---
title: "അഞ്ച് പതിറ്റാണ്ടിന്റെ സിനിമാ ജീവിതത്തിന് ആദരം! അനന്ത് നാഗിന് ദാദാസാഹേബ് ഫാൽക്കെ പുരസ്കാരം"
english_title: "Veteran Actor Anant Nag Conferred Dadasaheb Phalke Award 2024"
publisher: "moviemax.in"
canonical_url: "https://moviemax.in/news/382979/anant-nag-dadasaheb-phalke-award-2024-announced"
published_at: "2026-09-16T19:54:00+05:30"
category: "Kollywood"
language: "ml"
image: "https://cf.zdn.im/img/truevisionnews.com/0/image-uploads/6aaaa6e505c7d_anant-nag-dadasaheb-phalke-award-2024-announced.jpg"
keywords: ["Anant Nag", "Dadasaheb Phalke Award 2024", "National Film Awards"]
---

# അഞ്ച് പതിറ്റാണ്ടിന്റെ സിനിമാ ജീവിതത്തിന് ആദരം! അനന്ത് നാഗിന് ദാദാസാഹേബ് ഫാൽക്കെ പുരസ്കാരം

> **Lead Summary:** ** ഇന്ത്യൻ** ചലച്ചിത്ര ലോകത്തിന് നൽകിയ സമഗ്ര സംഭാവനകൾ പരിഗണിച്ച് പ്രശസ്ത കന്നഡ നടൻ അനന്ത് നാഗിന് 2024-ലെ ദാദാസാഹേബ് ഫാൽക്കെ അവാർഡ് പ്രഖ്യാപിച്ചു. സെപ്റ്റംബർ 22-ന് ഗുജറാത്തിലെ ഏക്താ നഗറിൽ നടക്കുന്ന 72-ാമത് ദേശീയ ചലച്ചിത്ര അവാർഡ് ദാന ചടങ്ങിൽ വെച്ച് കേന്ദ്ര സർക്കാർ പുരസ്കാരം സമ്മാനിക്കും.

## Article Content

** ഇന്ത്യൻ** ചലച്ചിത്ര ലോകത്തിന് നൽകിയ സമഗ്ര സംഭാവനകൾ പരിഗണിച്ച് പ്രശസ്ത കന്നഡ നടൻ അനന്ത് നാഗിന് 2024-ലെ ദാദാസാഹേബ് ഫാൽക്കെ അവാർഡ് പ്രഖ്യാപിച്ചു. സെപ്റ്റംബർ 22-ന് ഗുജറാത്തിലെ ഏക്താ നഗറിൽ നടക്കുന്ന 72-ാമത് ദേശീയ ചലച്ചിത്ര അവാർഡ് ദാന ചടങ്ങിൽ വെച്ച് കേന്ദ്ര സർക്കാർ പുരസ്കാരം സമ്മാനിക്കും.

രാജ്യത്തെ ഏറ്റവും ഉയർന്ന ചലച്ചിത്ര പുരസ്കാരം നേടിയ അനന്ത് നാഗിനെ പ്രധാനമന്ത്രി നരേന്ദ്ര മോദി അഭിനന്ദിച്ചു. 1948 സെപ്റ്റംബർ 4-ന് ജനിച്ച അനന്ത് നാഗർകട്ടെ എന്ന അനന്ത് നാഗ് കന്നഡ സിനിമയിലെ ഏറ്റവും പ്രശസ്തരും ജനപ്രിയരുമായ അഭിനേതാക്കളിൽ ഒരാളാണ്. അഞ്ച് പതിറ്റാണ്ടിലേറെ നീണ്ട അഭിനയ ജീവിതത്തിൽ 250-ലധികം കന്നഡ ചിത്രങ്ങൾ ഉൾപ്പെടെ 300-ലധികം സിനിമകളിൽ അദ്ദേഹം വേഷമിട്ടിട്ടുണ്ട്.

കന്നഡയ്ക്ക് പുറമേ ഹിന്ദി, തെലുങ്ക്, തമിഴ്, മറാത്തി, മലയാളം, ഇംഗ്ലീഷ് തുടങ്ങിയ ഭാഷകളിലും തന്റെ സാന്നിധ്യം അറിയിച്ചു. സിനിമകൾക്ക് പുറമേ ടെലിവിഷൻ രംഗത്തും അദ്ദേഹം ശ്രദ്ധേയമായ മുദ്ര പതിപ്പിച്ചിട്ടുണ്ട്. പ്രശസ്ത എഴുത്തുകാരൻ ആർ.കെ. നാരായണന്റെ കഥകളെ ആസ്പദമാക്കി നിർമിച്ച ജനപ്രിയ ദൂരദർശൻ പരമ്പരയായ 'മാൽഗുഡി ഡേയ്സിൽ' അനന്ത് നാഗ് അവതരിപ്പിച്ച കഥാപാത്രങ്ങൾ ഏറെ പ്രശംസ നേടിയിരുന്നു.

അഞ്ച് തവണ കർണാടക സംസ്ഥാന ചലച്ചിത്ര അവാർഡും അഞ്ച് തവണ ഫിലിംഫെയർ അവാർഡും നേടിയിട്ടുള്ള അദ്ദേഹത്തെ 2025-ൽ രാജ്യം പത്മഭൂഷൺ ബഹുമതി നൽകി ആദരിച്ചു. ജനപ്രതിനിധിയായും മന്ത്രിയായും പൊതുരംഗത്തും പ്രവർത്തിച്ച അദ്ദേഹം ഇന്ത്യൻ സിനിമയിലെ ഏറ്റവും മികച്ച പ്രതിഭകളിൽ ഒരാളായാണ് അറിയപ്പെടുന്നത്.

** English Summary:**

Veteran Indian actor Anant Nag has been named the recipient of the prestigious Dadasaheb Phalke Award for the year 2024 for his invaluable contributions to Indian cinema. The award will be presented at the 72nd National Film Awards ceremony scheduled for September 22 in Kevadia, Gujarat. Born in 1948, Anant Nag has acted in over 300 films across Kannada, Hindi, Malayalam, and other Indian languages. Prime Minister Narendra Modi congratulated the Padma Bhushan recipient, hailing his versatility and iconic roles in landmark cinema and television classics like Malgudi Days.

### Related Links & Sources
- [Original Story Source](https://moviemax.in/news/382979/anant-nag-dadasaheb-phalke-award-2024-announced)