---
title: "'പ്രശസ്തി ഉള്ളതുകൊണ്ട് കാര്യം എളുപ്പമായില്ല, ഒറ്റപ്പെടുത്തലുകൾ നേരിട്ടു'; മനസ് തുറന്ന് ഹൻസിക "
english_title: "Hansika Krishna shares her joy at completing her graduation with high marks"
publisher: "moviemax.in"
canonical_url: "https://moviemax.in/news/366478/hansika-krishna-shares-her-joy-at-completing-her-graduation-with-high-marks"
published_at: "2026-06-17T10:24:00+05:30"
category: "TV"
language: "ml"
image: "https://cf.zdn.im/img/truevisionnews.com/0/image-uploads/6922ea7ea18a4_hansubeey.jpg"
keywords: ["latest new", "Hansika Krishna", "social media influencer", "college life"]
---

# 'പ്രശസ്തി ഉള്ളതുകൊണ്ട് കാര്യം എളുപ്പമായില്ല, ഒറ്റപ്പെടുത്തലുകൾ നേരിട്ടു'; മനസ് തുറന്ന് ഹൻസിക 

> **Lead Summary:** **[** ഉയർന്ന മാർക്കോടെ ബിരുദപഠനം പൂർത്തിയാക്കിയതിന്റെ സന്തോഷം പങ്കുവെച്ച് സോഷ്യൽ മീഡിയ ഇൻഫ്ലുവൻസറും നടിയുമായ ഹൻസിക കൃഷ്ണ. നടൻ കൃഷ്ണകുമാറിന്റെ മകളായ ഹൻസിക തിരുവനന്തപുരം മാർ ഇവാനിയോസ് കോളേജിൽ നിന്നാണ് 'എ ഗ്രേഡോടെ' വിജയം കൈവരിച്ചത്.

## Article Content

**[** ഉയർന്ന മാർക്കോടെ ബിരുദപഠനം പൂർത്തിയാക്കിയതിന്റെ സന്തോഷം പങ്കുവെച്ച് സോഷ്യൽ മീഡിയ ഇൻഫ്ലുവൻസറും നടിയുമായ ഹൻസിക കൃഷ്ണ. നടൻ കൃഷ്ണകുമാറിന്റെ മകളായ ഹൻസിക തിരുവനന്തപുരം മാർ ഇവാനിയോസ് കോളേജിൽ നിന്നാണ് 'എ ഗ്രേഡോടെ' വിജയം കൈവരിച്ചത്.

കോളേജ് അധികൃതരിൽ നിന്നും ബിരുദം സ്വീകരിക്കുന്ന ചടങ്ങിൽ ഹൻസികയ്ക്ക് പിന്തുണയുമായി കുടുംബാംഗങ്ങളും എത്തിയിരുന്നു. എന്നാൽ ബിരുദ നേട്ടത്തിനൊപ്പം തന്റെ കോളേജ് ജീവിതത്തിലെ കയ്പ്പേറിയ ചില അനുഭവങ്ങളും ഹൻസിക പങ്കുവെച്ചിട്ടുണ്ട്.

ഷൂട്ടിംഗും കണ്ടന്റ് ക്രിയേഷനുമായി ഒട്ടേറെ തിരക്കുകളുണ്ടായിരുന്നിട്ടും പഠനത്തെ ഹൻസിക ബാധിക്കാൻ അനുവദിച്ചില്ല. എയർപോർട്ടുകളിലും ട്രെയിനുകളിലും കാരവനുകളിലിരുന്നും വരെ താൻ പഠിക്കാൻ സമയം കണ്ടെത്തിയിരുന്നുവെന്ന് ഹൻസിക പറയുന്നു. മൂന്ന് വർഷത്തെ കോളേജ് ജീവിതത്തിനിടയിൽ അധ്യാപകരുടെ സ്നേഹവും അംഗീകാരവും നേടിയെടുക്കാൻ കഴിഞ്ഞതാണ് തന്റെ ഏറ്റവും വലിയ നേട്ടമെന്നും താരം കൂട്ടിച്ചേർത്തു.

'പ്രശസ്തി കാര്യങ്ങൾ എളുപ്പമാക്കിയില്ല, ഒറ്റപ്പെടുത്തലുകൾ നേരിട്ടു' ഒരു സെലിബ്രിറ്റി കുടുംബത്തിൽ നിന്നുള്ള ആളായതുകൊണ്ട് കോളേജ് ജീവിതം തനിക്ക് അത്ര എളുപ്പമായിരുന്നില്ലെന്ന് ഹൻസിക തുറന്നുപറയുന്നു.

സ്റ്റാർ കിഡ് ആയതുകൊണ്ട് തന്നെ ആളുകൾക്ക് തന്റെ മേൽ അനാവശ്യ മുൻവിധികളുണ്ടായിരുന്നു. പലപ്പോഴും ഒറ്റപ്പെടുത്തലുകൾ നേരിടേണ്ടി വന്നിട്ടുണ്ട്. പ്രശസ്തി ഉള്ളതുകൊണ്ട് കാര്യങ്ങൾ എളുപ്പമാകുമെന്നാണ് പലരും കരുതുന്നത്, എന്നാൽ പലപ്പോഴും അതിന്റെ നേരെ വിപരീതമാണ് സംഭവിക്കാറുള്ളത്.

 കോളേജിന്റെ തുടക്കകാലത്ത് താൻ ഏറെ വിശ്വസിച്ച ചില സുഹൃത്തുക്കൾ തന്നെ വഞ്ചിക്കുകയും ഉപയോഗിക്കുകയും ചെയ്തിട്ടുണ്ട്. എന്നാൽ അന്ന് കേവലം 17 വയസ്സ് മാത്രമുണ്ടായിരുന്ന തനിക്ക് അത് തിരിച്ചറിയാൻ പറ്റിയില്ല.

 വഞ്ചിച്ചവരിൽ ചിലർ പിന്നീട് കുറ്റബോധത്തോടെ തിരികെ വന്നിട്ടുണ്ടെങ്കിലും എല്ലാ വാതിലുകളും വീണ്ടും തുറന്നുകൊടുക്കേണ്ടതില്ലെന്ന് താൻ പഠിച്ചു. ഈ അനുഭവങ്ങളെല്ലാം തന്നെ കൂടുതൽ കരുത്തയും ബുദ്ധിമതിയുമുള്ളവളാക്കി മാറ്റിയെന്നും ഹൻസിക തന്റെ കുറിപ്പിൽ വ്യക്തമാക്കി. തന്റെ ഈ യാത്രയിൽ ഒപ്പം നിന്ന കുടുംബത്തിനും യഥാർത്ഥ സുഹൃത്തുക്കൾക്കും നന്ദി പറഞ്ഞുകൊണ്ടാണ് ഹൻസിക കുറിപ്പ് അവസാനിപ്പിക്കുന്നത്.

### Related Links & Sources
- [Original Story Source](https://moviemax.in/news/366478/hansika-krishna-shares-her-joy-at-completing-her-graduation-with-high-marks)