---
title: "'ഒരു പേരേ വരളാറ്'; തിയറ്ററുകളിൽ തരംഗമായി വിജയിന്റെ 'ജനനായകൻ',പുതിയ വീഡിയോ ഗാനം പുറത്ത്, ആഗോള കളക്ഷൻ 300 കോടി കടന്നു"
english_title: "Jana Nayagan New Video Song Released; Film Crosses Rs 318 Crore Worldwide"
publisher: "moviemax.in"
canonical_url: "https://moviemax.in/news/377966/jana-nayagan-new-video-song-worldwide-box-office"
published_at: "2026-08-11T14:17:00+05:30"
category: "Bollywood"
language: "ml"
image: "https://cf.zdn.im/img/truevisionnews.com/0/image-uploads/6a7b060f1a63e_jana-nayagan-new-video-song-worldwide-box-office.jpg"
keywords: ["Jana Nayagan", "Vijay", "Anirudh Ravichander", "Tamil Cinema", "Pooja Hedge", "Mamitha Baiju"]
---

# 'ഒരു പേരേ വരളാറ്'; തിയറ്ററുകളിൽ തരംഗമായി വിജയിന്റെ 'ജനനായകൻ',പുതിയ വീഡിയോ ഗാനം പുറത്ത്, ആഗോള കളക്ഷൻ 300 കോടി കടന്നു

> **Lead Summary:** ചെന്നൈ: ദളപതി വിജയിനെ നായകനാക്കി എച്ച്. വിനോദ് സംവിധാനം ചെയ്ത 'ജനനായകൻ' എന്ന ചിത്രത്തിലെ പുതിയ വീഡിയോ ഗാനം പുറത്തിറങ്ങി. 'ഒരു പേരേ വരളാറ്' എന്ന് തുടങ്ങുന്ന ഗാനത്തിന്റെ വരികൾ എഴുതിയിരിക്കുന്നത് വിവേക് ആണ്. ഗാനത്തിലെ ചില പ്രധാന സംഭാഷണങ്ങൾ വിജയ് തന്നെയാണ് എഴുതിയിരിക്കുന്നത് എന്ന പ്രത്യേകതയുമുണ്ട്. അനിരുദ്ധ് രവിചന്ദർ ഈണം പകർന്ന്, വിശാൽ മിശ്രയുമായി ചേർന്ന് ആലപിച്ച ഗാനമാണിത്.

## Article Content

ചെന്നൈ: ദളപതി വിജയിനെ നായകനാക്കി എച്ച്. വിനോദ് സംവിധാനം ചെയ്ത 'ജനനായകൻ' എന്ന ചിത്രത്തിലെ പുതിയ വീഡിയോ ഗാനം പുറത്തിറങ്ങി. 'ഒരു പേരേ വരളാറ്' എന്ന് തുടങ്ങുന്ന ഗാനത്തിന്റെ വരികൾ എഴുതിയിരിക്കുന്നത് വിവേക് ആണ്. ഗാനത്തിലെ ചില പ്രധാന സംഭാഷണങ്ങൾ വിജയ് തന്നെയാണ് എഴുതിയിരിക്കുന്നത് എന്ന പ്രത്യേകതയുമുണ്ട്. അനിരുദ്ധ് രവിചന്ദർ ഈണം പകർന്ന്, വിശാൽ മിശ്രയുമായി ചേർന്ന് ആലപിച്ച ഗാനമാണിത്.

പൊങ്കൽ റിലീസ് ആയി പ്രഖ്യാപിച്ച ചിത്രം സെൻസർ പ്രശ്നങ്ങളെത്തുടർന്ന് ആറ് മാസം വൈകി കഴിഞ്ഞ ജൂലൈ 23-നാണ് തിയറ്ററുകളിലെത്തിയത്. ചിത്രത്തിന് സമ്മിശ്ര പ്രതികരണമാണ് ലഭിച്ചതെങ്കിലും വിജയ് ആരാധകരുടെ പിന്തുണയോടെ ബോക്സ് ഓഫീസിൽ വൻ മുന്നേറ്റമാണ് ചിത്രം നടത്തുന്നത്.

 പ്രമുഖ ട്രാക്കർമാരായ സാക്നിലിന്റെ (Sacnilk) കണക്ക് പ്രകാരം ചിത്രം ഇതിനകം ആഗോള ബോക്സ് ഓഫീസിൽ നിന്ന് 318.09 കോടി രൂപ നേടിക്കഴിഞ്ഞു.  ഇന്ത്യയിൽ നിന്ന് മാത്രം ചിത്രം 224.89 കോടി ഗ്രോസ് കളക്ഷനും (നെറ്റ് കളക്ഷൻ: 193.05 കോടി) സ്വന്തമാക്കി. മൂന്നാം വാരത്തിലും മികച്ച തിയറ്റർ ഒക്കുപ്പൻസിയോടെ ചിത്രം പ്രദർശനം തുടരുകയാണ്.

 വിദേശ മാർക്കറ്റുകളിൽ നിന്ന് മാത്രം ഇതുവരെ 93.20 കോടി രൂപയാണ് ചിത്രം വാരിക്കൂട്ടിയത്. പൂജ ഹെഗ്ഡെ, ബോബി ഡിയോൾ, പ്രകാശ് രാജ്, ഗൗതം വാസുദേവ് മേനോൻ, പ്രിയാമണി, മമിത ബൈജു, നരെയ്ൻ തുടങ്ങിയ വൻ താരനിരയാണ് ചിത്രത്തിൽ അണിനിരന്നിരിക്കുന്നത്. നന്ദമുരി ബാലകൃഷ്ണ നായകനായ തെലുങ്ക് ചിത്രം 'ഭഗവന്ത് കേസരി'യിൽ നിന്ന് പ്രചോദനം ഉൾക്കൊണ്ടാണ് എച്ച്. വിനോദ് ഈ ചിത്രം ഒരുക്കിയിരിക്കുന്നത്.

തമിഴ്‌നാട് നിയമസഭാ തിരഞ്ഞെടുപ്പിന് മുൻപ് റിലീസ് ചെയ്ത് വിജയിന്റെ രാഷ്ട്രീയ നേട്ടത്തിന് ഉതകുന്ന രീതിയിലാണ് ചിത്രം പ്ലാൻ ചെയ്തിരുന്നത്. റിലീസ് വൈകിയെങ്കിലും, ഒടുവിൽ ചിത്രം തിയറ്ററുകളിലെത്തുമ്പോൾ വിജയ് തമിഴ്‌നാട് മുഖ്യമന്ത്രി കസേരയിലാണ് എന്നത് ആരാധകർക്ക് ഇരട്ടി മധുരമാകുന്നു.

.

### Related Links & Sources
- [Original Story Source](https://moviemax.in/news/377966/jana-nayagan-new-video-song-worldwide-box-office)