---
title: "'തടവിൽ കഴിയുന്ന മഞ്ജുവിനെ കാണാൻ പോയി, തോക്കിൻമുനയിൽ ഇരിക്കുന്ന മഞ്ജുവിനെ കണ്ട് എല്ലാവരും ഞെട്ടി'; കുറിപ്പ് പങ്കുവച്ച് സഹോദരൻ മധു വാര്യർ"
english_title: "Madhu Warrier Sarcastic Post Against Sanal Kumar Sasidharan Manju Warrier Controversy"
publisher: "moviemax.in"
canonical_url: "https://moviemax.in/news/382828/madhu-warrier-sarcastic-reply-to-sanal-kumar-sasidharan-manju-warrier"
published_at: "2026-09-15T23:00:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/6aa981a4b2af2_madhu-warrier-sarcastic-reply-to-sanal-kumar-sasidharan-manju-warrier.jpg"
keywords: ["Madhu Warrier", "Manju Warrier", "Sanal Kumar Sasidharan"]
---

# 'തടവിൽ കഴിയുന്ന മഞ്ജുവിനെ കാണാൻ പോയി, തോക്കിൻമുനയിൽ ഇരിക്കുന്ന മഞ്ജുവിനെ കണ്ട് എല്ലാവരും ഞെട്ടി'; കുറിപ്പ് പങ്കുവച്ച് സഹോദരൻ മധു വാര്യർ

> **Lead Summary:** ** നടി** മഞ്ജു വാര്യർ തടവിലാണെന്ന ആരോപണവുമായി സെക്രട്ടേറിയറ്റിന് മുന്നിൽ സമരം ചെയ്യുന്ന സംവിധായകൻ സനൽ കുമാർ ശശിധരനെതിരെ പരിഹാസക്കുറിപ്പുമായി മഞ്ജു വാര്യരുടെ സഹോദരനും നടനുമായ മധു വാര്യർ. മഞ്ജു തടവിലാണെന്ന പ്രചാരണങ്ങളോട് തികച്ചും പരിഹാസ രൂപേണയാണ് മധു വാര്യർ സോഷ്യൽ മീഡിയയിൽ പ്രതികരിച്ചത്.

## Article Content

** നടി** മഞ്ജു വാര്യർ തടവിലാണെന്ന ആരോപണവുമായി സെക്രട്ടേറിയറ്റിന് മുന്നിൽ സമരം ചെയ്യുന്ന സംവിധായകൻ സനൽ കുമാർ ശശിധരനെതിരെ പരിഹാസക്കുറിപ്പുമായി മഞ്ജു വാര്യരുടെ സഹോദരനും നടനുമായ മധു വാര്യർ. മഞ്ജു തടവിലാണെന്ന പ്രചാരണങ്ങളോട് തികച്ചും പരിഹാസ രൂപേണയാണ് മധു വാര്യർ സോഷ്യൽ മീഡിയയിൽ പ്രതികരിച്ചത്.

താനും അമ്മയും കൂടി തടവിൽ കഴിയുന്ന മഞ്ജുവിനെ പോയി കാണാൻ തീരുമാനിച്ചുവെന്നും, അവിടെ ചെന്നപ്പോൾ തോക്കിൻമുനയിൽ ഇരിക്കുന്ന മഞ്ജുവിനെ കണ്ട് എല്ലാവരും ഞെട്ടിയെന്നും മധു വാര്യർ കുറിച്ചു. തടവിൽ ഇരിക്കുമ്പോഴെങ്കിലും മഞ്ജുവിന്റെ വാചകമടിക്ക് കുറവുണ്ടാകുമെന്ന് കരുതിയെങ്കിലും പറയാതെയാണ് മധു വാര്യരുടെ ഈ പരിഹാസപൂർവ്വമുള്ള ഫേസ്ബുക്ക് കുറിപ്പ്.

സനൽ കുമാർ ശശിധരന്റെ ആരോപണങ്ങൾ എത്രത്തോളം അടിസ്ഥാനരഹിതവും വിചിത്രവുമാണെന്ന് വ്യക്തമാക്കാനാണ് അദ്ദേഹം ഇത്തരം ഒരു പരിഹാസ ശൈലി സ്വീകരിച്ചത്.

