മുഷ്ടിചുരുട്ടി ഭീഷണിപ്പെടുത്തി സർക്കാരിനെ മാറ്റാൻ നോക്കേണ്ട, അത്രയ്ക്ക് നിർബന്ധമാണെങ്കിൽ സ്വയം മത്സരിച്ച് ജയിക്കൂ'; പ്രതിപക്ഷത്തെ വെല്ലുവിളിച്ച് കങ്കണ റണാവത്ത്

ന്യൂഡൽഹി: ( https://moviemax.in/ ) പാർലമെന്റിന്റെ വർഷകാല സമ്മേളനത്തിലെ പ്രതിപക്ഷ പ്രതിഷേധത്തെ രൂക്ഷമായി വിമർശിച്ച് ബിജെപി എംപിയും നടിയുമായ കങ്കണ റണാവത്ത്. സഭയിലെ ബഹളങ്ങൾ ജനാധിപത്യപരമല്ലെന്നും തിരഞ്ഞെടുക്കപ്പെട്ട ഒരു സർക്കാരിനെ ഭീഷണിപ്പെടുത്തി തീരുമാനങ്ങൾ എടുപ്പിക്കാൻ ആർക്കും അവകാശമില്ലെന്നും കങ്കണ വ്യക്തമാക്കി. ചർച്ചകൾക്കും ഉത്തരവാദിത്വങ്ങൾക്കും വേണ്ടിയുള്ള വേദിയാകണം പാർലമെന്റ എന്ന് അവർ ഓർമ്മിപ്പിച്ചു.

ആരെ പുറത്താക്കണം, നിലനിർത്തണം എന്ന് തീരുമാനിക്കാൻ സർക്കാരിന് മേൽ സമ്മർദ്ദം ചെലുത്തുന്നത് നല്ല പ്രവണതയല്ല. സർക്കാരിന്റെ ആഭ്യന്തര തീരുമാനങ്ങളിൽ നിർദ്ദേശങ്ങൾ നൽകാൻ ആഗ്രഹിക്കുന്നവർ ആദ്യം ജനവിധി തേടണം.

ഭരണം എങ്ങനെ വേണമെന്ന് തീരുമാനിക്കാൻ ജനങ്ങൾ തിരഞ്ഞെടുത്ത സർക്കാരിന് അവകാശമുണ്ട്. അത്ര നിർബന്ധമാണെങ്കിൽ പ്രതിപക്ഷം സ്വയം തിരഞ്ഞെടുപ്പിൽ മത്സരിച്ച് ജയിക്കട്ടെയെന്നും കങ്കണ പരിഹസിച്ചു.

നീറ്റ്  പരീക്ഷയിലെ ക്രമക്കേടുകളും രാമക്ഷേത്ര സംഭാവനാ വിവാദവും ഉന്നയിച്ച് പ്രതിപക്ഷം ശക്തമായ പ്രതിഷേധം ഉയർത്തിയതിനെ തുടർന്ന് ലോക്‌സഭാ നടപടികൾ തടസ്സപ്പെട്ടിരുന്നു. സഭ സുഗമമായി നടത്താൻ സ്പീക്കർ ശ്രമിച്ചെങ്കിലും ബഹളം കാരണം സഭ താൽക്കാലികമായി നിർത്തിവെക്കേണ്ടി വന്ന സാഹചര്യത്തിലാണ് കങ്കണയുടെ പ്രതികരണം.

Content Highlight: Kangana Ranaut Slams Opposition Protest in Parliament, Calls it Undemocratic

#Latest news #Kangana Ranaut #BJP #Parliament #Opposition Protest #Indian Politics