്രംഗി 2 എന്ന ചിത്രത്തിന്റെ ഫോട്ടോകള് ഓണ്ലൈനില് തരംഗമായിരുന്നു. ഇപ്പോഴിതാ ഭജ്രംഗി 2 ചിത്രത്തിലെ ഭാവനയുടെ കഥാപാത്രത്തെ അവതരിപ്പിച്ചുള്ള പോസ്റ്റര് പുറത്തുവിട്ട് റിലീസ് തിയ്യതിയും അറിയിച്ചിരിക്കുന്നു.
കന്നഡയിലാണ് ഭജ്രംഗി 2 ചിത്രം എത്തുന്നത്. 2013ല് റിലീസ് ചെയ്ത ചിത്രമായ ഭജ്രംഗിയുടെ രണ്ടാം ഭാഗമാണ് ഇത്. ശിവ രാജ്കുമാറാണ് ചിത്രത്തില് നായകനായി എത്തുന്നത്. ഭാവന കരുത്തുറ്റ കഥാപാത്രമായിട്ടുള്ള ചിത്രം ഒക്ടോബര് 29ന് തിയറ്ററുകളില് റിലീസ് ചെയ്യും. ജയണ്ണയാണ് ഭജ്രംഗി 2 ചിത്രം നിര്മിക്കുന്നത്. എ ഹര്ഷ ആണ് ചിത്രം തിരക്കഥയെഴുതി സംവിധാനം ചെയ്യുന്നത്. സ്വാമി ജെ ആണ് ചിത്രത്തിന്റെ ഛായാഗ്രാഹകൻ.
ഭജ്രംഗി 2 എന്ന ചിത്രത്തിന്റെ സംഗീത സംവിധാനം നിര്വഹിക്കുന്നത് അരുണ് ജന്യ ആണ്. ശിവ രാജ്കുമാറിനും ഭാവനയ്ക്കുമൊപ്പം ചിത്രത്തില് ശ്രുതി, സൗരവ് ലോകേഷ്, ശിവ്രാജ് കെ ആര് തുടങ്ങിവരും അഭിനയിക്കുന്നു. ഭജ്രംഗി 2 എന്ന ചിത്രത്തിന്റെ ടീസര് പുറത്തുവിട്ടപ്പോള് തന്നെ കരുത്തുറ്റ കഥാപാത്രമായിരിക്കും ഭാവനയുടേത് എന്ന് വ്യക്തമായിരുന്നു. എന്തായാലും ഭജ്രംഗി 2 എന്ന ചിത്രം ഭാവനയ്ക്ക് ഏറെ പ്രതീക്ഷകള് നല്കുന്നതുമാണ്.
Content Highlight: The poster announcing the release date of Bhajrangi 2 has been released