**മധു വാര്യരുടെ കുറിപ്പിന്റെ പൂർണ്ണ രൂപം:**

അമ്മയും അനുവും ആവണിയും ഞാനും കൂടെ തടവിൽ കഴിയുന്ന മഞ്ജുവിനെ പോയി കാണാൻ തീരുമാനിച്ചു. മഞ്ജുവിനെ തടവിൽ പാർപ്പിച്ചിട്ടുള്ള കാലമാടന്മാർ എങ്ങാനും ആക്രമിച്ചാലോ എന്ന് പേടിച്ച്, അവരെ കടിച്ചു കുടയാൻ ഒന്നരയടി കഷ്ടിയുള്ള കൊക്കോയെ കൂടെ കൂട്ടി.

അവിടെ ചെന്നപ്പോൾ തോക്കിൻമുനയിൽ ഇരിക്കുന്ന മഞ്ജുവിനെ കണ്ട് അമ്മ ഞെട്ടി, അനു ഞെട്ടി, ആവണി ഞെട്ടി, ഞാൻ ഞെട്ടി, ബാൽക്കണിയിൽ ഇരിക്കുന്ന പ്രാവിലേക്ക് ശ്രദ്ധ പോയത് കൊണ്ട് ഒരു പത്ത് സെക്കന്റ് ഡിലേ കഴിഞ്ഞ് കൊക്കോയും ഞെട്ടൽ രേഖപ്പെടുത്തി.

അങ്ങനെ ഞെട്ടൽ മഹാമഹം കഴിഞ്ഞു എന്നുറപ്പ് വരുത്തിയതിന് ശേഷം ഞങ്ങൾ ബാക്കി കാര്യപരിപാടിയിലേക്ക് കടന്നു. മഞ്ജു പുതിയതായി വാങ്ങിയ ഡ്രെസ്സുകൾ എടുത്ത് കൊണ്ട് വന്ന് നിരത്തി അതിന്റെ ഡിസ്കഷൻസിലേക്ക് കടന്നു.തടവിൽ ഇരിക്കുമ്പോഴെങ്കിലും മഞ്ജുവിന്റെ വാചകമടിക്ക് കുറവുണ്ടാകുമെന്ന് കരുതിയെങ്കിലും അത് തെറ്റാണെന്ന് പെട്ടെന്ന് തന്നെ മനസ്സിലായി.

അത് കഴിഞ്ഞ് ഗൺപോയിന്റിലുള്ള മഞ്ജു എല്ലാവർക്കും ബേൺഡ് ഗാർലിക് ഫ്രൈഡ് റൈസും, നൂഡിൽസും, ഹണി ഗ്ലേസ്ഡ് ചിക്കനും, സാൾട്ട് പെപ്പർ കോട്ടേജ് ചീസും ഓർഡർ ചെയ്തു. ഭക്ഷണശേഷം ഇറങ്ങാൻ നേരം രണ്ട് ദിവസം കഴിഞ്ഞേ വരുന്നുള്ളൂ എന്ന് അമ്മ പറഞ്ഞു. കഥകളി ക്ലാസ്സിന്റേയും യോഗാ ക്ലാസ്സിന്റേയും ബോറടി മാറ്റാൻ രണ്ട് ദിവസം മഞ്ജുവിന്റെ കൂടെ തടവിൽ കഴിയാൻ പോകുകയാണ് പോലും. അപ്പൊ ഇനിയുള്ള രണ്ട് ദിവസം അമ്മയും തോക്കിൻമുനയിലായിരിക്കും.

**English Summary:**

> Actor Madhu Warrier, brother of actress Manju Warrier, posted a satirical response on social media targeting director Sanal Kumar Sasidharan, who has been protesting in front of the Secretariat alleging that Manju Warrier is being held captive. Without directly naming the director, Madhu sarcastically described visiting his "captive" sister along with their mother, only to find her "at gunpoint" yet cheerfully ordering food for everyone. The sarcastic post aims to dismiss the director's allegations as baseless and reassure the public that the actress is safe with her family.

### Related Links & Sources
- [Original Story Source](https://moviemax.in/news/382828/madhu-warrier-sarcastic-reply-to-sanal-kumar-sasidharan-manju-warrier)