---
title: "മമിത ബൈജുവിനെ ഒഴിവാക്കിയോ? സൂര്യ ചിത്രത്തിന്റെ പോസ്റ്റർ വിവാദത്തിൽ അണിയറപ്രവർത്തകർക്കെതിരെ സനം ഷെട്ടി"
english_title: "Mamitha Baiju, Sanam Shetty, Suriya, 'Viswanath & Sons' poster controversy"
publisher: "moviemax.in"
canonical_url: "https://moviemax.in/news/367326/mamitha-baiju-sanam-shetty-suriya-viswanath-sons-poster-controversy"
published_at: "2026-06-21T12:03:00+05:30"
category: "Kollywood"
language: "ml"
image: "https://cf.zdn.im/img/truevisionnews.com/0/image-uploads/6a37866e50bc3_Mamitha_Baiju,_Sanam_Shetty,_Suriya,.jpg"
keywords: ["Mamitha Baiju", "Sanam Shetty", "Suriya", "'Viswanath & Sons' Poster Controversy", "Kollywood"]
---

# മമിത ബൈജുവിനെ ഒഴിവാക്കിയോ? സൂര്യ ചിത്രത്തിന്റെ പോസ്റ്റർ വിവാദത്തിൽ അണിയറപ്രവർത്തകർക്കെതിരെ സനം ഷെട്ടി

> **Lead Summary:** തെന്നിന്ത്യൻ താരം സൂര്യയും മമിത ബൈജുവും പ്രധാന കഥാപാത്രങ്ങളായി എത്തുന്ന പുതിയ ചിത്രം ‘വിശ്വനാഥ് ആന്റ് സണ്‍സ്’ എന്ന സിനിമയ്ക്കായി ഏറെ ആവേശത്തോടെയാണ് സിനിമാ ആരാധകര്‍ കാത്തിരിക്കുന്നത്. കഴിഞ്ഞ ദിവസമാണ് ചിത്രത്തിലെ ആദ്യ ഗാനം റിലീസ് ചെയ്തത്. എന്നാൽ, ഗാനം പുറത്തിറങ്ങിയതിന് പിന്നാലെ ചിത്രത്തിന്റെ പോസ്റ്ററുമായി ബന്ധപ്പെട്ട് സോഷ്യൽ മീഡിയയിൽ പുതിയൊരു വിവാദം ഉടലെടുത്തിരിക്കുകയാണ്.

## Article Content

തെന്നിന്ത്യൻ താരം സൂര്യയും മമിത ബൈജുവും പ്രധാന കഥാപാത്രങ്ങളായി എത്തുന്ന പുതിയ ചിത്രം ‘വിശ്വനാഥ് ആന്റ് സണ്‍സ്’ എന്ന സിനിമയ്ക്കായി ഏറെ ആവേശത്തോടെയാണ് സിനിമാ ആരാധകര്‍ കാത്തിരിക്കുന്നത്. കഴിഞ്ഞ ദിവസമാണ് ചിത്രത്തിലെ ആദ്യ ഗാനം റിലീസ് ചെയ്തത്. എന്നാൽ, ഗാനം പുറത്തിറങ്ങിയതിന് പിന്നാലെ ചിത്രത്തിന്റെ പോസ്റ്ററുമായി ബന്ധപ്പെട്ട് സോഷ്യൽ മീഡിയയിൽ പുതിയൊരു വിവാദം ഉടലെടുത്തിരിക്കുകയാണ്.

പോസ്റ്ററില്‍ നായിക മമിത ബൈജുവിന്റെ പേര് ഉള്‍പ്പെടുത്താതിനെ വിമര്‍ശിച്ച് നിരവധി പേരാണ് രംഗത്തെത്തിയിരിക്കുന്നത്. സോഷ്യല്‍ മീഡിയയിലൂടെ ചിത്രത്തിന്റെ അണിയറ പ്രവര്‍ത്തകര്‍ക്കെതിരെ ശക്തമായ പ്രതിഷേധമാണ് ഉയരുന്നത്.

