---
title: "'ധനുഷിന്റെ കൈകളിൽ മുറിവേറ്റു, എനിക്ക് ആത്മവിശ്വാസവും നഷ്ടമായി'; 'റൗഡി ബേബി' ഷൂട്ടിങ്ങിലെ അനുഭവങ്ങൾ വെളിപ്പെടുത്തി സായ് പല്ലവി"
english_title: "Sai Pallavi Says Rowdy Baby Shoot Was Stressful, Dhanush Injured"
publisher: "moviemax.in"
canonical_url: "https://moviemax.in/news/392344/sai-pallavi-rowdy-baby-shoot-stressful"
published_at: "2026-11-19T20:32:00+05:30"
category: "Kollywood"
language: "ml"
image: "https://cf.zdn.im/img/truevisionnews.com/0/image-uploads/6aff10c955293_sai-pallavi-rowdy-baby-shoot-stressful.jpg"
keywords: ["SaiPallavi", "RowdyBaby", "Dhanush", "Maari2", "PrabhuDeva"]
---

# 'ധനുഷിന്റെ കൈകളിൽ മുറിവേറ്റു, എനിക്ക് ആത്മവിശ്വാസവും നഷ്ടമായി'; 'റൗഡി ബേബി' ഷൂട്ടിങ്ങിലെ അനുഭവങ്ങൾ വെളിപ്പെടുത്തി സായ് പല്ലവി

> **Lead Summary:** ധനുഷും സായ് പല്ലവിയും ഒന്നിച്ച ‘റൗഡി ബേബി’ ഇന്നും ആരാധകരുടെ പ്രിയഗാനമാണ്. എന്നാൽ ആ സൂപ്പർഹിറ്റ് ഗാനം ചിത്രീകരിച്ചത് തനിക്ക് വളരെ സമ്മർദം നിറഞ്ഞ അനുഭവമായിരുന്നുവെന്ന് സായ് പല്ലവി തുറന്നു പറഞ്ഞു.

## Article Content

ധനുഷും സായ് പല്ലവിയും ഒന്നിച്ച ‘റൗഡി ബേബി’ ഇന്നും ആരാധകരുടെ പ്രിയഗാനമാണ്. എന്നാൽ ആ സൂപ്പർഹിറ്റ് ഗാനം ചിത്രീകരിച്ചത് തനിക്ക് വളരെ സമ്മർദം നിറഞ്ഞ അനുഭവമായിരുന്നുവെന്ന് സായ് പല്ലവി തുറന്നു പറഞ്ഞു.

‘ഓം’ സിനിമയുടെ പ്രമോഷന്റെ ഭാഗമായി ബിഹൈൻഡ്‌വുഡ്‌സ് തമിഴിന് നൽകിയ അഭിമുഖത്തിലാണ് നടി ഇക്കാര്യം പറഞ്ഞത്. ‘മാരി 2’യിലെ ആ ഗാനരംഗം പ്രേക്ഷകർക്ക് ആഘോഷമായിരുന്നെങ്കിലും, ഷൂട്ടിങ് സമയത്ത് തനിക്ക് അത് വെല്ലുവിളിയായിരുന്നുവെന്നാണ് സായ് പല്ലവി പറയുന്നത്. പ്രതീക്ഷിക്കാത്ത രീതിയിൽ കൊറിയോഗ്രഫിയിൽ മാറ്റങ്ങൾ വന്നതും തുടർച്ചയായ ടേക്കുകളും ആത്മവിശ്വാസത്തെ ബാധിച്ചുവെന്നും അവർ പറഞ്ഞു.

ആദ്യം വളരെ ലളിതമായ ചുവടുകളായിരിക്കും ചെയ്യേണ്ടിവരിക എന്നാണ് കരുതിയതെന്ന് സായ് പല്ലവി ഓർത്തു. ധനുഷ് അങ്ങനെ തന്നോട് പറഞ്ഞതായും അവർ പറഞ്ഞു. പ്രഭുദേവയുടെ നേതൃത്വത്തിൽ മൂന്നോ നാലോ റിഹേഴ്‌സലുകളും നടത്തി. എന്നാൽ സെറ്റിലെത്തിയപ്പോൾ ആ സ്ഥലത്തിന് അനുയോജ്യമല്ലെന്ന് പറഞ്ഞ് നേരത്തെ പരിശീലിച്ച ചുവടുകൾ മാറ്റി.

> അതിനുശേഷം സമ്മർദം കൂടി. രണ്ടും മൂന്നും ടേക്കുകൾ കഴിഞ്ഞപ്പോൾ തന്നെ തനിക്ക് ചെയ്യാനാകുമോ എന്ന സംശയം തോന്നിത്തുടങ്ങിയതായും സായ് പല്ലവി പറഞ്ഞു. “ഞാൻ കാണാതിരിക്കാൻ ഒളിച്ചിരുന്നൊക്കെയാണ് പ്രഭുദേവ സർ കൊറിയോഗ്രഫി ചെയ്തതെന്നും” അവർ കൂട്ടിച്ചേർത്തു.

ഗാനരംഗത്തിനിടെ മറ്റൊരു സംഭവവും ഉണ്ടായതായി നടി വെളിപ്പെടുത്തി. ഒരു പ്രത്യേക ചുവടിൽ തന്നെ കറക്കുമ്പോൾ താൻ ധരിച്ചിരുന്ന വസ്ത്രത്തിലെ സീക്വിൻസ് ധനുഷിന്റെ കൈകളിൽ മുറിവേൽപ്പിച്ചുവെന്നാണ് സായ് പല്ലവി പറഞ്ഞത്. ചിത്രീകരണം എത്രത്തോളം ബുദ്ധിമുട്ടായിരുന്നുവെന്ന് വ്യക്തമാക്കുന്ന അനുഭവങ്ങളാണിതെന്ന് അവർ പറഞ്ഞു.

എന്നാൽ ഈ സമ്മർദങ്ങൾക്കിടയിലും ‘റൗഡി ബേബി’ പിന്നീട് വലിയ വിജയമായി. നൂറുകോടിയിലേറെ കാഴ്ചകൾ നേടിയ ഗാനത്തിന് സായ് പല്ലവിയുടെ ഊർജസ്വലമായ നൃത്തച്ചുവടുകൾ വലിയ കൈയടി നേടി. സ്വാഭാവികമായ നൃത്തശൈലിയാണ് ഗാനത്തെ പ്രേക്ഷകരുടെ പ്രിയപ്പെട്ടതാക്കിയത്.

Sai Pallavi has revealed that filming the hit song 'Rowdy Baby' from 'Maari 2' was far more stressful than audiences realized. She said last-minute choreography changes, repeated takes, and an on-set mishap that injured Dhanush’s hand affected her confidence during the shoot.

### Related Links & Sources
- [Original Story Source](https://moviemax.in/news/392344/sai-pallavi-rowdy-baby-shoot-stressful)