---
title: "വിജയ് ബാബുവിന് അറസ്റ്റ് വാറണ്ട്"
english_title: "Arrest warrant issued for Vijay Babu"
publisher: "moviemax.in"
canonical_url: "https://moviemax.in/news/41397/arrest-warrant-issued-for-vijay-babu"
published_at: "2022-05-07T22:24:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/6276a4d1abe8c_VIJAY BABU.jpg"
keywords: []
---

# വിജയ് ബാബുവിന് അറസ്റ്റ് വാറണ്ട്

> **Lead Summary:** നടിയെ പീഡിപ്പിച്ച കേസില്‍ പൊലീസ് അന്വേഷിക്കുന്ന വിജയ്ബാബുവിനെതിരെ അറസ്റ്റ് വാറണ്ട് പുറപ്പെടുവിച്ചു. വിജയ് ബാബു ദുബായിയില്‍ ഒളിവില്‍ കഴിയുകയാണ് എന്ന വിവരത്തിന്റെ അടിസ്ഥാനത്തില്‍ അവിടെ തിരിച്ചില്‍ നടത്തുകയാണ്.

## Article Content

നടിയെ പീഡിപ്പിച്ച കേസില്‍ പൊലീസ് അന്വേഷിക്കുന്ന വിജയ്ബാബുവിനെതിരെ അറസ്റ്റ് വാറണ്ട് പുറപ്പെടുവിച്ചു. വിജയ് ബാബു ദുബായിയില്‍ ഒളിവില്‍ കഴിയുകയാണ് എന്ന വിവരത്തിന്റെ അടിസ്ഥാനത്തില്‍ അവിടെ തിരിച്ചില്‍ നടത്തുകയാണ്.

ദുബൈയിലെ വിലാസം കണ്ടെത്തിയാല്‍ ഉടന്‍ റെഡ് കോര്‍ണര്‍ നോട്ടീസ് പുറപ്പെടുവിക്കുമെന്ന് കൊച്ചി സിറ്റി പൊലീസ് കമീഷണര്‍ സി.എച്ച്. നാഗരാജു പറഞ്ഞു. പ്രതി താമസിക്കുന്ന രാജ്യത്തോട് അയാളെ താല്‍ക്കാലികമായി അറസ്റ്റ് ചെയ്യാനുള്ള അഭ്യര്‍ഥനയാണ് റെഡ് കോര്‍ണര്‍ നോട്ടീസ്.

ഇയാളെ നാട്ടിലെത്തിക്കാന്‍ സിറ്റി പൊലീസ് ഇന്റര്‍പോളിന്റെ സഹായം തേടിയിരുന്നു. ഇതിന്റെ അടിസ്ഥാനത്തില്‍ കഴിഞ്ഞ ആഴ്ച ബ്ലൂകോര്‍ണര്‍ നോട്ടീസും പുറപ്പെടുവിച്ചു. ഇയാള്‍ക്ക് സിറ്റി പൊലീസ് ഇ-മെയിലില്‍ നോട്ടീസ് നല്‍കിയിരുന്നെങ്കിലും കീഴടങ്ങാന്‍ തയാറായില്ല.

പകരം കൂടുതല്‍ സമയം ആവശ്യപ്പെടുകയായിരുന്നു. ഈ മാസം 19ന് ഹാജരാകാമെന്നായിരുന്നു നോട്ടീസിന് വിജയ് ബാബുവിന്റെ രേഖാമൂലമുള്ള മറുപടി.

18ന് മധ്യവേനലവധിക്കുശേഷമേ ഹൈകോടതി വിജയ് ബാബുവിന്റെ മുന്‍കൂര്‍ ജാമ്യഹരജി പരിഗണിക്കൂ. ഹരജിയില്‍ തീരുമാനം വരാന്‍ പിന്നെയും സമയമെടുക്കുമെന്നതിനാല്‍ 19ന് വിജയ് ബാബു എത്തുമെന്ന് അന്വേഷണസംഘത്തിന് പ്രതീക്ഷയില്ല.

### Related Links & Sources
- [Original Story Source](https://moviemax.in/news/41397/arrest-warrant-issued-for-vijay-babu)