നേരത്തെ സംവിധായകന് സനല് കുമാര് ശശിധരന് സോഷ്യല് മീഡിയ വഴി പങ്കുവെച്ച ഒരു പോസ്റ്റ് ശ്രദ്ധിക്കപ്പെട്ടിരുന്നു. നടി മഞ്ജുവാര്യരുടെ ജീവന് ആപത്തുണ്ട് എന്നാണ് സനല്കുമാര് ശശിധരന് പങ്കുവെച്ച പോസ്റ്റില് പറഞ്ഞത്. എന്നാല് ഇത് ആരും അത്ര കാര്യമായി എടുത്തിട്ടില്ല.
ഇപ്പോഴിതാ സനല് മറ്റൊരു പോസ്റ്റ് പങ്കുവെച്ചാണ് എത്തിയിരിക്കുന്നത്. മഞ്ജുവിന്റെ ഒരു ഫോട്ടോ പങ്കുവെച്ചാണ് നടിയുടെ ജീവന് അപകടത്തിലാണ് എന്ന് വീണ്ടും സനല് കുമാര് പറയുന്നത്.
അതീവ ഗുരുതരം; നടിയുടെ ജീവന് അപകടത്തിലാണ് എന്ന് പറഞ്ഞ് കൊണ്ടാണ് സനല് കുമാര് ശശിധരന്റെ ഏറ്റവും ഒടുവിലത്തെ ഇന്സ്റ്റഗ്രാം പോസ്റ്റ്. കയറ്റം സിനിമയിലെ മഞ്ജു വാര്യരുടെ മനോഹരമായ ചിത്രത്തിനൊപ്പമാണ് പോസ്റ്റ് പങ്കുവച്ചിരിയ്ക്കുന്നത്.
മഞ്ജു വാര്യരുടെ മൗനം എന്റെ സംശയത്തെ ബലപ്പെടുത്തുന്നു. മലയാള സിനിമയിലെ ലിംഗസമത്വത്തിനായി പ്രവര്ത്തിക്കുന്ന ഡബ്ല്യു സി സി എന്ന സംഘടനയിലേക്ക് ഇന്നലെ ഞാന് ഒരു ഇമെയില് അയച്ചു. അവരും ഇക്കാര്യത്തില് മൗനം പാലിക്കുകയാണ്. ഇന്ന് സോഷ്യല് മീഡിയയില് ഞാന് ഇത് പറയുമ്പോള്, വളരെ ഗൗരവമുള്ള ഈ വിഷയം തമാശയായി കാണാന് പലരും ശ്രമിക്കുന്നു.
മലയാളത്തിലെ പ്രശസ്ത നടി മഞ്ജു വാര്യരുടെ ജീവന് അപകടത്തിലാണെന്നും അവര് ചില നിക്ഷിപ്ത താല്പര്യമുള്ളവരുടെ കസ്റ്റഡിയിലാണെന്നും സോഷ്യല് മീഡിയയില് പോസ്റ്റ് ചെയ്തിട്ട് നാല് ദിവസമായി.
അവളുടെ മാനേജര്മാരായ ബിനീഷ് ചന്ദ്രന്റെയും ബിനു നായരുടെയും പേരുകളും, അവള് തടങ്കലില് ആണെന്ന് ഞാന് വിശ്വസിക്കുന്നതിന്റെ കാരണങ്ങളും ഞാന് പോസ്റ്റ് ചെയ്തു. എന്നാല് ഇതുവരെ മഞ്ജു വാര്യരോ ബന്ധപ്പെട്ടവരോ പ്രതികരിച്ചിട്ടില്ല.
കേരളത്തിലെ മുഖ്യധാരാ മാധ്യമങ്ങള് ഈ വിഷയം കണ്ടില്ലെന്ന് നടിക്കാന് ശ്രമിക്കുന്നത് ഭയപ്പെടുത്തുന്നതാണ്. ഞാന് ഉന്നയിച്ച വിഷയം ദേശീയ തലത്തില് ശ്രദ്ധിക്കപ്പെട്ട ഒരു സിനിമാ നടിയുടെ ജീവിതവും സ്വാതന്ത്ര്യവും സംബന്ധിച്ച വിഷയമായതിനാല് ദേശീയ മാധ്യമങ്ങള് ഈ വിഷയം ഗൗരവമായി എടുക്കണമെന്ന് ഞാന് ആഗ്രഹിക്കുന്നു- സനല് കുമാര് ശശിധരന് എഴുതി.
Content Highlight: Manju's life is in danger; Sanal Kumar Sasidharan
