---
title: "ആരം: സൈജു കുറുപ്പിന്റെ പ്രകടനം ശ്രദ്ധേയമായി"
english_title: "‘Aaram’: Saiju Kurup's Performance Captivates Audiences"
publisher: "moviemax.in"
canonical_url: "https://moviemax.in/news/384946/aaram-saiju-kurup-performance"
published_at: "2026-10-01T09:40:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/6abdde381a73f_aaram-movie-review-saiju-kurup.jpg"
keywords: ["Aaram", "SaijuKurup", "CrimeThriller", "MalayalamCinema", "MovieReview"]
---

# ആരം: സൈജു കുറുപ്പിന്റെ പ്രകടനം ശ്രദ്ധേയമായി

> **Lead Summary:** സെപ്റ്റംബർ 25ന് ലോകമെമ്പാടുമുള്ള തിയേറ്ററുകളിൽ റിലീസ് ചെയ്ത ക്രൈം ഇൻവെസ്റ്റിഗേഷൻ ത്രില്ലർ ‘ആരം’ മികച്ച പ്രതികരണവുമായി പ്രദർശനം തുടരുന്നു. സൈജു കുറുപ്പിനെ കേന്ദ്ര കഥാപാത്രമാക്കി രജീഷ് പരമേശ്വരൻ സംവിധാനം ചെയ്ത ചിത്രത്തിന്റെ അവതരണവും അപ്രതീക്ഷിതമായ വഴിത്തിരിവുകളുമാണ് ശ്രദ്ധ നേടുന്നത്.

## Article Content

സെപ്റ്റംബർ 25ന് ലോകമെമ്പാടുമുള്ള തിയേറ്ററുകളിൽ റിലീസ് ചെയ്ത ക്രൈം ഇൻവെസ്റ്റിഗേഷൻ ത്രില്ലർ ‘ആരം’ മികച്ച പ്രതികരണവുമായി പ്രദർശനം തുടരുന്നു. സൈജു കുറുപ്പിനെ കേന്ദ്ര കഥാപാത്രമാക്കി രജീഷ് പരമേശ്വരൻ സംവിധാനം ചെയ്ത ചിത്രത്തിന്റെ അവതരണവും അപ്രതീക്ഷിതമായ വഴിത്തിരിവുകളുമാണ് ശ്രദ്ധ നേടുന്നത്.

ഒരു മരണത്തെ ചുറ്റിപ്പറ്റിയുള്ള അന്വേഷണമാണ് ചിത്രത്തിന്റെ പ്രമേയം. അന്വേഷണത്തിനൊപ്പം പ്രേക്ഷകരെയും മുന്നോട്ട് കൊണ്ടുപോകുന്ന കഥപറച്ചിലും രണ്ടാം പകുതിയിലെ ട്വിസ്റ്റുകളും ക്ലൈമാക്സുമാണ് ചിത്രത്തെ ആദ്യാവസാനം ആകാംക്ഷയോടെ കാണാൻ സഹായിക്കുന്നതെന്നാണ് നിരൂപണത്തിൽ പറയുന്നത്. അനാവശ്യ രംഗങ്ങളിലേക്ക് നീങ്ങാതെ കഥയുടെ സംഘർഷങ്ങളിൽ തന്നെ ശ്രദ്ധ കേന്ദ്രീകരിക്കുന്ന അവതരണവും പ്രശംസിക്കപ്പെടുന്നു.

പോലീസ് ഉദ്യോഗസ്ഥന്റെ വേഷത്തിൽ സൈജു കുറുപ്പ് അവതരിപ്പിച്ച സ്വാഭാവിക പ്രകടനമാണ് ചിത്രത്തിന്റെ പ്രധാന ആകർഷണങ്ങളിലൊന്ന്. അന്വേഷണ ഉദ്യോഗസ്ഥന്റെ ഔദ്യോഗിക ജീവിതത്തിനൊപ്പം വ്യക്തിജീവിതത്തിലെ സംഘർഷങ്ങളും ചിത്രത്തിൽ അവതരിപ്പിക്കുന്നുണ്ട്. ഈ കഥാപാത്രത്തിന് സൈജു കുറുപ്പ് വൈകാരികമായ ആഴം നൽകുന്നുവെന്നാണ് വിലയിരുത്തൽ.

അസ്കർ അലി, സിദ്ധിഖ്, അഞ്ജു കുര്യൻ, സുധീഷ്, മനോജ് കെ.യു., ഷഹീൻ സിദ്ദിഖ് എന്നിവരുടെ പ്രകടനങ്ങളും ശ്രദ്ധ നേടുന്നു. ചിത്രത്തിന്റെ തിരക്കഥ ഒരുക്കിയിരിക്കുന്നത് വിഷ്ണു രാമചന്ദ്രനാണ്.

ജിത്തു ദാമോദറാണ് ഛായാഗ്രഹണം നിർവഹിച്ചിരിക്കുന്നത്. വി. സാജനാണ് എഡിറ്റിംഗ് നിർവഹിച്ചത്. രോഹിത് ഗോപാലകൃഷ്ണനാണ് സംഗീതം ഒരുക്കിയത്. ഇവ ചിത്രത്തിന്റെ ത്രില്ലർ സ്വഭാവത്തിനും അന്തരീക്ഷത്തിനും കരുത്തേകുന്നതായാണ് വിലയിരുത്തൽ.

ഗുഡ് ഹോപ് പ്രൊഡക്ഷൻ ആൻഡ് ഡിസ്ട്രിബ്യൂഷന്റെ ബാനറിൽ ഡോ. ജുനൈസ് ബാബു ഗുഡ് ഹോപ് ആണ് ചിത്രം നിർമ്മിച്ചത്. റോവാൻ എന്റർടെയ്ൻമെന്റ്സും ഗുഡ് ഫെല്ലാസും ചേർന്നാണ് ചിത്രം വിതരണം ചെയ്യുന്നത്. ‘ആരം’ നിലവിൽ തിയേറ്ററുകളിൽ പ്രദർശനം തുടരുകയാണ്.

ചിത്രത്തിന്റെ ഡിജിറ്റൽ: ജാങ്കോ സ്പേസ്. മാർക്കറ്റിംഗ് ആൻഡ് അഡ്വർടൈസിംഗ്: ബ്രിങ്ഫോർത്ത്. പി.ആർ.ഒ: ഐശ്വര്യ രാജ്.

### Related Links & Sources
- [Original Story Source](https://moviemax.in/news/384946/aaram-saiju-kurup-performance)