ഈ വിവാദത്തിനു ശേഷം പ്രതികരണവുമായി എത്തിയിരിക്കുകയാണ് നടി സനം ഷെട്ടി. മമിതയുടെ പേര് പോസ്റ്ററില്‍ ഉള്‍പ്പെടുത്തുന്നതില്‍ നിന്നും എന്താണ് അണിയറ പ്രവര്‍ത്തകരെ തടയുന്നതെന്നാണ് സനം ഷെട്ടി ചോദിക്കുന്നത്. ഇത് അനീതിയും മാറ്റപ്പെടേണ്ടതാണെന്നുമാണ് സനം ഷെട്ടി സോഷ്യല്‍ മീഡിയയില്‍ കുറിച്ചു.

''നായികയുടെ പേര് പറയുന്നതില്‍ എന്താണ് അണിയറ പ്രവര്‍ത്തകരെ തടയുന്നത്? മമിതയുടെ ഒഴികെ എല്ലാ പ്രധാന വ്യക്തികളുടേയും പേരുണ്ട്. ഇത് അനീതിയാണ്. ഈ നയമൊക്കെ മാറ്റേണ്ട കാലം അതിക്രമിച്ചിരിക്കുന്നു. സിനിമയില്‍ മമിത ബൈജു കഴിവ് തെളിയിച്ചവളാണ്. അതിനാലാണ് അവരെ ഇതുപോലെ വലിയൊരു സിനിമയിലെടുത്തത്. അവളൊരു പുതുമുഖ നായിക ആയിരുന്നുവെങ്കിലും എല്ലായിടത്തും തുല്യ പ്രാധാന്യം ലഭിക്കാന്‍ അര്‍ഹതയുണ്ട്. സിനിമ ഇന്‍ഡസ്ട്രി മാറണം'' എന്നാണ് സനം ഷെട്ടി പ്രതികരിച്ചത്.

'തിരക്കഥയില്‍ നായികക്ക് പ്രാധാന്യമുണ്ടെങ്കില്‍, സിനിമ പ്രചരിപ്പിക്കാന്‍ അവളുടെ സാന്നിധ്യം ഉപയോഗിക്കുന്നുണ്ടെങ്കില്‍, പോസ്റ്ററുകളില്‍ പരാമര്‍ശിക്കപ്പെടാന്‍ അവള്‍ക്ക് അര്‍ഹതയുണ്ട്. അവള്‍ക്ക് വിപണി മൂല്യമുണ്ടോ ഇല്ലയോ എന്നത് പോസ്റ്റര്‍ ക്രെഡിറ്റുകളെ സംബന്ധിച്ചിടത്തോളം അപ്രസക്തമാണ്. സിനിമ നമ്മോടൊപ്പം പരിണമിക്കുന്നു. ഇത് തുല്യതയെയും ബഹുമാനത്തെയും കുറിച്ചുള്ളതാണ്.' എന്നും സനം ഷെട്ടി പറയുന്നു.

ഓഗസ്റ്റ് 14 നാണ് വിശ്വനാഥ് ആന്റ് സണ്‍സ് തിയേറ്ററുകളിലേക്ക് എത്തുക. വെങ്കി അറ്റ്ലൂരിയാണ് സിനിമയുടെ സംവിധാനം. ചിത്രത്തില്‍ 40 കാരനും 20 കാരിയും തമ്മിലുള്ള പ്രണയകഥയാണ് അവതരിപ്പിക്കുന്നത്. സിതാര എന്റര്‍ടെയ്ന്‍മെന്റ്സും ഫോര്‍ച്യൂണ്‍ ഫോര്‍ സിനിമാസും ചേര്‍ന്നാണ്് സിനിമയുടെ നിര്‍മാണം.

### Related Links & Sources
- [Original Story Source](https://moviemax.in/news/367326/mamitha-baiju-sanam-shetty-suriya-viswanath-sons-poster-controversy)