---
title: ""എനിക്കും അഭിപ്രായ സ്വാതന്ത്ര്യമുണ്ട്"; കാവി പരാമർശത്തിന് പിന്നാലെ പേളിയെ അൺഫോളോ ചെയ്ത് ആരാധകർ"
english_title: "Pearle Maaney Loses Followers After CJEP Protest Comment Saffron Color-new"
publisher: "moviemax.in"
canonical_url: "https://moviemax.in/news/374585/pearle-maaney-followers-drop-cjep-protest-saffron-comment-new"
published_at: "2026-07-25T16:30:00+05:30"
category: "TV"
language: "ml"
image: "https://cf.zdn.im/img/truevisionnews.com/0/image-uploads/6a6498229f157_pearle-maaney-followers-drop-cjep-protest-saffron-comment.jpg"
keywords: ["Latest News", "Pearle Maaney", "CJEP Protest", "Dharmendra Pradhan Resign"]
---

# "എനിക്കും അഭിപ്രായ സ്വാതന്ത്ര്യമുണ്ട്"; കാവി പരാമർശത്തിന് പിന്നാലെ പേളിയെ അൺഫോളോ ചെയ്ത് ആരാധകർ

> **Lead Summary:** **[**ഡൽഹിയിലെ വിദ്യാർഥി പ്രക്ഷോഭത്തിനെതിരെ നിലപാട് സ്വീകരിച്ചതിന് പിന്നാലെ സോഷ്യൽ മീഡിയ താരം പേളി മാണിക്ക് വൻ തിരിച്ചടി. താരത്തിന്റെ ഇൻസ്റ്റാഗ്രാം അക്കൗണ്ടിലും യൂട്യൂബ് ചാനലിലും ഫോളോവേഴ്സിന്റെയും സബ്സ്ക്രൈബേഴ്സിന്റെയും എണ്ണത്തിൽ വലിയ ഇടിവാണ് രേഖപ്പെടുത്തിയിരിക്കുന്നത്.

## Article Content

**[**ഡൽഹിയിലെ വിദ്യാർഥി പ്രക്ഷോഭത്തിനെതിരെ നിലപാട് സ്വീകരിച്ചതിന് പിന്നാലെ സോഷ്യൽ മീഡിയ താരം പേളി മാണിക്ക് വൻ തിരിച്ചടി. താരത്തിന്റെ ഇൻസ്റ്റാഗ്രാം അക്കൗണ്ടിലും യൂട്യൂബ് ചാനലിലും ഫോളോവേഴ്സിന്റെയും സബ്സ്ക്രൈബേഴ്സിന്റെയും എണ്ണത്തിൽ വലിയ ഇടിവാണ് രേഖപ്പെടുത്തിയിരിക്കുന്നത്.

5.7 മില്യൺ ഫോളോവേഴ്സ് ഉണ്ടായിരുന്ന പേളിയുടെ ഇൻസ്റ്റാഗ്രാം അക്കൗണ്ടിൽ നിലവിൽ 5.5 മില്യൺ ഫോളോവേഴ്സ് മാത്രമാണുള്ളത്. ചുരുങ്ങിയ ദിവസങ്ങൾക്കുള്ളിൽ ഏകദേശം രണ്ട് ലക്ഷത്തോളം പേരാണ് താരത്തെ അൺഫോളോ ചെയ്തത്.

> സമാനമായി, യൂട്യൂബ് ചാനലിലെ സബ്സ്ക്രൈബേഴ്സിന്റെ എണ്ണവും 4.74 മില്യണിൽ നിന്ന് 4.68 മില്യണിലേക്ക് കുറഞ്ഞു."ഒരു ലക്ഷ്യവും ഒരു ജീവനേക്കാൾ വലുതല്ല. ജീവന് ഭീഷണിയുണ്ടെങ്കിൽ വിദ്യാർഥികൾ അവിടെ നിന്ന് മടങ്ങി പോകണം" എന്നായിരുന്നു ഡൽഹിയിലെ സമരത്തെക്കുറിച്ച് പേളി മാണി ഇൻസ്റ്റാഗ്രാമിൽ കുറിച്ചത്.

> ഈ പരാമർശം വലിയ ചർച്ചയായതിന് പിന്നാലെ, "എനിക്ക് ഇഷ്ടപ്പെട്ട നിറം കാവിയാണ്. എനിക്കും അഭിപ്രായ സ്വാതന്ത്ര്യമുണ്ട്" എന്ന് കൂടി താരം പോസ്റ്റ് ചെയ്തത് സോഷ്യൽ മീഡിയയിൽ വലിയ പ്രതിഷേധത്തിന് കാരണമായി. സമരത്തെ അനുകൂലിക്കുന്ന വലിയൊരു വിഭാഗം ആളുകളാണ് പേളിയുടെ ഈ നിലപാടിൽ പ്രതിഷേധിച്ച് സോഷ്യൽ മീഡിയയിൽ നിന്ന് വിട്ടുനിൽക്കുന്നത്.

അതിനിടെ, രാജ്യതലസ്ഥാനത്ത് ശക്തമായി തുടരുന്ന വിദ്യാർഥി പ്രക്ഷോഭത്തിന്റെ ഭാഗമായി കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ തന്റെ രാജി സമർപ്പിച്ചു. പ്രധാനമന്ത്രി നരേന്ദ്ര മോദിക്കാണ് അദ്ദേഹം രാജിക്കത്ത് നൽകിയത്. സമരക്കാരുടെ പ്രധാന ആവശ്യങ്ങളിലൊന്നായിരുന്നു മന്ത്രിയുടെ രാജി.

> തുടക്കത്തിൽ കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ രാജിവെക്കേണ്ടതില്ലെന്ന നിലപാടിലായിരുന്നു കേന്ദ്ര സർക്കാർ. എന്നാൽ "ധർമേന്ദ്ര പ്രധാൻ രാജിവെക്കാതെ പിന്നോട്ടില്ല" എന്ന് വിദ്യാർഥികൾ ഉറച്ചുനിന്നതോടെ സർക്കാർ പ്രതിരോധത്തിലായി. മന്ത്രി രാജി വെച്ചില്ലെങ്കിൽ രാജ്യവ്യാപകമായി മെഴുകുതിരി മാർച്ചും പാർലമെന്റിലേക്ക് ശക്തമായ മാർച്ചും നടത്തുമെന്ന് സമരക്കാർ മുന്നറിയിപ്പ് നൽകിയിരുന്നു. ഇതിന് പിന്നാലെയാണ് നിർണ്ണായകമായ രാജി പ്രഖ്യാപനം പുറത്തുവന്നിരിക്കുന്നത്.

### Related Links & Sources
- [Original Story Source](https://moviemax.in/news/374585/pearle-maaney-followers-drop-cjep-protest-saffron-comment-new)