---
title: "'തിയേറ്ററിൽ നമ്മൾ കോമഡിയാകും;  ആക്ഷനേക്കാൾ റിസ്ക് കോമഡി ചിത്രങ്ങളാണെന്ന് നടൻ ആര്യ"
english_title: "Ananthankad movie , Actor Arya's new revelation, comedy films carry more risk than action movies"
publisher: "moviemax.in"
canonical_url: "https://moviemax.in/news/370925/ananthankad-movie-actor-aryas-new-revelation-comedy-films-carry-more-risk-than-action-movies-new"
published_at: "2026-07-07T12:07:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/6a4ca3aa55a71_arya.jpg"
keywords: ["Latest News", "Ananthankad", "Comedy Vs Action", "Actor Arya"]
---

# 'തിയേറ്ററിൽ നമ്മൾ കോമഡിയാകും;  ആക്ഷനേക്കാൾ റിസ്ക് കോമഡി ചിത്രങ്ങളാണെന്ന് നടൻ ആര്യ

> **Lead Summary:** **[**ആക്ഷൻ സിനിമകളും കോമഡി ചിത്രങ്ങളും ഒരുപോലെ കൈകാര്യം ചെയ്യുന്ന നടനാണ് ആര്യ. തമിഴിൽ നാൻ കടവുളും സർപ്പാട്ടെ പരമ്പരൈയും പോലുള്ള ആക്ഷൻ ചിത്രങ്ങൾക്കൊപ്പം തന്നെ രാജാ റാണിയും ബോസ് എങ്കിറ ഭാസ്‌കരനും പോലുള്ള നിരവധി കോമഡി ചിത്രങ്ങളിലും ആര്യ നായകനായി എത്തിയിട്ടുണ്ട്. മദിരാസി പട്ടണത്തിലെ ആര്യയുടെ പ്രണയവും ഇമോഷൻസും ആക്ഷനുമെല്ലാം വലിയ കയ്യടികൾ നേടിയിരുന്നു.

## Article Content

**[**ആക്ഷൻ സിനിമകളും കോമഡി ചിത്രങ്ങളും ഒരുപോലെ കൈകാര്യം ചെയ്യുന്ന നടനാണ് ആര്യ. തമിഴിൽ നാൻ കടവുളും സർപ്പാട്ടെ പരമ്പരൈയും പോലുള്ള ആക്ഷൻ ചിത്രങ്ങൾക്കൊപ്പം തന്നെ രാജാ റാണിയും ബോസ് എങ്കിറ ഭാസ്‌കരനും പോലുള്ള നിരവധി കോമഡി ചിത്രങ്ങളിലും ആര്യ നായകനായി എത്തിയിട്ടുണ്ട്. മദിരാസി പട്ടണത്തിലെ ആര്യയുടെ പ്രണയവും ഇമോഷൻസും ആക്ഷനുമെല്ലാം വലിയ കയ്യടികൾ നേടിയിരുന്നു.

ഇപ്പോൾ കോമഡി സീനുകളും ആക്ഷൻ സീനുകളും തമ്മിലുള്ള വ്യത്യാസത്തെ കുറിച്ച് പറയുകയാണ് ആര്യ. ആക്ഷൻ സിനിമകളേക്കാൾ പ്രയാസം കോമഡി സിനിമകൾ ചെയ്യാനാണെന്നാണ് അദ്ദേഹം പറയുന്നത്. അതിന്റെ കാരണങ്ങളും ആര്യ വ്യക്തമാകുന്നുണ്ട്.

'ആക്ഷന് അതിന്റേതായി പ്രയാസങ്ങളും പോസിറ്റീവ് വശങ്ങളും ഉണ്ട്. പക്ഷെ കോമഡി അങ്ങനെയല്ല. കോമഡി ചെയ്യുമ്പോൾ അഷൂട്ട് ചെയ്യുമ്പോഴേ കോമഡി വർക്കൗട്ടാകണം അല്ലെങ്കിൽ അത് പിന്നെ തിയേറ്റിൽ അതിലും വലിയ കോമഡിയാകും. നമ്മുടെ കോമഡിയ്ക്കല്ല, നമ്മളെ നോക്കിയാകും ആളുകൾ ചിരിക്കുക. അതുകൊണ്ട് കോമഡി വളരെ റിസ്‌കുള്ള കാര്യമാണ്. കൃത്യമായി മീറ്ററിൽ ചെയ്തില്ലെങ്കിൽ അത് പാളിപ്പോകും,' ആര്യ പറഞ്ഞു.

മലയാളത്തിൽ ആദ്യമായി നായകനായി എത്തിയ അനന്തൻകാടാണ് ആര്യയുടെ പുതിയ ചിത്രം. മുരളി ഗോപി തിരക്കഥയൊരുക്കി ജിയേൻ കൃഷ്ണകുമാർ സംവിധാനം ചെയ്ത ചിത്രത്തിൽ വെട്രി എന്ന കഥാപാത്രമായാണഅ ആര്യ എത്തിയത്. തമിഴ് പശ്ചാത്തലത്തിലുള്ള കഥാപാത്രമായിരുന്നു ഇത്. 1980-90 കാലഘട്ടത്തിൽ തിരുവനന്തപുരത്ത് നടക്കുന്ന കഥയാണ് ചിത്രം പറയുന്നത്.

### Related Links & Sources
- [Original Story Source](https://moviemax.in/news/370925/ananthankad-movie-actor-aryas-new-revelation-comedy-films-carry-more-risk-than-action-movies-new)