---
title: "വിജയ്‌യും സംഗീതയും പിരിയുന്നില്ല; വിവാഹമോചന ഹർജി പിൻവലിച്ചെന്ന് കുടുംബകോടതിയെ അറിയിച്ച്  സംഗീത"
english_title: "Vijay Wife Sangeeta Withdraws Divorce Petition Actor Tamil Nadu CM"
publisher: "moviemax.in"
canonical_url: "https://moviemax.in/news/377286/vijay-sangeeta-divorce-petition-withdrawn-reconciliation"
published_at: "2026-08-07T16:14:00+05:30"
category: "Kollywood"
language: "ml"
image: "https://cf.zdn.im/img/truevisionnews.com/0/image-uploads/6a75b7d8e979f_vijay-sangeeta-divorce-petition-withdrawn-reconciliation.jpg"
keywords: ["Vijay Sangeeta Divorce", "Tamil Nadu CM", "Divorce Withdrawn"]
---

# വിജയ്‌യും സംഗീതയും പിരിയുന്നില്ല; വിവാഹമോചന ഹർജി പിൻവലിച്ചെന്ന് കുടുംബകോടതിയെ അറിയിച്ച്  സംഗീത

> **Lead Summary:** ** നടനും** തമിഴ്നാട് മുഖ്യമന്ത്രിയുമായ വിജയിയിൽ നിന്ന് വിവാഹമോചനം വേണ്ടെന്ന നിലപാട് വ്യക്തമാക്കി ഭാര്യ സംഗീത. വിജയിയിൽ നിന്ന് വിവാഹമോചനം ആവശ്യപ്പെട്ട് നൽകിയിരുന്ന ഹർജി പിൻവലിക്കാനുള്ള തീരുമാനം സംഗീത ചെങ്കൽപ്പെട്ട് കുടുംബകോടതിയെ അറിയിച്ചു. ഇതോടെ കേസ് തീർപ്പാക്കിയതായി കോടതി അറിയിച്ചു. വീഡിയോ കോൺഫറൻസിങ്ങിലൂടെയാണ് സംഗീത കോടതിയിൽ ഹാജരായത്. വിവാഹമോചനം സംബന്ധിച്ച ഹർജിയുമായി മുന്നോട്ട് പോകുന്നില്ലെന്ന് അവർ കോടതിയെ ബോധിപ്പിച്ചു.

## Article Content

** നടനും** തമിഴ്നാട് മുഖ്യമന്ത്രിയുമായ വിജയിയിൽ നിന്ന് വിവാഹമോചനം വേണ്ടെന്ന നിലപാട് വ്യക്തമാക്കി ഭാര്യ സംഗീത. വിജയിയിൽ നിന്ന് വിവാഹമോചനം ആവശ്യപ്പെട്ട് നൽകിയിരുന്ന ഹർജി പിൻവലിക്കാനുള്ള തീരുമാനം സംഗീത ചെങ്കൽപ്പെട്ട് കുടുംബകോടതിയെ അറിയിച്ചു. ഇതോടെ കേസ് തീർപ്പാക്കിയതായി കോടതി അറിയിച്ചു. വീഡിയോ കോൺഫറൻസിങ്ങിലൂടെയാണ് സംഗീത കോടതിയിൽ ഹാജരായത്. വിവാഹമോചനം സംബന്ധിച്ച ഹർജിയുമായി മുന്നോട്ട് പോകുന്നില്ലെന്ന് അവർ കോടതിയെ ബോധിപ്പിച്ചു.

നേരത്തെ വിജയിയുടെ അമ്മ ശോഭ വിജയ് ഇരുവരുമായും സംസാരിച്ചതായും, വിവാഹമോചനം ഒഴിവാക്കി ഒന്നിച്ച് മുന്നോട്ട് പോകാനുള്ള സാധ്യതയുണ്ടെന്നും അഭ്യൂഹങ്ങൾ ഉണ്ടായിരുന്നു. ആ വാർത്തകൾ ശരിവെക്കുന്നതാണ് സംഗീതയുടെ ഇപ്പോഴത്തെ നിലപാട്. കുടുംബ പ്രശ്നങ്ങൾ പരിഹരിച്ച് ഒരുമിച്ച് ജീവിക്കാനാണ് ഇരുവരുടെയും തീരുമാനമെന്നാണ് അടുത്ത വൃത്തങ്ങൾ സൂചിപ്പിക്കുന്നത്.

1998-ലാണ് വിജയും സംഗീതയും യുകെയിൽ വെച്ച് വിവാഹ രജിസ്റ്റർ ചെയ്തത്. പിന്നീട് 1999-ൽ ചെന്നൈയിൽ വെച്ച് മതാചാരപ്രകാരവും വിവാഹം നടന്നു. വിജയ് സിനിമയിൽ സജീവമായിരുന്ന കാലത്ത് സംഗീത കുടുംബം നോക്കി ലണ്ടനിലായിരുന്നു. പിന്നീട് വിജയ് രാഷ്ട്രീയത്തിൽ സജീവമായതോടെ ഇരുവരും തമ്മിലുള്ള അകൽച്ചയെക്കുറിച്ച് വാർത്തകൾ വന്നിരുന്നു.

എന്നാൽ കഴിഞ്ഞ കുറച്ച് മാസങ്ങളായി ഇരുവരും തമ്മിലുള്ള പ്രശ്നങ്ങൾ പരിഹരിക്കുന്നതിനുള്ള ശ്രമങ്ങൾ നടന്നിരുന്നു. കുടുംബാംഗങ്ങളും അടുത്ത സുഹൃത്തുക്കളും ഇടപെട്ടാണ് ഈ പ്രശ്നത്തിന് പരിഹാരം കണ്ടെത്തിയതെന്നാണ് വിവരം. വിവാഹമോചന ഹർജി പിൻവലിച്ചതോടെ വിജയ് ആരാധകർക്കും കുടുംബത്തിനും വലിയ ആശ്വാസമായി.

തമിഴ്നാട് രാഷ്ട്രീയത്തിൽ സജീവമായ വിജയിയുടെ വ്യക്തിജീവിതത്തെക്കുറിച്ചുള്ള ചർച്ചകൾക്ക് ഇതോടെ വിരാമമാകുകയാണ്. നിലവിൽ വിജയ് തമിഴക വെട്രി കഴകം എന്ന രാഷ്ട്രീയ പാർട്ടിയുടെ പ്രവർത്തനങ്ങളിൽ തിരക്കിലാണ്. കുടുംബ പ്രശ്നങ്ങൾക്ക് പരിഹാരമായതോടെ രാഷ്ട്രീയ പ്രവർത്തനങ്ങളിൽ കൂടുതൽ ശ്രദ്ധ കേന്ദ്രീകരിക്കാൻ അദ്ദേഹത്തിന് കഴിയും.

### Related Links & Sources
- [Original Story Source](https://moviemax.in/news/377286/vijay-sangeeta-divorce-petition-withdrawn-reconciliation)